GALATIA DIM 5

1Kiristo da faaenn ti ye ti so'e ti meŋ wada la sa'an. Dinzugo, zi'enimi kiŋ kiŋ ka da siaki lieb yamis ya'asa. 2Gosimi, mam Paul yeti ya ye, ya ya'a siak ka ba kpen'esi ya baŋo, Kiristo yela n be ya ni la pu mor nyoode. 3Ka len yet on mekama siak ka ba kpen'es o baŋo ye, on kpen' baŋo la zug, li a tilas ye o dol wada la wusa. 4Yanam bane bood ye ya a popielim dim Wina'am tuon ya wada dolim zug la, baŋim ye ya baki ya meŋ ne Kiristo ka yiisi ya meŋ Wina'am popielim ni. 5Ka ti yadda niŋir Kiristo ni la ke ka ti mor ti'ir ye Wina'am na ke ka ti a popielim dim o tuon. Ka Wina'am Siig Suŋ paŋ ke ka ti guri li. 6Ka tinam a yinni ne Yesu Kiristo la, li yela pu pak ye ti kpen' baŋo bee ti pu kpen'ee. Lini pak ane ti ya'a niŋ Yesu yadda ka li dolne ti noŋilim. 7Ya daa dol Wina'am yelsida su'uŋa. Ano'one ke ka ya pu lem doli li? 8Lin ka ba pan'asi ya ka ya bas sida la pu yi Wina'am one buoli ya la sa'an naa. 9Ala ka ba ye, “Li ane dabin bi'ela ket ka bodobodo gbil ukid.” 10Tinam a yinni ne Zugsob la ke ka m mi' su'uŋa ye ya ten'esa ku bee li kon' ne man pa'ali ya si'el laa. Wina'am na saans niŋkane wusa daamidi ya ten'esa la, on kun a so' wusa. 11M ba'abiise, li ya'a a sida ye man meŋi moon ye li nar ka ba kpen' baŋo, bo ka Jew dim namisidi ma? Lina ya'a aan sida, Jew dim naan ku ten'esidin ye m moolug Kiristo kum dapuudir zug la ka' su'um. 12M naan bood ye nimbane daamidi ya ten'esa n yet ye li nar ka ya kpen' baŋo la na maligim sa'ami ba meŋ niŋgbiŋ n paas. 13M ba'abiise, Wina'am gaŋi ya ye ya mor yolisim. Dinzugo da ke ka ya yolisim la ke ka ya tum ya ninsaalib ya'amleog boodim, ka lee suŋ taaba ne noŋilim. 14Wada la wusa la'asne a yinni ye fu noŋim fu tiraan wenne fu meŋ. 15Ya ya'a zabid ne taaba wuu ya ane bunyuos, gu'usimi ka da sa'am taaba. 16Ne' ka m yet ye, keli ka ya beilim dolne Wina'am Siig Suŋ la boodim, ka da niŋ lin ka ya ninsaalib boodim mor ya'amleog laa. 17Ka lin ka ninsaalib boodim mor ya'amleog la bee li kon' ne Wina'am Siig Suŋ la boodim. Bama ayi la ane dataas. Ka dinzug ya ku nyaŋe niŋ yaname bood si'em laa. 18Wina'am Siig Suŋ ya'a so'e ya, wada la pu lem so'e yaa. 19Ti ninsaalib boodim niŋid si'el la nie paalo, ka ket ka nidib mor po'asa'uŋ ne dian'ad tuuma ne tuumyaalis 20ne ba'amaalug ne sontuuma ne datatuuma ne zabtaasim ne nyuur ne supeen ne dindiisim ne nogban nwa'ar. 21Ka fufum dim ne bane nuud daam koon ne di'emyaalis ne tuum bane wenne bamanam, m yeti ya wuu man daa yeli ya si'em la ye, on mekama niŋid bama ku di Wina'am so'olim la faare. 22Ka nyood line ka Wina'am Siig Suŋ la ket ka li nobugid nidib sunfin, ane noŋilim ne sumalisim ne sumodigir ne popielim ne yelsida 23ne sumbugusum ne meŋ gban'ar. Wada la ku yel nid ye o da niŋ bamaa. 24Ka nimbane a Yesu Kiristo nidib la, ba ninsaalib boodim ne li ya'amleog la kpi ne Kiristo ne, ka li pu lem so'e baa. 25Wina'am Siig Suŋ sadigim tisi ti vum paal la, keli ka ti beilim dolne o boodim la. 26Ka ti da mor nyeesim bee ket ka ti taaba sunf dued bee mor nyuur ne taabaa.

will be added

X\