1 KORINT DIM 5

1Ba sid yel asida ye po'asa'uŋ bee ya soogin hale, bun lin ka bane pu dol Yesu Kiristo kis. M wum ye nid yinni bee ya soogin n dig ne o saam po'a. 2Ka ya me mor nyeesim li yela. Li pu su'um ka ya sunya sa'aminee? Li su'um ka ya yiisin dau one maal yelbe'ed kaŋa la ya kallin. 3Hale man lale ya sa'an ne niŋgbina la, m poten'er nam kpelim bee ya sa'an. Man pun kad dau kane maal yelbe'ed kaŋa nwa saria 4ne ti Zugsob Yesu paŋ, ka li wenne m bene anina ne yanam ne. Yaname la'ased taaba ka m poten'er bee ya sa'an ka ti Zugsob Yesu be ne ya ne o paŋ la, 5zaŋimi dau kaŋa n niŋ Sutaana nu'usin ka o sa'am niŋkaŋa niŋgbina, ka ti Zugsob la ken daar na, ka o siig lee paam faangir. 6Li pu su'um ka ya mor nyeesim. Ya pu baŋ ye dabin fiinn nwa n ket ka bodobodo zom ukidaa? 7Yiisim tuumbe'ed ban ka ya maal ka li wenne dabin kudug la ya sa'an, ka ya na lieb nyain, ka wenne bodobodo zom kan ka dabin kae'. Sida m baŋya ye ya wenne bodobodo kane ka' dabin ne. Bozugo ba daa ku Kiristo ka o wenne Wina'am kum malek gaadug tienr maluŋ pe'ebil ti yela. 8Dinzugo ti yiisim poten'ebe'ed ne tuumbe'ed line wenne dabin kudug la, ka tum sida ne line a nyain tuuma, ka li wenne ti maal tienr maluŋ la, ka di bodobodo kane ka' dabin ne. 9Man daa sob gbauŋ si'a la, m daa yeli ya ye ya da la'as ne bane a po'asa'amidiba. 10Ka li ane bane a po'asa'amidib ka yel ye ba dol Wina'am la yela ka m daa sob, ka ka'ane bane pu dol Wina'am laa, bane a po'aboodib bee fufum dim bee na'ayiis bee bane maan bada la yelaa, ka li ya'a a ala, yanam na yi dunia kaŋa ni. 11M daa sob n tisi ya ye ya da dol ne one yel o meŋ ye o ane Wina'am nid, ka a po'abood bee fufum daan bee maan ba'ar bee a nintu'ud bee one nut daam koon bee one faand nidib la'ade. Hale da zin'in ye fu di ne niŋkan soba. 12M ba'a kae' ka m kad bane pu pu'usid Wina'am la saria, Wina'am na kadi ba saria. Li ane ya taaba bane pu'usid Wina'am ka li nar ka ya kad saria. 13Kadimi tuumbe'ed daan la ya soogin.

will be added

X\