1 JOON 5

1On wusa siak ye Yesu ane Kiristo la, o ane Wina'am biig. On wusa noŋ dau so', me noŋ dau la biig. 2Anwana ke ka ti baŋ ye ti noŋ Wina'am biis. Li ane tiname noŋ Wina'am ka siakidi o noyelug wusa la zug. 3Ti ya'a noŋ Wina'am asee ti siak o noyelug la. Ka o noyelug la pu toe galise. 4On wusa a Wina'am biig na tun'e nyaŋ dunia bedego. Li ane ti yadda niŋir Yesu Kiristo ni ke ka ti nyaŋ dunia. 5Ano'one nyaŋed dunia la? Li ane one siak ye Yesu ane Wina'am Biig la ma'aa. 6Yesu Kiristo ane one da kena. O da kena di'e ku'om suub ka kpi ka o ziim yi, o da pu kena di'e ku'om suub ma'anee, ka lee di'e ku'um men. 7Ka Wina'am Siig Suŋ la meŋ nie pa'al ye ne'eŋa a sida, on a yelsida daan la zug. 8Bunama atan' pa'ani ti Yesu Kiristo yela. Li ane Wina'am Siig Suŋ la ne o ku'om suub ne o ku'um. Ka bunbama atan' dol taaba. 9Ti siakid line ka nidib yeli ti Wina'am Biig la yela, ka lin ka Wina'am pa'ali ti o yela gaad ala. Ka o tisi ti bunbama atan' la ye ti siak o Biig la yela. 10Dinzugo on mekama siak o Biig la, mi' o yela o sunfin. Ka on mekama pu siak Wina'am, o buol o ne ziridaan, on pu siak Wina'am yeli ti si'el o Biig yela la zug. 11Ne'eŋa nwa ka Wina'am yeli ti. Li ane ye o tisi ti nyovur kane ka' naare, ka nyovur kaŋa aa ti bun n a yinni ne o Biig la. 12On mekama di'e o Biig la mor nyovur kaŋa. Ka on wusa pu di'e o Biig la, o ka' nyovure. 13M sobid ne'eŋa tisidi yanam bane niŋ Wina'am Biig la yadda la ye, ya baŋ ye ya mor nyovur kane ka' naare. 14Ne'eŋa zug ka ti mor sukpi'em Wina'am tuon. Li ane tiname mi' su'uŋa ye ti ya'a sos si'el wusa dine aa o boodim, o na wum tisi ti. 15Ka ti ya'a mi' ne'eŋa, ti na mi' ye o na tisi ti tiname sos si'el la. 16So' ya'a nye o ba'abiig ka o tum tuumbe'ed line ku ta'asi kumine, on sosim Wina'am tis o. Ka Wina'am na tis o nyovur. M sobid ne'eŋa n tis bane tuumbe'ed pu ta'asidi ba kumin la. Amaa tuumbe'ed be line ta'asid nid kumin. M pu yel ye ya sosim Wina'am din yelaa. 17Ninsaalib n niŋid si'el wusa ka li ka'a su'um, ane tuumbe'ed Wina'am tuon. Ka tuumbe'ed sieba pu ta'asid nidib kumine. 18Ti mi' ye Wina'am biis pu kpelim tum tuumbe'ede. Wina'am Biig la meŋ guri ba su'uŋa, ka Sutaana ku nyaŋ n daami baa. 19Ti me mi' ye Wina'am so'e ti. Ka dunia dim wusa be ne Sutaana so'olim ni. 20Ka lem mi' ye Wina'am Biig la kena ka tisi ti ya'am ye ti mi' Wina'am one sid a Wina'am la. Ka ti a yinni ne on, tiname a yinni ne o Biig la zug. O sid ane Wina'am ka a one tisid nyovur kane ka' naare. 21M biise, da dolne line ka' Wina'am.

will be added

X\