1 Corinthiens 5

1Gɔtɔ ɓaa se paac, jeege taaɗ ɔɔ naase se, 'lee ɛɛski naapge rɛn̰ rɛn̰. Nakŋ kɛn debse tɛɗin̰ se, jee jeel Raa mal ey kic ɓo ɔŋ tɛɗ naan̰ se eyo: naan̰ se tooɗ te mɛnd bubin̰a. 2Ute naan̰ se kic ɓo naase 'tɔɔmki tɔɔm rose. Ey num naase se, maakse 'tuju ɔɔ debm jaay tɛɗ nakŋ bin se, bɛɛki num, 'tuurin̰ki naatn maakse ki. 3Ɗeere, maam se m'dɔkɔ naɓo saapum se te naase. Anum debm tɛɗ nakŋ bin se, maam m'ɔjin̰ga bɔɔrɔ don̰ ki aan gɔɔ maam m'utu maakse ki. 4Kɛn naase 'tuskiga ute ro Mɛljege Isa se, saapum se ute te naase ɔɔ gɔtn se Mɛljege Isa taaɗn tɔɔgin̰a. 5Naase se, debm tɛɗ nakŋ bin se, j'ɔn̰in̰ kaam ji Ɓubm sitange an̰ dabara taa maakje daa ro kɛn naan̰ ɔk se 'tɛɗn gɔtɔ ɔɔ bin ɓo ɓii kɛn Mɛljege aɗe ɓaa se, kon̰ se 'kɔŋ kaaja. 6Nakŋ naase 'tɛɗki jaay 'tɔɔmki rose ro ki se, ɗoobin̰ eyo. Naase 'jeelki ey la, ɔrɔmɔ cɔkɔ jaay j'ɔmbin̰ga do rujn̰ gɛm kɛn j'ɛcin̰ga kɛc se, iin̰in̰ paac. 7Ɔrɔm kɛn do dɔkin̰ kɛn taaɗ te kusin̰ se, ɔɔɗki dose ro ki. Bin ɓo aki tɛɗn aan gɔɔ rujn̰ gɛm kɛn j'utu j'ɛcin̰ kɛc jaay j'ɔmbin̰ te ɔrɔm ey se. Taa al‑Masi se, naan̰ ɓo ɛɗ ron̰ sɛrkɛ taa naajege aan gɔɔ goon baatn kɛn Yaudge lee tɔɔl ɓii laa Paakɗe ki se. 8J'ɔn̰te 'tɛɗki laajege ute mappan kɛn ɔk ɔrɔm do dɔkin̰ se. Ɔrɔm ese se, je taaɗ ute nakgen jig eyo ɔɔ ute nakgen kusin̰a. Anum k'tɛɗki laajege se ute mappan kɛn ɔk ɔrɔm eyo, kɛse je ɗeekŋ ɔɔ ute maakŋ kalaŋ ɔɔ ute kɛn mɛt ki. 9Maakŋ maktub kɛn maam m'raaŋsen kaam mɔɔtn se, maam m'ɗeeksenga m'ɔɔ: jee kɛn lee ɛɛs naapa rɛn̰ rɛn̰ se, ɔn̰te tɔkɗeki mɛɗɛ. 10Kɛse maam m'je taaɗ ute jee do duni kɛn lee ɛɛs naapge rɛn̰ rɛn̰, ey lɛ jee lee dɔŋ nakŋ jeege, ey lɛ jee boogge, ey lɛ jee maragge paac se eyo. Kɛn bin num, jee do duni ki se, naase aɗeki teecn̰ kɔn̰ɔ. 11Gɔtɔ, bin eyo! Maam m'raaŋsen se taa debm taaɗ ɔɔ naan̰ gɛnaa ɗoobm Isa ki, jaay ɓo ɛɛsn mɛndge rɛn̰ rɛn̰i, ɓoogo, tɛɗ maraga, ɔɔɗ jeege, aay tɔtɔ deel te gɔtin̰a, ɔɔ kucun jeege se. Debm bin se, ɔn̰te 'kɔkin̰ki mɛɗɛ ɔɔ kɔsɔ kic ɓo, ɔn̰te 'kɔski ute naan̰a. 12Anum jee kɛn ɗoobm al‑Masi ki ey se, maam ɓo m'aɗe kɔjn̰ bɔɔrɔ doɗe ki eyo, num naaɗe se Raa ɓo kɛn utu aɗen kɔjn̰ bɔɔrɔ doɗe ki. Num naase se, ɔjki bɔɔrɔ do gɛnaasege tun ɗoobm Isa al‑Masi ki, taa Kitap taaɗga taaɗ ɔɔ: Debm kusin̰ se, 'tuurin̰ki naatn maakse ki.

will be added

X\