ዮሀንስ አፐዮተ 1

1እሸ ቃሌተ ቻተ፥ ከ ፓዮተኤው ኤዬ ከለ። እኖከ ቆተ ቃሌቶሴት ዴሰ ዋን ደከይኔ ከ እልዳኖን አክኔ ከ ቁደ ቶይኔ ከ ሀርካኖን ቁደ ቀፐኔ እሽነ ቶርንነ። 2ቻቶሴ እኦረ አካዴ፥ እኖከ አክኔ ከ መለ ማኩምነ። ቻቶሴ ፕረምፕረን ቀፖ ከ ኸተው ኤዬ ዋቀ ኣፐ ከፐ ከለ፥ ከ እኖ ቱረ አካዴ፥ እኖከ ሴዴ እሽነ ቶርንነ። 3እሽነ ኔፎ፥ አከመ እኖ ኦል ተኩምተ ቀፕናተን መለን፥ ዌሴን አንአክኔ ከ ደከይኔ እሽነ ቶርንነው። ተኩምትኖ ኔፎ ዋቀ ኣፐ እሾ እናድ ዬሱስ ክርስቶስ ኦልን ቀፕነ። 4ሴ ኔፎ፥ አከመን ኸሰ ኩተ ቀፕናኖ መለን አሴ እሽነ ታፍንነ። 5ኦቶተሴ አንእሸ ከፐ ደከይኔ ከ እሽነ ቶርንኖ እኪን፥ «ዋቀ ለአይተ፥ ኡመ ቱከንተ እሸ ከፐ እንክቶ።» 6ሴመለ ኦን እንኪንነኤ፥ «ዋቀ ኦልን ተከይቱመ ቀፕነ» ከ ኬሎ አሬን ቱከንቶፐ ከላንነዬ፥ እኖ አንደርተምፐየ፤ ኡመ ዱካተ እኖ ከፐኤን ፐኔ። 7መ ኡፍ ኦቶን አከሞሴ አዋቀ ለአይቶፐ ቾ ምነኤን ለአይቶፐ ከላንነዬ፥ እኖ ፕሰንት መትኖኤ ተኩምተን ቀፕነ። ዲከ እነሴኔ ኻድት አዬሱስ ክርስቶስከ ጩፖተ ፕሰ ኬለ እኖ ቁልቁለይሸ። 8ኦቶን እንኪንነኤ፥ «ጩፖተ አንኮንአንክኖ» እስውን ሰሰፐንነ፥ ኡመ ዱካተ እኖ ከፐ እንክቶ። 9ኦን እንኪንነ፥ «እንእሽን ደፕኔ» ከ ጩፖትኖ ሌልነ ከ ኦፐ ኦርነዬ፥ እሸ አአመነሜ ከ ሀንቄለይተይ፥ ጩፖትኖ እእኖ ዲሸ ከ ምህስኖ ፕሰ ኬለ እኖ ቁልቁለይሸ። 10ኦን እንኪንነ «አንጩፖተ አንኮኔ፥» ዋቀን ደርተምፐይተ ኮንነ ኡመ ቃሌታድ እኖ ከፐን ክቶ።

will be added

X\