MAAK 13

1Yesu n daa yit Wina'am pu'usum yin la, ka o nya'andolib la yinni yel ye, “Pa'ana, gosim kugbeda ka ba noki me' donyalima nwa.” 2Ka Yesu lebis o ye, “Fu nye dobeda bama? Hale kugir yinni ku ti kpelim li tiraan zuginee. Ba na lobi li wusa bas teŋin.” 3Ka Yesu da zin'i Olives zuer zug gosid Wina'am pu'usum yir. Ka Piita ne Jemes ne Joon ne Andrew ma'aa kenn o sa'an na. 4Ka bu'os o ye, “Yelimi ti saŋa kan ka lina nam na niŋe? Ka zabin kan pa'an ye li saŋa paae na ye si'el wusa na niŋe?” 5Ka Yesu pin'ili sa'ali ba ye, “Gu'usimi, ka so' da pan'as ya ka ya dol suebe'ede. 6Nidib bedego na ti noki m yu'ur kena ma'adi ya ye, ‘Mane a Kiristo la,’ ka ke ka nidib bedego dol suebe'ed. 7Ya ya'a ti wum tanp vuud, bee tanp labaar, da ke ka dabiem kpen' yaa, bozugo asee li wusa niŋ. Amaa li pu pa'al ye dunia naar saŋa laa. 8Buudi na zab ne buudi. Ka so'olim yinni me na zab ne o tiraan. Ka teŋ na dam zin'is bedego, ka ko'om na be. Lina ane namisug pin'ilug.” 9“Gu'usimi ya meŋ, ka nidib na gban'e ya n keŋ kotonam ni. Ba na bu'u ya la'asug doodin. Mam yela ya na zi'en gomenanam ne na'anam tuon, ka ya tu'as m labasuŋ la. 10Li a tilas ye labasuŋ la na deŋim mool dunia wusa ni. 11Ka ba ya'a ti gban'e ya more keŋ kotonam ni, ya da deŋim fabin ne yanam na ti yel si'ela. Amaa ya pian'ad saŋa ya'a ti paae, yanam pian'am din na keenn ya ni na. Ka pian'ad kane ka ya ye ya pian'a pu yi ya meŋ nii, li yine Wina'am Siig Suŋ ni na. 12“Ba'abiig na zam o ba'abiig ka ba kuu o. Ka saamnam me na niŋi ba biis ala. Biis na ki'is ba saamnam ne ba manam noya. Ka ke ka ba me kuu ba saamnam ne ba manam. 13Nidib bedego na kisi ya m yu'ur zug. Ka niŋkane modig n paae li naar na nye faangir.” 14“Ya na ti nye bunbe'ed line sa'amid si'elnam wusa, ka li be zin'ikan pu nar ye li bee. (Keli ka one karemi li gban'e li gbin.) Ka bane be Juuda teŋin zom du zueya. 15Ka niŋkane be mopil zug da sigidi ye o kpen' yinne nok si'ela. 16Ka niŋkane be poogin da kul yin ye o nok o fuugo. 17Ka dabisban na a toog n tis po'apoos ne bimanam. 18Sosimi Wina'am ka li da ti niŋ waad saŋaa. 19Toog tita'ar na be dunia ni, hale ka Wina'am n maal dunia pin'ilugin n ti paae zina, li nan zi' bee, ka maligim ku be ya'asa. 20Ka Wina'am ya'a pu si'e dabisa la kalle, so' naan ku tiliginee. Nimbane ka o gaans la zug n ke ka o si'e dabisa la. 21“Ka so' ya'a yel ye, gosimi ka Kiristo nwa, bee gosimi ka one be kpe'esa la, yanam da siake. 22Nidib bane na ma'a ziri ye ban a Kiristo ne ziri nodi'esidib na ti kena, ka na maal tuum nyalima ye ba ke ka nimbane ka Wina'am gaŋ la dol suebe'ed, ba ya'a na nyaŋ. 23M deŋim yeli ya si'el wusa, din la, gu'usimi.” 24“Amaa to'og nwa dabisa la ya'a ti gaad, winig na lieb zibisug ka nwadig me ku nie. 25Ka nwadibibis na naan agol lu teŋin na. Paŋdim bane be agol na mi'im. 26“Ka dunia nidib na nye Ninsaal Biig la ka o yit saŋgbana ni na ne paŋtita'ar ne o na'am. 27Ka o na tum maleknam ka ba la'as nimbane ka Wina'am gaŋ la na. Bane be dunia luga anaasi nwa ni, tuon ne nya'aŋ ne dagobug ne datiuŋ wusa.” 28“Zamisimi ya'am ne kekaŋ yela. Li wila ya'a ti busid vamina la, ya mi' ye sigir li'eliya. 29Ala men, ya ya'a ti nye ka line ka m yeli ya la wusa niŋid, ya na baŋ ye saŋa li'eliya. 30Asida ka m yeti ya ye, zumaaŋ kaŋa nidib wusa ku kpii, asee yel bama wusa niŋ. 31Agol ne teŋa yela na gaad, amaa m pian'ad ku maligim gaade. 32“Nid baa yinni kae' n mi' daar laa bee saŋa la. Baa maleknam bane be arazana ni bee Biig laa, asee Ba' la gullim. 33Gu'usimi su'uŋa ka gur ka sos Wina'am bozugo ya zi' dabisir la ne saŋa laa. 34Li wenne wuu dau na nwie ka bas o tumtumnib ka gu'uli ba, ka puu ba tuuma, ka yel za'anoor gur la ye o gur. 35“Ya zi' saŋkan ka yidaan la na leb na. O ya'a na lebne zaam bee yu'un tisoos bee bekenkeung bee beogunee, so' zi'. 36Gu'usim, ka yidaan la da ti gbirigi kena n nye ka ya gbisida. 37Mam yeti ya si'el la, lin ka m yet nidib wusa, ye, ya gu'usim.”

will be added

X\