ቆሮንቶስ አፐዮተ 2

1ኮያለኖ፥ አንእሽን ከፖፐ ዴኤዬ፥ ፐልፐሉመ አፈ ታክ፥ ኦኩመ ነመትን ቃሌተ ዋቀ «ቃሌተ ዋቀ» ቶሬተ እሽን ከፖፐ አንዴኔ። 2ማነ መለ፥ አንእሽን ኦል ቾዬ፥ ዬሱስ ክርስቶስ መልይ፥ ከ ከረ ኩተ እሸ አመስቀለ ቀረ ፈንሰሜ መልይ፥ አከን ዌ ተከን ኔፎ አንኡፕናንንእን ፒሰዴይ። 3ሴመለ አንእሽን ኦል ቾዬ፥ ኑኩሉመ አነ ቀረ ቸ አንከ ፉር ከ አኩተት ኸር። 4ሃሰዮ እሾ ቶረዮ ኔፎ፥ አሀፑረ እሾ ሁፕነ ዋቀትን ዱከይሰተሜ ዲሼይ፥ አፐልፐሉመ እሾ ኦኩመ ነመትን ኮዴኤን። 5ሴዴ ኔፎ፥ አክመ አመንቴተይሽን ኦኩመ ነመ ቀረ ክርተን ከተንን ከ ሁፕነ ዋቀ ቀረ ክርተ ከተቶ መለ። 6መ ኾር እኖ ኦረ አመንቴተን ቅሜኤ፥ ሃሰ ኦኩመኤን ሃሰወንነ። ኡመ ኦኩሞሴ ኔፎ፥ ኦኩመ አፒስት ታክ አሙክሰምፐየ ፐነ አፒስትእን። 7መ ኾር ኦኩመ አንእኖ ሃሰወንኖ፥ ኦኩመሴ አዋቀ ጩተሜ፥ እሰሴ አዋቀ ኸተ አፒተን ኡመምን ቱረኔው ኡልፌንኖኤ እኖ ሀርምሼ፥ ሴዴን ሃሰወንነ። 8ሙክሰምፐየ ፒስት ኦፐዬ፥ አኦኩሞሴ ኡፕናዴ ተከ ኔፎ እንቾ። ከድን እኡፕናዴን ኪቴዬ፥ ሄለን ፖቀለ ኡልፌነ ፈንስንን ሄኔ። 9መኾር እታፈምቴ ከ ኪን፥ «ወ እልተ ነመ አፐርን አክንን፥ ነፐሀተ ነመከን ደከይንን፥ መተ ነመከን ድከንንእ ዋቀ ኦረ እሸ ጫለኖ ሀርምሼ።» 10መ ኾር ኸኖ፥ ዋቀ ሀፑራድን እኖ ኡፕነይሼ። ማነ መለ፥ ሀፑረ ዋቀ ዌ ፕሰ ከረ ቆር ከ ሃሰሴኔ አዋቀ ከረ ሴከ ከ ኮኮከ ኩል ከረ ቆርይ። 11ወ ነመ ተከ ድከነ፥ ሀፑራድ አእሸ ከረ ቾ መልይ፥ ነመ ወ እሸ ድከነ ኡፖ፥ ተከ ኔፎ እንቾ። አክሞሴ ምነኤው፥ ሀፑረ ዋቀ መልይ፥ ነመ ወ ዋቀ ድከነ ኡፖ ተከ ኔፎ እንቾ። 12አክመን ዳሰወደሴኔ አዋቀ ፐተ እኖ ዳሼ ኡፕናኖኤ፥ እኖ ሀፑረ አዋቀ ከፐ ዴኤን ቴየኔ ዲሼይ፥ ሀፑረ ፒስት አንቴየኔ። 13ሴመለ እኖ፥ ወ አዋቀ ኮዴ ኦረ ሀፑረ ዋቀኤን ቀፕንንእ ኦኩመ ነመትን አንኮልኔአንክኖ መ፥ ኦኩመ ሀፑረ ዳኖኔን ኮልንነ። 14ነመ ሀፑረ ዋቀኤን ቀፕንን ዳሰተ ሀፑረ ዋቀ ቴየተ ኤተንንንቾ። ማነ መለ፥ ኤፑመ እሽ ፐሀነንይ። ኡመ ዳሰወደሴኔ ቆተ ኦረ ሀፑረ ዋቀ ቀፖ ፐተ ኡፕናተመን መለ፥ ኡፕናተ ኤተንንንቾ። 15ነመ ሀፑረ ዋቀ ቀፖ ኾር፥ ዌ ፕሰ ከረ ቆር። መ ኾር ነመ ፕለ እሸ ቆሬተ ኤተንንንቾ። 16ሴዴ ኔፎ አክመሴ አታፈምቴ ከ ኪንቶ፥ «አተ አይኖ ከርተ ዋቀ ከረ ኡፐ ከ እሸ ዴሃመ ኤተንሸ?» ሴ ምነ። መ ኾር እኖ ድከተ ክርስቶስን ቀፕነ።

will be added

X\