NIER PA'ALUG 13

1Ka m nye bunyua ka o yi ateukun la na n mor iila piiga ne zuta ayopoi. Ka na'am zugpibis be iila la zut yinni yinni ni. Ka yu'ur line sa'amid Wina'am yu'ur la sob o zutin la. 2Ka bunyua one ka m nye la daa wenne weog baa ne. Ka o nobeens a buntitada. Ka o noor wenne gbigim noor ne. Ka dragon la daa tis bunyua la o meŋ paŋ ne o na'am gbauŋ ne o kpi'euŋ tita'ar. 3Ka bunyua la zug yinni daa wenne ba poa'alim o ne, amaa sapo'at la daa bin'ei. Ka li pak dunia dim wusa ka ba dol bunyua la. 4Nidib wusa daa zun'od dragon la, on tis bunyua la o paŋ la zug, ka zun'od bunyua la men ye, “Ano'one mor paŋ wenne bunyua la? Ka ano'one na tun'e zab ne li?” 5Ka ba tis bunyua la suer ka o pian'ad nyeesim pian'ad ka sa'amid Wina'am yu'ur, ka len ke ka o mor paŋ nwadis piisnaasi ne ayi. 6Ka li tu'ud Wina'am ka sa'amid Wina'am yu'ur ne zin'ikan ka o be la ne bane be arazana ni la wusa. 7Ka ba tis o suer ka o zab ne Wina'am nidib ka nyaŋe ba, ka tis o paŋ kan na nyaŋ buudi ne dood ne pian'ad ne teŋgbana wusa. 8Nidib wusa bane be dunia ni, ka ba yuda pu sob nyovurpaal dim gbauŋin saŋkan ka dunia nam pu pin'il la, na zun'e bunyua la. Gbauŋ la ane Pe'ebil kan ka ba da ku la din. 9Dinzug one bood ye o wum, on kelisim. 10One bood ye o a yamug, o sid na a yamug. Ka one ku nidib ne su'uraug, ba me sid na kuu o wala. Linzug li a su'um ka Wina'am nidib mor modigir ka niŋ Wina'am yadda. 11Ka m nye bunyua si'a ka o yi teŋin na n mor iila ayi wenne pe'ebil iila ne, ka pian'ad wenne dragon pian'ad si'em la. 12Ka zi'e yiiga bunyua la sa'an n mugus dunia ne dunia dim wusa ka ba zun'od yiiga bunyua one mor sapo'at line bin'ei la. 13Ka maal bunnyalima titada hale ka ke ka bugum yi agol n sig dunia ni na ka nidib nye li. 14Ka zaŋ bunnyalima bane ka li daa maal yiiga bunyua la zug la n ma' dunia nidib, ka yeli ba ye ba meem win, ka zun'e bunyua one daa di'e sapo'at ne su'uraug ka nan voe la. 15Ka ba tis bunyua one pe'es ayi la suer ka o tis win line wenne yiiga bunyua la vu'usum. Ka win la na tun'e pian' ka me ke ka ba ku bane pu pu'usidi li la wusa. 16Ka bunyua la daa lem mugus nidib wusa, tadimnam ne kpi'emnam ne kpan'am dim ne noŋ dim la'am ne yamis ne bane ka'a yamise, ye ba niŋ zanbina ba datiuŋ nu'usin bee ba gbe'edin. 17Ka so' daa ku tun'e da' bee kuos si'ela, asee o mor bunyua la zanbin, line a o yu'ur bee o kal. 18Ne'eŋa a ya'am. On mekama mor ya'am on na tun'e baŋ bunyua la kal la gbin, bozugo kal la gbin ane dau so' yu'ur. Li kal daa ane kobus yuobu ne piis yuobu ne ayuobu.

will be added

X\