ዮሀንስ አሴሰተ 1

1ኤርከነ አነ ቅመይተ ከፐዬ፥ ከዮስ ኬ አጫለተሜ፥ አንዱካተን ኬ ጫለኖት ኤርከሜ። 2እነይቴ ሞቶ! አከ ከረን ኸተ አፐኻረ ድከንቶ እንኡፐ። አመ ኔፎው አከ ከላተ ኦልኬለ ኬ ቴይቶ ከ አከ ነከይተ ቀፕናቶኤን ዋቀ ኬ ቅንሰን። 3ቆተ ሄለ ተከን አክርስታነ አሬፐ ዴን ከ፥ አክመ ዱካተ ቀፐቴ ከ ዱካተን ከላንቶ አነ ሌሌን መለ ሀርሞኤን ኸሶዴ። 4ኦ ሄለዮ ዱካተን ከላነን አንከ ደከይኖ፥ ኸሰ ሴዴ ቀሮፐ ቀፖ አንቀፖ። 5እነይቴ ሞቶ! ሄላኖ አክርስታነ፥ ከትፑኑ ኸይክተ ኮዴን ኔፎዬ፥ ኮደ እሾነ ኮንቶ ፕሰ አፐኻረው። 6እሾተ ኔፎከ ኮደሴ ኸይት አጫለላት ዴሰ ማፐረ አመንቴተ ቱረኤ ኬ ማኩሜን። ኦቶ ፖረ ኻኔዬ፥ ሳንተ እሽን ዋቀ ኸሶዶን ከት እሾተ ቃርቃርተ፥ እፐኻር። 7እሾተ ኤቴ ኮደ ዬሱስ ኮደ ፖረ ኻነኔዬ፥ ኦረ ዋቀን ኡፕንን ቀረዬ ቃርቃርተ ተከ ኔፎን ቴየኔይ። 8ኦሮሴ አሴ ፐፐሆ ቃርቃሬተን፥ ኮደ ዱካተ ቁደዬ ቆተተ እኖ ፋን። 9ሴ ቱረኔ ትከ ክርስታነት ወርቀተን ታፌ። መ ኾር እሰሴ ሳረ ትከ ክርስታነ ኮደ ፋኖ ድዮትረፌስ ወ አንአንት ኪነ ቴየንንቾ። 10ሴመለ ኦን እሽን ከፖፐ ዴኦዬን፥ አክመ እኖ ኦኖ ከ እኖ ጬርኖ ከ ወ ኮነ ፕሰን እሽን ፕሰ ሌለ። እሸ ኮደ ኮኖ ሴዴ ፐተን፤ ሄለ ክርስታነ ኸይኩመ ቴየንንቾ ከ አከ ኦረ ፕለ ኔፎ እሾተን ቴየንን ደውርን ከ ማፐረ አመንቴተ ከረ አሌ እሾተ ዳን። 11እነይቴ ሞቶ! ወ ፐኻረ ከመ ኣኔ ዲሼይ፥ ወ አኔቀ ከመ ፖረን ኣነን። ነመ ወ ፐኻረ ኮኖ እነ ዋቀ፤ ነመ ወ ኔቀ ኮኖ ኾር፥ ዋቀን አክኔ። 12ኦረ ፕሰ እኪን፥ «ድሜትሮስ ነመ ፈየ።» ዱካተ ከሱከ መታድ እሽ ማኩም። እኖ ኔፎከ እሽ ማኩምነ። ማኩምኖ ኔፎ አከ ዱካተ ኮዴ እኡፕተን። 13ወ አንኬ ታፈ ሄነ ሌከየ ሌከየን ቀፐ መ፥ ወርቀተ ቀረ ኬ ታፌተ አንሄኖ። 14ኾር ዴሀይንቶፐ አክመን ኬ አኮ ኸሰን ቀፐ ከ አውሴ እልዳፐ ኦል አክነ ከ ኦልን ቶራነ። 15ነከይተ አኬ ኮዶ። ሞተዳኖ ነከይተ ኬ ዴሀን። አት ኔፎ ሞተዳኖ ፕሰ መኸይሾትን ሀሌ ከ ነከይትኖ እሾተ ሌሌ።

will be added

X\