LUUK 15

1Lampodi'esidib ne tuumbe'ed dim daa kenn Yesu sa'an na, ye ba kelis o pian'ad. 2Ka Farisee dim ne gbauŋmi'idib la nyon n yet ye, “Dau kaŋa di'esid tuumbe'ed dim, ka dit ne ba.” 3Ka o siilim ba siiliŋ nwa n bu'os ye, 4“Dau kane be ya sisoogin mor pe'es kobuga ka arakon' ya'a bodig, ka o ku ke pe'es piiswai ne awai la moogin la, ka keŋ ia arakon' kane bodig la hale n ti nye o? 5Ka o ya'a nye o, o na buk o ne sumalisim. 6Ka o ya'a kul yin, o na buol o zuanam ne o kpi'es n yeli ba ye, ‘Keli ka ti di'em ne sumalisim, bozugo m nye m pe'og kane bodig la.’ 7Ala men ka m yeti ya ye, tuumbe'ed sob yinni ya'a tiak o suunr, sumalisim na be arazana ni gaad popielim dim piiswai ne awai bane pu boodi ba sunya tiakere.” 8Ka o lem bu'osi ba ye, “Po'a kane be ka o ya'a mor anzurifa ligidi piiga, ka arakon' bodig, ka o ku nyu'e fitla n piis yir la n ia la'af la su'uŋa, hale n ti nye lii? 9O ya'a nye li, o na buol o zuanam ne o kpi'es n yeli ba ye, ‘Keli ka ti di'em ne sumalisim, bozugo m nye m la'af kane bodig la.’ 10Ala men ka m yeti ya ye, tuumbe'ed daan yinni ya'a tiak o suunr, sumalisim na be Wina'am maleknam sa'an.” 11Ka o yel ye, “Dau daa be, ka mor o biribis ayi. 12Ka pit la yel ye, ‘M ba', pudugim fu faar n tisi man m din.’ Ka o ba' pudug o la'ad wusa tisi ba. 13“Li pu yuuge ka pit la la'as o la'ad wusa n yi keŋ teŋ lalle sa n sa'am o la'ad la yori yori. 14Ka on sa'am la'ad la wusa naae la, ko'omtita'ar lu teŋ la ni, ka fara yu'un kpen' o. 15Ka o keŋ kpen' teŋin biig yinni samkpan'asim. Ka o zaŋ o niŋ poogin ye o gur kukurnam. 16Hale ka o kudum bood ye o poog pe'el ne kukurnam diib la. Amaa so' pu tis o si'ela. 17“Ka o ya'am ti zulug leb na la, ka o yel o meŋ ye, ‘M ba' mor tumtumnib ala ka ba dit n tigid ka nya'ali basid ka m be kpela kpiid ne ko'om!’ 18Ka o yel ye, ‘M na due ken m ba' sa'an n yel o ye, m tum tuumbe'ed po'og Wina'am ne fun, 19ka pu lem su'um ye ba buol m ye fu biiga. Kel ka m lieb fu tumtum yinni.’ 20Ka o due ken o ba' sa'an. “Ka on nam be lalle la, ka o ba' nye o, n zo o nimbaanlig, ka zo bibug o, ka selim o. 21“Ka biig la yel o saam ye, ‘M tum tuumbe'ed n po'og Wina'am ne fun, ka m pu su'um ye ba lem buol m ye fu biiga.’ 22“Ka o ba' yel o tumtumnib ye, ‘Kem to'oto n zaŋ fusuŋ la n mor na yeel o, ka pid baŋ o nu'ubilin, ka pid o ta'ada, 23ka gban'e na'arazol na n ku, ka ti onb, ka ti di'em di'ema. 24Bozugo m biig nwa da wenne o kpine, ka lem vu'ug. O da bodigne, ka ti lem nye o ya'as.’ Ka ba pin'ili maan sumalisim. 25“Ka o bikpeŋ la yi poogin n kun na. Ka on li'el yin na la o wum duudis n nwe'ed, ka ba wa'ad. 26Ka o buol o ba' tumtum arakon' n bu'os o ye, ‘Bo yele maali?’ 27Ka tumtum la lebis o ye, ‘Fu pitu kul na. Ka fu ba' ku na'arazol, on nye o ne laafe la zug.’ 28“Ka kpeenm la suunr pelig hale. Ka o zan'as ye o ku kpen' yin laa. Ka o ba' yi na n belim o ye, o kpen'em na. 29Ka o lebis o ba' ye, ‘Gosima, yuma bedego ka m tumne fu tuuma, ka pu zan'as fu noor baa daar yinni. Amaa baa daar yinni fu pu tis m boog ye m ku ka man ne m zuanam maal sumalisim. 30Amaa fu biig kane sa'am fu la'ad ne po'agoonda la, on kul la na, ka fu ku na'arazol n tis o.’ 31“Ka o ba' lebis o ye, ‘M biiga, man ne fun la'am be saŋa wusa. Ka man mor si'el wusa la ane fu din. 32Li su'um ye ti di'em di'ema, ka maal sumalisim, bozugo fu pitu la daa wenne o kpine, ka vu'ug. O daa bodigne. Ka ti lem nye o ya'as.’ ”

will be added

X\