NIER PA'ALUG 10

1Ka m nye malek tita'ar si'a ka o yi arazana ni sigid na. Ka saŋgbauŋ daa ligil o wenne fuug ne, ka saa dindeog buenn gilig o zug. Ka o nindaa wenne nintaŋ ne ka o noba wenne bugum za'antolis ne. 2Ka o daa mor gbauŋbil dine laki o nu'ugin. Ka o datiuŋ nobir no ateuk, ka o dagobug nobir no teŋ. 3Ka o tans ne kukotita'ar line wenne gbigim kaasug ne. Ka on daa tansi naae, ka satansida ayopoi daa tansi siak. 4Ka ban pian' naae la m daa bood ye m sob. Amaa m daa wum ka kukor pian' yi arazana ni na ye, m sua'am dine ka satansida ayopoi la yel la. Ka ye m da sobi lii. 5Ka malek one ka m nye ka o zi'e ateukun ne teŋin la zianki o datiuŋ nu'ug kpa' saazug, 6ka po ne Wina'am one be saŋa dine ka' benne ka maal saazug ne dunia ne ateuk ne bun lin wusa bee ba ni la, ye, li ku lem yuuge. 7Ka malek one pe'esa ayopoi la ya'a ti piebi o na'atan, Wina'am na zaŋi o poten'esua'adir la tumi li tuuma, wenne one da yeli o nodi'esidib bane aa o tumtumnib la si'em la. 8Ka kukor kan ka m wum ka li pian' arazana ni n tisi m, lem pian' tisi m ya'as n ye, m kem di'e gbauŋ dine laki be malek one zi'e ateukun ne teŋin la nu'ugin. 9Ka m daa keŋ malek la sa'an n yel o ye o tisim m gbauŋbil la. Ka o yeli m ye m nokimi li n di. Ye ka li na kilim toog m poogin. Ka ye amaa li na malis wenne siind m noorin. 10Ka m di'e gbauŋbil la o nu'ugin n dii li. Ka li malis wenne siind m noorin. Amaa man vol la, li kilim ne toog m poogin. 11Ka so' yeli m ye, asee ka m lem di'e Wina'am pian'ad n tis nidib ya'as. Ye ka Wina'am pian'ad la ane buudi ne teŋgbana ne pian'ad ne na'anam bedego yela.

will be added

X\