MATEO 6

1“Mit ka ya maal ya tuumsuma nidib tuon ye ba gosi. Ya ya'a maal ala, ya ku di'e nyood ya Ba' one be arazana ni la sa'anee.” 2“Dinzugo fu ya'a suŋ noŋdaan, da ke ka ba nwe' luŋ fu tuone, wenne zam dim maan si'em la'asug doogin ne sueya ni, ye nidib pian'a ba. Ameŋa ka m yeti ya ye, ban di'ene ba yood ne ala. 3Amaa fun ya'a suŋ noŋdaan, fun da ke ka fu dagobug baŋ fu datiuŋ niŋid si'ela. 4Dinzugo su'am ne suŋ noŋdim, ka fu Ba' one nye ka fu su'ad n suŋid si'em la, na tis uf li yood. 5“Ka fu ya'a pu'usid Wina'am, fun da niŋ wenne zam dim laa, bozugo ban bood ye ba zi'e la'asug doogin ne suekita ni n pu'usid, ye nidib nye ba. Ameŋa ka m yeti ya ye, ba di'ene ba yood ala. 6Amaa fu ya'a ye fu pu'us Wina'am, fun kpen'em fu doogin ka yo za'anoor, ka pu'us fu Ba' Wina'am one su'a la. Ka fu Ba' one nye fu yela bane su'a la na tis uf li yood. 7“Fu ya'a pu'usidne, da pian'a pian'azaalis wenne bane zi' Wina'am n niŋid si'em la, bozugo ba ten'es ye ba pian'ad bedego zug ka Wina'am na di'e ba pu'usum. 8Da maan wenne bane, bozugo ya Ba' Wina'am pun mi' yanam bood si'el, hale ka ya nam pu sos oo. 9Dinzugo sosimi ne anwa, ‘Ti Ba' one be arazana ni, ka fu yu'ur a su'uŋa, 10ka fu na'am na kena, ka ke ka fu boodim n maal dunia zug, wenne lin maan arazana ni si'em la, 11ka tisi ti zina diib wenne fun n tisid ti daar wusa si'em la, 12ka di suguru ne ti po'ogir zug, wenne tinam dit suguru ne ti taab bane po'ogidi ti si'em la. 13Ka da ke ka ti kpen' makir poogine. Amaa yiisimi ti yelbe'ed poogin.’ 14Ya ya'a di nidib suguru ba tuumbe'ed zug, ya Ba' one be arazana ni la, na di ya suguru men. 15Amaa ya ya'a pu di suguru ne nidib ba tuumbe'ed zugo, ya Ba' me ku di suguru ne ya tuumbe'ed la zugo. 16“Ka ya ya'a lo noor, yanam da niŋ wenne zam dim la lood nindaas si'em laa, bozugo ba loodne ba nindaas ye nidib baŋ ye ba lood noor. Li ane ameŋa ka m yeti ya ye, ba di'ene ba yood la. 17Amaa ya ya'a lo noor, yanam suenmi ya zut ne kpaam, ka piesi ya nindaas. 18Ka nidib ku baŋ ye ya lo noore. Ka ya Ba' one su'a la, na baŋi li. Dinzugo ya Ba' one nyet bun line su'a la na tisi ya li yood. 19“Da su'a ya araza'as dunia nwa nii, ka zin'ikan ka muak mu'ad ka teŋinzen'em me sa'ami li, ka na'ayiis kpen'ed n zuud. 20Amaa digilimi ya araza'as arazana ni. Anina ka muak ne teŋinzen'em ku sa'ami baa, ka na'ayiis me ku kpen' n zuu. 21Bozugo ya araza'ase be si'el la, ya potenda me bene anina. 22“Fu nif wenne niŋgbiŋ fitla. Ka fu nif ya'a a su'uŋa, fu niŋgbina wusa ane nyain. 23Ka fu nini ya'a a be'ed, fu niŋgbina wusa ane lik. Neesim kane nie fu ni la ya'a lebig lik, li ane lik ameŋa. 24“So' kae' na siaki dol zugsobnam ayii, bozugo o na kisi yinni, ka noŋ yinni, bee o na na'as yinni, ka po'og yinni. Ya ku tun'e dol Wina'am, ka lem bood dunia la'ade. 25“Dinzugo man yeti ya ye, ya da ya'amsid ne ya nyovuya nwa yela yanam na di si'el, bee nu si'el, bee ya niŋgbina na ye' si'ela. Nyovur pu gat diibo? Ka ya niŋgbina pu gat fuude? 26Gosimi, niis bane ian'ad agol la. Ba pu buta, ka me pu buni n la'ased n su'ad buya nii. Amaa ne lin wusa, ya Ba' one be arazana ni la, diisidi ba. Yanam pu gat niise? 27Ano'one be ya sisoogine na tun'e n paas o wa'alim bi'ela one ya'amsid la zugo? 28“Ka bozug ka ya ya'amsid ne ya fuud yela? Ten'esimi mopuum venla bane be moogin la n nobugid si'em la. Ba pu tumne bee nwiid gumne. 29Amaa m yeti ya ye, baa na'ab Solomon ne o na'am la wusa, o da pu mor fuud ka li venl wenne nwa. 30Ka Wina'am ya'a maal mood line be moogin ka li venl, ka li ku yuuge ka bugum dii li, o ku yeeli ya fuud gaad moode? Yanam bane ka ya yadda niŋir pu zu'e nwa. 31Dinzugo da ya'amsidi n yet ye, ‘Ti na di bo?’ bee ‘Ti na nu bo?’ bee ‘Ti na ye' bo?’ 32Bane zi' Wina'am la bood nwa wusa. Ka ya Ba' one be arazana ni la, mi' ye ya bood nwa wusa. 33Amaa deŋimi n bo Wina'am so'olim ne o yelsum la yiiga, ka bun line n kpelim wusa o na paasi ya. 34Dinzugo da ten'esidi bedego beug yelaa, bozugo beug na ten'es li meŋ yela. Keli ka dabisir wusa more li yel ka li siak.

will be added

X\