እፕረው 1

1ዋቀ ኸተዬ ሌከይቴተኔ ፖረ ሌከይተን ኣፐዳኖኤ ኹመምፐየ ቁደን ሃሰወዴ። 2አመ ኾር፥ ኩያዎሴን አሬ ቸ አፕረምፕረትይ፥ እነሴኔ ኻድ ቁደኔ እኖ ሃሰወዴ። ከ እሸ ቁደን ፒተ ፕሰ ኡሜ ከ አከ ሌሀምፐይተ ዌ ፕሰት ኮዶኤ እሸ ሬኸዴ። 3እሸ ኡልፌነ ዋቀኤ ለአን፥ ከ ዌ ፕሰን ዋቀ ፐሀ፥ ከ ቃሌተሴ ኻድ አሁፕነትን ፒተ ፕሰ ኦሎፐ ቀፔ። ከ ኤቴ ጩፖቶፐዬ ኦረ ጨቄ ከመዬ፥ ሞንቴዬ ሀርከ ዋቀሴ ሁፕነ አዌ ፕሰ ቀረ ቀፖትትይ አክተ ኬለ ኩቴኤ። 4መኸ እነ ዋቀት ዳሰሜ፥ አክመ መኸ ኤርከምፐቶወ ቀረ ቀፖ ምነኤ፥ እሸ ኔፎ አሴው ኤርከምፐቶወ ቀረ ቀፐ። 5ማነ መለ፥ ኤርከምፐቶወፐዬ፥ ዋቀ ኤርከምፐቶተ አኻሜኤ ክዴ፥ «አት አእነዮ፥ አንከ አዌ ኬ ኻዬ።» ታክ፥ «ኣፐይሾኤን ኮደ፥ እሸከ እነዮ ኮደ።»? አእሽ ክዴ ተከ ኔፎ እንቾ። 6ዋቀ ኤቴ ቃርታድ ፒተ ቀሮፐ ኤርክኖዬው፥ እክዴ፥ «ኤርከምፐቶወዮ ፕሰ አእሽ ሰከተዴን።» 7ከ ቆተ ኤርከምፐቶዋድ ዴሰ ኪን፥ «ዋቀ ኤርከምፐቶዋድ ኸይኸይተኤ ኮን፥ ከ ኦርኸያድ ኦፐየ አፕተት ኮን።» 8ቆተ እናድት ዴሰ ኾር እኪን፥ «ዋቆ፥ አልካት ሀከ ፐረፐረትእ ከላደን፥ አከ መንክስቴተይት ኔፎ ሀንቄተን ሙክሰ። 9ሀንቄተ ጫለቴ ከ ኝረሙመ ኔድቴ። ሴ ምነን ዋቀይት፥ ዋቀከ ኬ ሬኸዴ፥ ከ አሞተዳት ቀረን ቀፕቶኤ፥ ኸሰ አክመ ዳተ ምነ ኬ ዳቴ።» 10ከ ኪንው፥ «ፖቀለይ፥ አት ፐዮተ ቀረዬ ፒተ ኡምቴ፥ ከ ሀርካትን ሞንተ ኮቴ። 11እሾተ ፕሰ እፐተን፥ መ አት እከላተ። እሾተ አከ ሜሀደ ከልሰናኔ ምነኤ ኬረን። 12አከ አቄፐ ምነኤ ኦሎፐ እሾተ ቄፕሰ፥ እከ አከ ኦሀተ ምነ ፑርሰመን። አት ኾር አውተ ፕሰ አእሸው፥ ኡመ ፐራት ፕረመን ቀፐን።» 13ኤርከምፐቶወፐዬ ዋቀ ኤርከምፐቶተ አኻሜትእ ክዴ፥ «ሀከን ፓለካራት ሎቀ ኬሎፐ ኬ ኦርኖ ከረኤ፥ ሀርክዮ አአክተ ኬለ ኩቴኤ»? 14ከ ኩል ኤርከምፐቶወ፥ ሀፑረሴኔ ዋቀ ኬለ ኮደ ኮነ፥ አዋቀ አከ ኦረ ድኖ ኬለ ኮደ ኮደኔኤ፥ ፖረ እሾተ ኤርከነኤኔ?

will be added

X\