2 TIMOTI 4

1M tis uf noor Wina'am ne Yesu Kiristo tuon, one na ti kad bane voe ne bane kpi saria la ne, o lebig na ne o na'am so'olim yela, 2ye fu ti'eb su'uŋa mool Wina'am pian'ad saŋa suŋ ne saŋa kane ka' su'um wusa, ka sa'ani ba ne noŋgban malisiŋ n pa'ani ba ka kpe'eŋidi ba ka mor suguru saŋa wusa. 3Bozugo saŋa na kena ka nidib ku nyaŋe modig ne sida pa'alug laa, amaa ba doli ba meŋ ya'amleog boodim n dol pa'anib bedego bane na pa'al line malisi ba toba ni ma'aa. 4Ka ba na fendig ka ku kelis sida laa ka lee kelisid line a solima. 5Amaa fu nee, gban'ami fu meŋ ka modig di fara, ka a one moon Wina'am labasuŋ, ka tumi fu tuuma wusa. 6Ka saŋa paaeya ye m vum na naae, m ku'um la wenne maan ka ba maal tis Wina'am. 7M zab zabsuŋ la nyaŋe li, ka zo paae zua la ben, ka gur yelsida kan ka ti siak la yela la ka li pu sa'am. 8Ka nyaŋer nyood digi guri m line a popielim ka Zugsob one a li yelsida saria kat la na tisi m dabis kan daar. Ka li ka'ane mam ma'anee, amaa ban wusa more o lebig na ti'ir la. 9Kpe'eŋi fu meŋi keenn m sa'an na nannanna. 10Bozugo Kresens keŋ Galatia, ka Titus keŋ Dalmatia, ka Demas noŋ dunia kaŋa ka basi m ka keŋ Tesalonika. 11Ka Luuk gullim kpelim be m sa'an. Dol Maak na ka o mor suŋir ne m tuuma la zin'igin. 12M tum Tikikus Efesus teŋin. 13Fu ya'a kenna, fun on more m waad fukan ka m daa bas Kaapus sa'an Troas teŋin la, ne gbana ka li kas kas ane gbauŋ bane ka ba sob ne konbid gbauŋ la. 14Alekizanda one kunt si'elnam la niŋi m be'ed hale, ka Wina'am na yo o li sam. 15Gu'usimi fu meŋ ne o ka o zan'asi ti pian'ad la ne kpi'euŋ. 16M deŋir saria kadib la, so' pu zi'eni m nya'aŋ ka suŋi ma. Ba wusa bas man ne. Amaa ka m sosid Wina'am ye o tisi ba suguru. 17Ka Zugsob la daa zi'e m nya'aŋ ka tisi m paŋ ye m mool pian'ad la su'uŋa ye bane ka' Jew dim la bedego wum. Ka m daa nye faangir gbigim noorin. 18Zugsob la na faann m line wusa a be'ed zin'igin ka more man kpen'esi o na'amin. O na nye na'asi dine ka' benne. Ami. 19Pu'usum Prisila ne Akuila, ne Onesiferus yidim. 20Erastus kpelim Korint teŋin. Ka Trofimus ben'edne ka m ke ka o kpelim Miletus teŋin. 21Kpe'eŋimi fu meŋi kena, ka sapal nyaan paae. Yubulus ne Pudens ne Linus ne Klaudia ne ti ba'abiis wusa pu'usid uf. 22Ti Zugsob na be ne fu siig. Wina'am yelsum na be ne fu.

will be added

X\