2 KORINT DIM 13

1Lina paasid noor atan' daan ka m na kena kaae ya. “So' ya'a mor taal ne o tiraan ka li a antu'a, li nar ka on daana mor kasetib ayi bee atan'.” 2M yet bane tum tuumbe'ed la ne bane kpelim la wusa ye, m ya'a kena m ku zo ya so' nimbaanliga. Man daa bee ya sa'an noor ayi daan ni la, m daa pun yeli ya ne'. Ka mam ka'a ya sa'an nannanna la, m na lem yeli ya ne' ya'as. 3Yanam bood ye ya baŋ ye Kiristo tisi m suer ka m pian'ad ne' la, li ka'a ye o ko'oŋ paŋ ye o maali ya si'ela, amaa o mor paŋ hale ya ni. 4Li a sida ye on da be dapuudir zug la o da ka'a paŋa, ka kpi. Ka li lee ane Wina'am paŋ la ke ka o voe. Ka tinam a yinni ne Kiristo la ti me ka'a paŋa, ka Wina'am paŋ la ke ka ti la'am voe ne Kiristo ka tum ne o paŋi ya sa'an. 5Peligimini ya poog gos ye ya sid niŋ Kiristo yadda. Kpansimini ya meŋ ka Kiristo be ya ni. Li ya'a ka'a alaa ya lu ne. 6M mor poten'er ye ya na baŋ ye tinam ka' nimbane bas Wina'am dollim. 7Ti sosid Wina'am ya zug ka ya da tum line a be'ede. Ka'a ye ti du'osidi ti meŋ tiname nyaŋ makir laa, amaa ye ya maal line a su'um, hale baa li ya'a wenne tinam lu ne. 8Ti ku nyaŋe niŋ si'el line pu dol Wina'am sida suer laa, asee yelsida la ma'aa. 9Tinam ya'a tadig ka yanam lee mor paŋ, ti mor sumalisim. Ka sosid Wina'am ye ya beilim wusa na a su'um. 10Ka man ka'a ya sa'an la ka m sobid ne'eŋa tisidi ya ye m ya'a ti kena, li pu nar ye m zaŋ Zugsob la tisi m paŋ si'a la n tum ne sutoogo. O tisi m o paŋ la ye m suŋi ya ka ka' ye m sa'ami yaa. 11Ba'asugo, m ba'abiise, kelisimi man yet si'el la, ka tiake ya tuuma, ka more poten'er yinni, ka be ne sumalisim, ka Wina'am one tisid noŋilim ne sumalisim, na bee ya sa'an. 12Pu'usimi taaba ne noŋilim pu'usug. 13Wina'am nidib wusa pu'usidi ya. 14Ti Zugsob Yesu Kiristo yelsum ne Wina'am noŋilim na bee ya wusa sa'an, ka ya me na a yinni ne Wina'am Siig Suŋ la. Kpelimi su'um.

will be added

X\