2 KORINT DIM 2

1M daa gban'e ye m ku lem kena kaae yaa n ke ka ya sunf sa'am. 2Ka m ya'a ket ka ya sunf sa'amid, ano'one be na tisi m sumalisim? So'o kae', asee yanam bane ka m ke ka ya sunf sa'am la. 3M daa pu bood ye nimbane naan tisini m sumalisim la keen ka m moren susa'aŋa, ka linzug ka m daa sob gbauŋ kan la wala. M mi' ya su'uŋa ka mi' ye mam ya'a mor sumalisim, yanam me na mor, 4ka daa sob tisidi ya ka mor susa'aŋ ne daamug m sunfin bedego, ka li ke ka m kaas, ka li ka'a ye m bood ye m ke ka ya sunf sa'am, ka ane ye m ke ka ya baŋ man noŋi ya si'em bedego. 5Nid yinni ya soogin ya'a daa ke ka so' sunf sa'am, li ka'ane ye o sa'ame man sunfo, amaa o sa'am ne yanam sunf bi'ela. M pu bood ye m yel ye o sa'am ne ya sunf bedegoo. 6Saansug kan ka ya bedego tis on daana la, zemiseya. 7Nannanna li nar ka ya di o suguru ka kpe'eŋ o sunf, ka li da ke ka o sunf sa'am bedego ka o sa'am. 8M belimi ya ye ya ke ka o lem baŋ ye ya sid noŋ o. 9M daa sob gbauŋ kaŋa ne' zug ye m kpansi ya gos ye ya yiti siak man yeti ya si'el la. 10Ya ya'a di so' suguru, mam me na di o daana suguru men. Tuumbe'ed si'a ya'a daa be ka zabi mam ka li ane man na dii li suguru, m niŋi li Kiristo tuon yanam zug 11ye Sutaana da nyaŋe tii. Ti mi' on bood ye o niŋ si'el la. 12Man daa paae Troas teŋin ye m mool Kiristo labasuŋ la, ka nye ka Zugsob la pun ti'eb suesuŋi digil. 13Ka m sunf pu malisa man pu nye m ba'abiig Titus anina la zug. Ka dinzug ka m kees nidib la ka gaadi keŋ Masedonia teŋin. 14M pu'us Wina'am bareka. Tiname a yinni ne Kiristo la, ka Wina'am yiti dolisidi ti ka li wenne ti la'asne n tuunl taaba ka doli Kiristo ken, n pa'al ye o di ya'an n nyaŋ si'el wusa. Wina'am noki ti n ke ka nidib wusa baŋ Kiristo yela. Ka ti wenne nyuug line malis ka yadig zin'is wusa, 15ka wenne tudaare ka Kiristo nyu'e li tis Wina'am, ka nimbane nye faangir la ne bane bodig la na wumi li nyuug. 16Bane bodig la sa'an li wenne nyuug be'ed line a ku'um n tisi ba. Amaa li wenne nyuug su'um line a nyovur n tis bane nye faangir la. Ano'on nar ne yel kaŋa? 17Nidib bedego mool Wina'am labaar wuu bane kuosid la'ad dine ka'a su'um ka bood ligidi bedego la. Tinam ka' ala. Amaa Wina'am tumi ti la zug ka ti pian'ad Wina'am tuon n a yinni ne Kiristo.

will be added

X\