1 Sempe na, me rɛɔ ñempa, womɩ Asɛ yaa ra-n'mɩ sɛ re wʋse ɩ yera na, !ɩɩ re mɩ mɔsem ka Yeesu rɛɛ-ɔna. Nñ'ɔna, Asɛ tir-ɩ s'ɩ wʋse r'Asɛ laate laar sesɛɛ. Na ñɩ rɛɛ-ɔna, ɖe tisi Asɛ rɛɛ nɩ re hosʋ reyanta ka wonte re tisi te rɛɛ na. 2 Ɩ laʋ woñɩ sɩ-ɩ na, ɩ temer ka sarte, se Moiisi ka lake Asɛ rɛɔ taa temer ka wo na. 3 Nte rɛɛ-ɔna, Asɛ ñela n'ɩ nɔɔn sɛ Yeesu tala s'a wɔr-ɩ, n'ʋ kelen Moiisi, s'a ha ñamte ka rɛɔ cii n'ʋ kelen ɖɛɔ ka wo na. 4 Pa rɛɔ nka na, na ka mar. Ama, Asɛ ma-na te ten. 5 Moiisi hen na, lɛ ka ci wolalaɖe ñɩ laʋ ɩ temer k'Asɛ rɛɔ t'ɔ sarte na. N nɔɔn ɩ temer kelɛ s'ɩ senɖe wonte Asɛ kaa s'ɩ siir-te na, te wara. 6 Kiriisitu hen na, ɩ ci rɛɔ nka taa Yo, n'ɩ ci ka ñuŋcii. Đa hen na, ɖe ci rɛɔ nka, ka nne re sʋŋ ɖe pe yeke sɛ wonte ten ɖe honkʋ-te na, te kaa sɛ te laʋ, nɩ re wɛ re ñantʋ te rɛɛ, 7 Nte rɛɛ-ɔna, Asɛ Fiisu siiru sɛ: "Nne ɩɩ nɩʋ Asɛ wʋtɔ ka sɛŋ, 8 !ɩɩ ra rʋ mɩ rena, se mɩ caasɩna ka rʋ wa rena ka wo, antaʋŋ, wa cii Asɛ ka nampee na. Alʋate nte taa, n nɔɔn wa ka wɛ awʋlɔŋ t'ɔna. Wa ta ñam Asɛ, nɩ wa take-ɩ. Asɛ siiru sɛ: 'Wa na wonte ten me laʋ-te wʋse ka hiin nniisa na. Ama, te ten ñɩ taa na, wa take-m sɛ wa na haa, me lake senɔ. 10 Nte rɛɛ-ɔna, me ñan kpan-wa, nɩ me tam s'nkar pe tiki wa rena taa. Wa take nɩʋ me ñempʋ kutihuɖi. 11 Semp'ɔna, me ñan kpa ten-ɔ wonte na, me ree ten sɛ, wa kaa sɛ wa ra sɩ asɩʋ k'awɔr nɖe taa, me rɔna me sɩ s'a fiisi na.' " 12 Me rɛɔ ñempa, !ɩɩ kpa mɩ tɛ, sɛ mɩ taa nɛɛr ra wɛ na hɔɔr nɖe ta sar ka, ɩ pe tisu Asɛ rɛɛ na, n'ɩ kisi Asɛ ñɩ wɛ fiisu taa na. 13 Ayʋkʋ nkʋ a pɩsʋ s'a yaa-kʋ sɛ sɛŋ na, !ɩɩ ciisu remaŋ nante k'ayʋkʋ s'ayʋkʋ, se fɛ nɩ mɩ ñiin ɖa kper reen n'alʋacii ra tɛke-mɩ, s'ɩɩ laʋ awarkɔ, 14 wonte rɛɛ na, ɖa-n'Kiriisitu, ɖe kpirsi yer kʋɖem. Ama, ʋ mɔna sɛ, ɖe rʋken sarte ka wonte re tisi te rɛɛ-ɔ kiɖinkiɖin na, s'ʋ rɛ n'ʋ tal atɛsenʋ ayʋkʋ. 15 Đe teem naʋ k'a maa Asɛ tekara taa sɛ: "Nne ɩɩ nɩʋ Asɛ wʋtɔ ka sɛŋ, !ɩɩ ra rʋ mɩ rena, se mɩ caasɩna ka rʋ wa rena ka wo, antaʋŋ, nɩ wa cii Asɛ ka nampee na." 16 Ampɔ ka nɩʋ Asɛ wʋtɔ nɩ wa cii-ɩ nampee? Mp'ɔlɛ, wompa Moiisi lese-wa Eesiipete kɔrʋ taa na. 17 Ampa rɛɛ rerɛ-ɔ Asɛ ñan kpa wʋse ka hiin nniisa? Mp'ɔlɛ, yera mpa laʋ awarkase nɩ wa seʋ awʋlɔŋ taa na. 18 Ampa rɛɛ-ɔ Asɛ ree-wa sɛ, wa ra sɩ asɩʋ k'awɔr nɖe taa, ɩ rɔna n'ɩ sɩ, s'a fiisi na? Mp'ɔlɛ, yera mpa ta ñam-ɩ na. 19 Đe na tʋfelem sɛ wa ta pɩse sɛ wa sɩ re taa, wonte rɛɛ na, wa ta tisi ɩ rɛɛ.
