2 TESALONIKA DIM 2

1M ye m sa'ali ya ti Zugsob Yesu Kiristo la na ti kena la, ne tiname na ti la'as taaba n tu'os o la yela. Ti ba'abiise, ti belimi ya 2ye ya ya'a wum labaar line yel ye Zugsob la dabisir pun kena, ya da ke ka daamug ne kikirug kpelim kpen' ya poten'erine. Li ya'a ane ye so' yel ala ka ba ten'es ye li yi ne Wina'am Siig Suŋ la ni, bee so' pa'al ala, be so' karem gbauŋ ka ten'es ye li yi ne ti sa'an, 3yanam da ke ka ba so' ma'a ya lina wusa nii. Daar kan la ku kenaa, asee ka saŋkan ka nidib bedego la'ase zan'as Wina'am la kena, ka so' nie ya soogin ka a tuumbe'ed daan, on sid na keŋ bugum teŋin. 4O na kisig dine wusa ka ba buon ye Wina'am la, la'am ne si'elnam wusa dine ka nidib zun'odi li la, ka du'os o meŋ n gaadi ba wusa. Hale ka o na kpen' Wina'am pu'usum yin n zin'i ka na yel ye o ane Wina'am. 5Man daa nan be ya sa'an la, m daa yeli ya lin wusa. Ya pu tenra? 6Ka si'el be, ka ya mi' li, ka li nam vi'i tuumbe'ed daan la, ka li saŋa ya'a ti paa na, tuumbe'ed daan la na nie na. 7Tuumbe'ed sua'ada pun tum sa. Ka one nam vi'i tuumbe'ed daan la, na kpelim niŋ ala, n ti paae saŋkan ka o keŋ ka bas paalo. 8Ka tuumbe'ed daan la yu'un na nie na. Ka Zugsob Yesu noor pebisim na ku o. Ka o ken la neesim na sa'am o. 9Sutaana na ke ka tuumbe'ed daan la kena. Ka o na mor paŋtita'ar, ka maan ziri bunnyalima, 10ka ma' dama'am buudi wusa n ma' nidib bane na nye sa'uŋ, ban pu di'e sida ka pu noŋi li n nye faangir la zug. 11Linzug ka Wina'am na tisi ba ziri poten'er, ka ba siak ziri, 12ye nidib bane wusa pu siak sidaa, ka bood tuumbe'ed la, na nye saria kadib line a sa'uŋ. 13Ti ba'abiise, bane ka Zugsob noŋ la, li nar ka ti pu'us Wina'am bareka saŋa wusa ya zug, on daa gaŋi ya pin'ilugin ka o Siig Suŋ one ke ka ya aa o nidib bane a su'um nyain la ne ya sida siakir la ke ka ya nye faangir la zug. 14Wina'am daa buoli ya ye ya nye faangir, ne labasuŋ kane ka ti daa mooli ya sa'an la poogin, ye ya nye ti Zugsob Yesu Kiristo na'asi la'am ne o. 15Dinzugo ti ba'abiise, zi'enimi kiŋ kiŋ, ka doli yelsida line ka ti pian'ad ti gbauŋ ban ka ti sob la ni. 16Ti pu'usid ti Zugsob Yesu Kiristo o meŋ ne ti Ba' Wina'am on noŋi ti, ka tisi ti sukpi'em kane ka' naare ne ti'ir suŋ o popielim zug la, 17ka sos o ye o na kpe'eŋi ya sunya, ka tisi ya paŋ ye ya niŋ si'el wusa line a su'um ka me yel line a su'um.

will be added

X\