1 JOON 1

1Ti sobid ne' yeti ya so' yela, one a Pian'ad line a nyovur la, one da pun be dunia pin'ilugin sa. Ti wum o pian'ad, ka nye o ne ti nini. Sida ti nye o, ka ti nu'us si'is o. 2Nyovur la da nie paalo ni ka ti daa nyee o ne ti nini. One a nyovur kane ka'a naar ka ti mooni o yela tisidi ya la. One da be ti Ba' Wina'am sa'an, ka o ke ka ti baŋi o la. 3Tiname nye ka wum si'el la ka ti yeti ya men, ka ya na la'as ne ti noor yinni, ka mor noor yinni kan ka ti mor ne ti Ba' Wina'am ne o Biig Yesu Kiristo la. 4Ti sobid ne'eŋa ye ti sumalisim be bedego. 5Ti wum labakaŋa o Biig la sa'an ka mool n tisi ya. Ye Wina'am a su'um nyain, ka lik kae' o sa'an baa bi'elaa. 6Ti ya'a ye ti mor noor yinni ne on, ka lee be likin n tum be'ed, lin ka ti yet la, ne lin ka ti tum la ane dama'am. 7Ka ti ya'a dol line a su'um, wenne Wina'am a su'um si'em la, ti mor noor yinni ne taaba, ka o Biig Yesu ziim la yiisidi ti tuumbe'ed wusa, ka ke ka ti lieb nyain. 8Ti ya'a ye ti ka' tuumbe'ede, ti ma'ane ti meŋ, ka sida kae' ti sa'ane. 9Wina'am a yelsida sob, ka maan dine a su'uŋa. Ka linzug, ti ya'a peligi ti poog ka tu'as Wina'am ti tuumbe'ed, o na yiisi ti tuumbe'ed wusa n bas, ka ke ka ti lieb nyain. 10Ti ya'a yel ye ti pu tum tuumbe'ede, ti buol o ne dama'am sob, ka o pian'ad ka' ti sa'ane.

will be added

X\