2 Thessaloniciens 3

1Gɛnaamgen ɗoobm al‑Masi ki, ɓɔrse do taar tɔɔlin̰ ki se, naaje k'je j'asen taaɗa: daayum 'tɔndki mɛtn Raa taa naaje, taa taar Mɛljege se naar wɔɔkŋ ɓaa gɔtɔ ɓaa se paac ɔɔ jeege an̰ kaal maak ki aan gɔɔ kɛn naase aalin̰ki maak ki se kici. 2'Tɔndki mɛtn Raa taa naaje kici, taa Raa ajen bɔɔbm ro jeege tun tɔɔj eyo ɔɔ kɛn jig ey se, taa jeege paac lɛ took aal maakɗe do taar kɛn naaje k'taaɗ se eyo. 3Num Mɛljege se, naan̰ debm tujn̰ ɔrmin̰ ey se, naan̰ asen kɛɗn tɔɔgɔ ɔɔ asen bɔɔbm ro Ɓubm sitange tu. 4Taa naase se, Mɛljege taaɗjenga maakje ki ɔɔ naaje k'jeelin̰ maakje ki, nakŋ naaje k'taaɗseno se, 'tɛɗ ɓaansin̰ki ute naanin̰a. 5Ɔn̰ Mɛljege asen tɛɗn maakse ki ɔɔ naase aki 'jeele Raa se naan̰ jejeki ɔɔ nakgen aan dose ki se naase an̰ki sɛrkɛ aan gɔɔ gɛn al‑Masi sɛrkin̰o se. 6Ɔɔ ɓɔrse gɛnaamge, naaje k'taaɗseni ute ro Mɛljege Isa al‑Masi se j'ɔɔ: gɛnaagen ɗoobm al‑Masi ki kɛn jee kaar‑naabge ute naaɗe kɛn baate kiŋg do taar naaje kɛn k'dooyɗeno ro ki ey se, naase iikki naatn cɛɛɗe ki dɔkɔ. 7Taa naase kic 'jeelki, kaaɗ kɛn naaje k'tiŋgkiro tɛl se, naaje k'tɛɗo te jee kaar‑naabge eyo. Bin num, naase kic 'tɛɗki naaba aan gɔɔ naaje. 8Naaje j'ɔso te kɔsn nam cɛr eyo, num nɔɔrɔ katara naaje k'dabar k'tɛɗo naaba j'ɔɔr k'naŋo tak tak taa k'je k'kɔɔpm kaam jise eyo. 9Ey num naaje se j'ɔk ɗoobo kɛn k'je se naase ajeki kɛɗn kɔsɔ. Num kɛn naaje k'tɛɗn naaba se k'je taa naase kic aki tɛɗn naaba bini. 10Kɛn naaje j'iŋgo gɔtse ki se, naaje k'taaɗsenoga taar se j'ɔɔ: Debm jaay je tɛɗn naab ey se, n̰'ɔn̰te kɔs kici. 11Kɛn naaje jaay k'taaɗ bin se, taa naaje k'booyga booyo jee mɛtin̰ge maakse ki se, jee kaar‑naabge je tɛɗn ɗim eyo, ɔɔ je ɓo lee tɔl doɗege maakŋ taar jeege tun ɔlɗen naaɗe eyo. 12Jeegen bin se, naaje k'taaɗɗen ɔɔ k'dɛjɗen ute ro Mɛljege Isa al‑Masi j'ɔɔ: k'tɛɗn naaba, jaay ɓo k'kɔŋ ɗim j'an kul roɗe. 13Num naase gɛnaamge, 'tɛɗki bɛɛ 'ɓaaki ute naanse, ɔn̰ten 'kɔɔrki. 14Kɛn nam jaay baate tookŋ do taar kɛn naaje k'raaŋsesin̰ maakŋ maktub ki ara se, ɔɔɗin̰ki gɛn don̰a, ɔn̰ten tumki kalaŋ taa bin se, sɔkɔn̰ɔ an̰ tɔɔlɔ. 15Gaŋ ɔn̰ten 'kaakin̰ki aan gɔɔ debm taamooyse, num 'dɛjin̰ki aan gɔɔ gɛnaase. 16Ɔn̰ Mɛljegen debm tɔɔsɛ, naan̰ mala ute ɗoobm gay kic ɓo asen kɛɗn tɔɔsin̰a gɛn daayum. Ɔɔ ɔn̰ Mɛljege se 'kiŋg ute naase paac. 17Taar tɛɗn tɔɔsn ara se, maam Pɔl ɓo m'raaŋsesin̰ te jim mala. Kɛn maam m'raaŋga maktub tak ɓo, m'ɔnd jim ro ki bini. 18Ɔn̰ bɛɛ gɛn Mɛljege Isa al‑Masi se tɛɗn ute naase paac.

will be added

X\