2 Corinthiens 13

1Maam m'je ɓaa gɔtse ki ɔɔ kɛn ara se tɛɗn gɛn k‑mɔtɔge. Aan gɔɔ kɛn Kitap taaɗni: «Gɛn kaakŋ mɛtn taargen daanse ki se, ɔn̰ jeege ɗio ey lɛ mɔtɔ 'tɛɗn saaɗge.» 2Kɛn maam m'iŋgo gɛn k‑dige gɔtse ki se, jee kɛn tɛɗo kusin̰ deete ute kɛngen kuuy se, maam m'taaɗɗenoga taaɗa. Anum ɓɔrse maam dɔk ute naase se kic ɓo, maam m'taaɗɗen daala m'ɔɔ: «Ɓii kɛn maam m'ɓaa gɔtse ki se maam m'aɗe kɔn̰ eyo.» 3Ute ɗoobm maam se, maa naase je aki jeele, kɛse aan gɔɔ al‑Masi mala ɓo taaɗa. 'Jeelki, daanse ki se, al‑Masi se tɔɔgin̰ baat eyo, num naan̰ se tɛɗ naaba ute tɔɔgin̰a. 4Ɗeere, Isa al‑Masi se ɔn̰ ron̰ k'tup k'tɔɔlin̰ ro kaag ki aan gɔɔ debkilim kɛn tɔɔgin̰ gɔtɔ se. Num ute tɔɔgŋ Raa se, naan̰ duroga daan yoge tu ɔɔ ɓɔrse naan̰ utu iŋg zɛɛrɛ. Anum naaje kic num k'dɔɔkga ute naan̰a. Kɛn k'j'aakje se, naaje kic num aan gɔɔ jee tɔɔgɗe baata naɓo naaje j'asesin̰ taaɗa, naaje se j'iŋg k'dɔɔk ute al‑Masi se ute tɔɔgŋ Raa. 5Naase aakki rose jiga ɔɔ tɔndki mɛtn rose jaayo, kɛn naase ɓo aalkiga maakse do al‑Masi ki ɗeer num, naase kic ɓo aki jeele. 'Jeelki ey la kɛn Isa al‑Masi jaay utu maakse ki se? Kɛn naase jaay aak ɔkki te mɛtn rose jig ey num, ɓɛrɛ, naase 'took aalki te maakse do Isa ki eyo. 6Maam m'saapm m'ɔɔ naase utu aki 'jeele ɔɔ naaje lɛ k'taaɗsesin̰ga nakŋ kɛn naase anjenki kaakŋ jeel ro ki se. 7Naaje k'tɔnd mɛtn Raa se k'je aki kɔɔɗn dose ro kusin̰ ki. Naaje se kɛn jeege ɓo aakje aan gɔɔ jee kɛn taaɗ taar mɛt ki ey kic num, naaje k'je j'asen kaakŋ naase aki tɛɗn nakŋ bɛɛ. 8Taa naaje se j'an̰ kɔŋ kaasn gɛn tɛɗn nakŋ kɛn ɓaa kalaŋ ute taar mɛt ki ey se, num naaje se j'ɔk tɔɔgɔ gɛn taaɗn taar mɛt ki sum. 9Kaaɗ kɛn jaay naase 'tɔɔgki, ɔɔ naaje tɔɔgje baat se, kɛse naaje maakje raapo. Kɛse ɓo ɔlje naaje k'tɔnd mɛtn Raa, taa asen tɛrl ɗaapm rose gɛn kaal maaksen do naan̰ ki. 10Taa naan̰ se ɓo kɛn maam m'dɔk ute naase kic num, m'raaŋsen maktubm se taa ɓii kɛn maam m'aanga gɔtse ki se, ute tɔɔgŋ kɛn Mɛljege ɛɗum se, m'asen tɛɗn ɔɔn̰ ey sum. Taa tɔɔgŋ naan̰ ɛɗumsin̰ se, gɛn kutn jeege eyo, num gaŋ gɛn noogŋ jeege 'ziiɗn ɓaa ute naanɗe. 11Gɛnaamgen ɗoobm al‑Masi ki, ɓɔrse do taar tɔɔlin̰ ki se, m'je m'asen taaɗn m'ɔɔ: iŋgki ute maak‑raapo, 'tɛɗki bɛɛ 'ɓaaki ute naanse, ɛɗki kaay kaama naapge tu, ɔkki taarse kalaŋ ɔɔ iŋgki ute lapia. Ɔɔ Raa debm je jeege ɔɔ ɛɗɗen lapia se, 'kiŋg ute naase. 12Kɛn 'ɓaaki ɓaa tɛɗn tɔɔsɛ se, 'baam 'tɔkki naapa ɔɔ aayki ciil naapge. Jee Raagen ɗoobm al‑Masi kɛn gɔtn ara paac se, kic ɓo tɛɗsen tɔɔsɛ. 13Ɔn̰ bɛɛ gɛn Mɛljege Isa al‑Masi, maakje gɛn Raa ɔɔ tum kɛn Nirl Salal lee tum jeege se, 'tɛɗn ute naase.

will be added

X\