1 TIMOTI 3

1Pii dake kinyi palamo. Akali mendeme Elyambu Pinginya yulu pinya mona nyera ramo doko yulu keyange dokona pinya pirasa pira. 2Dopa pyuo palamo dokona Elyambu Pinginya akali mupwa dupwa pii pali naramo kararami ingilyamo. Baa enda mendaki ikinya akalingi ingyuo karena. Moŋokyaŋe see nao rangena suu pingi kame pyuo niinyuo karo yulu rolae pyuo karena. Wambu upunili dupwa banya anda yako lao nyuo nenge pyuo pyuo karena. Baa niana lenge yulu dokona wanonguli ingyuo niana lao karapenge ingilyamo. 3Dopako pyuo Elyambu Pinginya rapu pingi doko biya wasinyi nembo walya lao imbwualana wangu lakao pyakandenge akali ingyuo kara nara. Baa niona kyuu lao seramopa elya kalo karo kana monena niona nyingi ingyuo karara ingya nalyamo. 4Baa rangena enda wanepe niondo lao rapu pyuo karo banya wane wanakepeme baa kando kamba laa napala banya kingi ketae nembo petena lao karara ingilyamo. 5Rapu pingi baame banya enda wanepe niondo lao rapu pii narande ramo dokome apa pyuo Anatunya ree palu doko niondo lao rapu pyakamyuo kararase? 6Dokonako ingyuo ene alembole Anatu niona nialya ramo dokome baa Elyambu Pinginya rapu akali ingya nana. Dopa pyuo pira ramo dokopa Sataneme piyamuli pyuo kyaŋe singi renge dokome ipwa ingyuo palyuo pyoko pyoko larasa pira. Satane koo keta paleyamo doko suu pyao akali dopale doko koo keta palira. 7Neta wambu dupwame baako kando pisirami. Moŋokyaŋe see nara ramo dokopa kando pisaranii dokome Satanena kone makara dokona lyii nara. 8Elyambu Pinginya nyisingi akali dupwa mona palyuo pii lamana laa nao karapenge ingilyamo. Ipwa waene malu mee naa nao bange nyipuli nyipuli lao suu pyao karara ingya nalyamo. 9Anatumi pii kinyi doko pano lasaka piyamo doko kapa ingingi lao suu pyao mona dokona pyapi pyuo soo niinyaranii. 10Nakamana yulu dupwa wambo makande pyuo kandapala kapa piranii lao suu pyarami ramo dokopa nyisinginya yulu dokona rombo palyaranii. 11Nakambana enda opetae niona angi palenge ingyuo wambu mata kando dopale dapale, lao lao pisa narami. Nakama biya naa nao yulu rolae pyuo petena. 12Elyambu Pinginya nyisingi baa enda niendaki ikinya akalingi ingyuo karara. Baame banya enda wanepe mondo lao rapu pyuo karara ingilyamo. 13Wambu Anatunya yulu keyange pingi dupwana kingi wambu peparaenie ketae nembo pisirami. Nakamame Koraisa Yesunya wambu ingyuo banya waili pii keyange kapa poralyuo lamaiyuo pisirarmi. 14Pepa dake wambo pyao jepala rengya repetaleko emba kandala eparo lao suu pilyu. 15Namba walya lao epa naro ramo dokopa emba pepa pyao jilyu dake kando yaka lapala namwa apa pyuo Anatunya Elyambu Pingi ree palu wambu dupwa kapa rolae pinginyili pyuo pirama lao sere. Elyambu Pingi doko lete palenge Anatu dokona ingyaro karapyamopa dokome kinyinya renge dokome paka pyao sakao karamo. 16Elyambu Pingi doko anda pinginya ingyaro Anatunya Imambunya yulu dokona renge yalu pyuo siyamopa kando nyiyama doko mendeme mupwa daa lao matarena pii larami ingya nalyamo. Wambu wai pyapala akali lenge kambu nyuo paneyamopa, Imambumi baa rolae wakasaŋa lao lao paneyapya. Aŋala dupwame baa kandeyamiko. Rara wakale dupwana baa dokona lao lamaiyuo peyami. Yuu muu dupwana baa kapa ingingi lao suu pyao mona maiyami. Baa lopo epapala yake panda peya.

will be added

X\