HIBIRU DIM 13

1Kpelim noŋi taaba wenne ba'abiis ne. 2Da bas saam di'esugo, ka ala ka sieba maal maleknam sauŋ ka pu baŋ ye ba ane maleknama. 3Tenri bane be sarega ni la yela, wenne wuu fu la'am be ne ba ne, ne bane ka ba namisidi ba, wenne fu la'am namisid ne ba ne. 4Ten'esimi ka po'adiir dolisi li suer su'uŋa, ka da ke ka dian'ad tuuma bee; ka Wina'am na kad po'asa'uŋ dim ne niŋgoonda la saria. 5Ka da ke ka ligidi noŋir kpen'e yaa. Ke ka ya sunya malis ne yaname more si'el la; ka Wina'am yel ye, “On kudum ku basi fuu.” 6Dinzugo, ti yinni yinni na tun'e pian' ne sukpi'em ye, “Zugsob la aa m suŋid, ano'on ka m na zo dabiem? Ka saal na niŋi m bo?” 7Tenri ya tuongatib bane pian'ade Wina'am pian'ad tisidi ya la. Ya nye ba nyovur beilim n daa a si'em, ka me tu'asi ne ba yadda niŋir la. 8Yesu Kiristo pu tiakeda. On sa a si'em su'os la, o ane ala zina, ka na kpelim aa ala saŋa mekama. 9Da dol ziri pa'ala line a kon'ob kon'oba; ka li a su'um ka ya sunya kpe'eŋ ne Wina'am popielim piini ka ka'ane diib wada line pu tisid bane dit la nyoode. 10Yesu nok o meŋ maal maani tisi ti ka bane tum Jew dim maan zin'igin la pu mor suere n na di'e. 11Ka bunkonbid niŋgbina bane ziim ka maalmaan kpeenm more kpen'ed Wina'am maan zin'isuŋin tuumbe'ed yela la, ka ba nyu'e li teŋ la kpeŋ. 12Ala men ka Yesu namis teŋ la kpeŋ ye o meŋ ziim la ke ka nidib lieb Wina'am nidib bane a nyain. 13Dinzugo keli ka ti yii paae teŋ kpeŋ la n la'am namis ne o tu'ud la; 14ka dunia nwa ni ti pu mor teŋ kane na yuuge ka boodne teŋ kane na kena la. 15Ne Yesu suŋire keli ka ti maal maan n tis Wina'am. Ka li a ti zun'or n tis o, ka yi tinam bane siak ye Wina'am aa ti Zugsob la. 16Da bas tuumsuma niŋire, ka da tam taaba yelaa, ka tuum bamanami ma'ed Wina'am suunr. 17Siakimi ya tuongatib noya ka tum ban yeli ya si'el; ka dap bama guri ya ka a bane na yel Zugsobi ba tuuma a si'em la. Siakimini ba, ka ba na tumi ne sumalisim ka da nyonaa. Ka ba ya'a nyonin, lin ku moren nyood tisi yaa. 18Pu'usum Wina'am tisi ti; ka ti mi' ye ti mor popielim ya'am, ka bood ye ti tum si'el wusa su'uŋa. 19M kpe'eŋidi ya bedego sa ye ya pu'usum, ka m na nyaŋe lebi ya sa'an na to'oto. 20Wina'am one so'e sumalisim ka vu'ugi ti Zugsob Yesu kumin la, one aa ti pe'egur kpeenm la, one ziim ke ka ti mor nonaar ne Wina'am, saŋa kane ka' ben la. 21Wina'am na maali ya su'uŋa ne si'el mekama ni ye ya tumi o boodim, ka tumi ya poogin line ma'edi o sunf ka yi Yesu Kiristo one na di'e na'asi saŋkane ka' ben la. Ami. 22M ba'abiise, sa'alkan ka m sob la, m bood ye ya noki li; ka m sobi line giŋa. 23Baŋimi ye ba yiisi ti ba'abiig Timoti sarega ni bas, ka o ya'a leb to'oto na, on ne mam na la'am kena kaae ya. 24Pu'usimi ya tuongatib la wusa ne Wina'am nidib la men wusa. Bane yi Itali teŋin la pu'usidi ya. 25Wina'am yelsum na be ne ya wusa. Ami.

will be added

X\