1 TESALONIKA DIM 1

1Man Paul ne Silvanus ne Timoti sobid gbauŋ kaŋa n tisid yanam Wina'am nidib bane be Tesalonika teŋin la n be ti Ba' Wina'am ne Zugsob Yesu Kiristo ni la. Wina'am na tisi ya yelsum ne sumalisim. 2Ti pu'usid Wina'am bareka saŋa wusa ya zug, ka tiendi ya yela ti winsosugin. 3Ka tenr ti Ba' Wina'am la tuon ya yadda niŋir ne ya noŋilim line ke ka ya tum bedego ka ya ti'ir kpemisi ya, ka ya modig be ti Zugsob Yesu Kiristo ni. 4- 5Ti ba'abiis ban ka Wina'am noŋ la. Ti daa mor labasuŋ la na tisi ya ka li ka'ane pian'ad ma'anee, ka lee ane ne Wina'am Siig Suŋ paŋ. Ka ti daa mi' su'uŋa ye Wina'am tumi ya sa'an, ka daa baŋ ye o gaŋi ya. Tinam daa be ne ya la, ya daa mi' ti belim daa a si'em. Ka li ane yanam su'um zug. 6Ya daa ane ti tu'asim taas ne Zugsob la, ka di'e labaar n nye namisug bedego li zug la, ka la'am di'e sumalisim line yi Wina'am Siig Suŋ la ni na. 7Linzug ka yadda niŋidib bane be Masedonia ne Akaia so'olimin me a ya tu'asim taas. 8Ka nidib bedego bane be ani wum Zugsob labaar la ya sa'an. Ka li ka' bama ma'anee, ka ane bane be zin'is wusa me wum ya yadda niŋir Wina'am ni la yela. Ka si'el kae' ka ti na len yeli baa. 9Nimbama la wusa pian'ad yanam daa di'e ti su'uŋa si'em, ka bas baga ka dol Wina'am one voe ka sid a Wina'am la, 10ka gur o Biig Yesu ken la one na ti yi arazana ni la na. Wina'am da vu'ug o kumin la, ka o faann ti Wina'am supeen kane na ti kena la ni.

will be added

X\