EFESUS DIM 6

1Biise, siakimini ya du'adib noya, Zugsob la ni, ka lina dol suer. 2Wina'am noyelug yiiga line mor nozi'elug la ane ye, “Na'asimi fu ba' ne fu ma, 3ka fu na a su'um, ka fu nyovur wa'am dunia ni.” 4Saamnama, da ke ya biis sunya pelig ne sa'ala galisugo, ka lee ugusini ba ne sa'alug ne zamisug line dol Zugsob la suer. 5Yamise, siakimini ya dunia nwa ni zugsobnam noya ne na'asi zotim ne sunf yinni, wuu ba ane Kiristo ne. 6Li ka'ane ban na be ne ya gullimnee ye ba ten'es ye ya a su'um, amaa niŋimi wuu ya ane Kiristo yamis ka tum Wina'am boodim ne ya sunya wusa. 7Tumi ya tuuma ne sumalisim wuu ya tumne tisid Zugsob la ka ka' nidiba, 8ka more poten'er ye one tum tuumsuŋ mekama na di li nyood Zugsob Kiristo la sa'an, o ya'a a yamug bee o ka' yamuga. 9Yanam zugsobnama, niŋimini ala mene n tisidi ba, ka da mugusidi baa, ka more poten'er ye yanam ne ban wusa mor Zugsob yinni arazana ni, one pu mor baragaŋa. 10Line kpelim ane ye, ya mor sukpi'em Zugsob la ni la'am ne o paŋ tita'ar la. 11Yeemi Wina'am zaba la'ad la wusa ka ya na nyaŋe zi'e kiŋkiŋ, ka Sutaana bibi'elim ya'am da nyaŋe lubi yaa. 12Ka ti pu zabid ne saaliba, amaa ti zabid ne siisbe'ednam kpi'emnam bane a paŋ dim na'anam bane so'e dunia line a lik tuumbe'ed yela la, ne siisbe'ednam wusa bane be saazug. 13Dinzugo, nokimi Wina'am zaba la'ad la wusa bobig wuu Room dim sogianami niŋid si'em la, ka dabis be'ug ya'a kena ya na nyaŋe ya dataas. Ka zaba la ya'a ti naae ya na kpelim zi'e ya zi'a ni kiŋkiŋ. 14Dinzugo, ti'ebim zi'e ka nok sida n lo wuu sialoodiŋ ne, ka bobigi popielim wuu gbauŋ ti'edugu lusi nyo'og. 15Ka pid ta'ada n ti'ebi keŋ mool sumalisim labasuŋ la. 16Ka line lem pa'as ane ye, zanli lusub bun nu'usin line a yadda ka na tun'e kpiis pima line dit wenne bugum pielim, lin ka Sutaana toond la. 17Ka pidi kunt zugpibis line a faangir, ka noki Wina'am Siig Suŋ zaba su'ug line a Wina'am pian'ad la. 18Niŋimi ne'enam ka dol Siig Suŋ la sosid Wina'am suŋir su'uŋa saŋa wusa. Kpelim sosid Wina'am n tis nidib wusa, 19ka me sos Wina'am tis man, ye Wina'am na ke ka m nyaŋe pian' su'uŋa ne paŋ n ke ka labasuŋ line sua'a la nie. 20Labaar la yela ka m liebi li tumtum ka ba loo m ne bana. Sosim Wina'am ye m na tun'e pa'ali li ne paŋ wuu lin su'um ye m pian'an si'em la. 21Tikikus one aa ti ba'abinoŋir ne Zugsob sida suŋid la na yeli ya m yela wusa, ka ya na baŋ line maan ne m, la'am ne m tuuma wusa a si'em. 22Lin yela ka m tum o ya sa'an na ye ya baŋi ti yela la ka ya sunya kpe'eŋ. 23Wina'am one a ti Ba' la ne ti Zugsob Yesu Kiristo na tisi ti ba'abiis la wusa noŋir ne sumalisim ne yadda niŋir. 24Yelsum na be ne bane noŋi ti Zugsob Yesu Kiristo ne noŋir line ka' benne.

will be added

X\