1 KORINA 2

1Yangonemoo namba Anatunya waiii pii angi polo langyalana epeyo yuu gii dokopa namba pii londe singinya renge dokomepe langyalana epa nayo. 2Dopa piyunupape namba Yesu Koraisa isa mamandona kumuyamo dokona angingyuo lalana bange peparae mata maiyuo kaeyo nakama keta epeyo. 3Dopa pyuo kanda soo epeyono dokopa poralyapa nao pakapala walu walu lao elya piya. 4Elya piyamopape nambame waili pii leyono dokona wambunya singinya renge pii kendepuli dokome wasapala laa nayo. Dopa piyunu dokopa Anatunya Imambu poralnya renge dokome minyuo namba angi leyono doko ando paneya. 5Nakamana Anatu kapa ingingi lao suu pingi doko anjarae nyiyamisi? Wambunya singinya renge dokona soo nyii nao Anatunya poralnya renge dokona soo nyiyami. 6Nambame Anatunya pii rolae kulisa Kurisene poral dupwa lamaipunu pilyamo. Dopa pyuo lamaipunu doko isa wambunya singinya rengeme lamai nalyo. Dee akaH kamongo koo rapu pyuo karaminyi dupwana singinya renge isa pelyamo doko nakama lamai nalyoko. 7Anatunya pii kuHsa yalu pisi doko isa wambu wambo see nayami dokonasa polo lao karo. Isa yuu dake wasapa nao dokopa Anatunya pii kuHsa letamano doko namwana yanga paupau lakara lao pyuo rombo palyiya. 8AkaH kamongo koo dupwa yuu dake rapu pyuo karelyaminyi dupwana mendeme singinya renge serami ingya naya. Nakama Anatunya pii kuHsa siyamiU doko Kamongona yulu yanga paupau lenge ingilyamo doko isa mamandona pyao palya nayamiH. 9Anatunya pii poo pyasi dokome dopa letamo. AkaHmi see naope kanda naope dee mende pira lao suu pyaa nao pingi angi dokona Anatumi wambu baa mona retenge dupwana lao rapa rapa pyakamyuo kareya. 10Dopa pyuo dokopa Anatumi banya lmambu dokome banya pii kulisa yalu pisi doko namwa lasaka piya, Imambu dokome baa range peparae yalu pisi singi dupwape soo Anatunya suu pyao pingi dupwape soo kando eŋa nembenge. Akalinya imambu dokome baa rangena lao singi. Doko suu pyao Anatunya Imambu dokome Anatu rangeko singi. 12Namwa isa yuu dakena imambu koo doko kando nyii nayama. Nyii napala dokopa keyange renge Anatu namwa jiya dokona lao namwa serami lao Anatumi Imambu pena leya doko kando nyiyama. 13Namwame Anatunya pii angi doko wambu Anatunya Imambu kando nyiyami dupwana lao apa pyuo mana lamaingipi? Pii rakange endangipi mana langiyami dokome lamai nao pii Anatunya Imambu mana langiya dokome lamailyamano. 14Akali Anatunya Imambu monarena nyii nange doko Anatu keta Imambu keyange epelyamo dupwa baa nyii nalyamo. Baa angi soo nyii nalu nao napyamopa keyange dokona lao kwao pelyamo lao suu pilyamo. Dokona lao imambu ingyapala karamo dokome imambunya soo nyerasa pira. 15Akali Imambu nyepala karamo doko koo panda rolae lao soo pakana palyaramopa mee akali mendeme baa keta koo larami ingya nalyamo. 16Anatunya pii poo pyasi dopa letamo. Apimi Kamongona suu pingi dokona silyase? Dee api mendeme baa doko keyangeŋe pinya lao lamaira ingilyase? Namwa Imambunyako karamano dupwa Koraisana suu pingi dokona palyuo suu pilyamano.

will be added

X\