1 KORINT DIM 16

1M sobid ne'eŋa ne ye m yeli ya ligidi kan ka ya la'ased ye ya suŋ Wina'am nidib bane be Juuda teŋin la yela. Doli pa'alug kan ka m pa'al Wina'am nidib bane be Galatia teŋin la. 2Alasidaar wusa, so' wusa yiisim zemis on tum nye ligid si'a digil, ka m ya'a ti paa na ligidi la'asug ku lem be. 3M ya'a ti paa na, m na sob gbauŋ n tum nimbane ka ya meŋ na ti gaŋ la, ka ba more piini la keŋ Jerusalem. 4Ka li ya'a lem nar ye m keŋ, ban on doli m, ka ti keŋ. 5M gban'e ye m doli yi Masedonia teŋin, ka lin nya'aŋ m na kena n kaae ya. 6Daasi'er m na yuugi ya sa'an bi'ela bee be ne ya ka waad saŋa ti gaad, ka ya suŋi m ka m gaadi keŋ zin'ig kan wusa ka m na keŋ. 7M pu bood ye m kaae ya nannanna, li wenne m gaadne ka yina ye m kaae ya. M mor ti'ir ye m na be ya sa'an n yuug, Zugsob la ya'a maal suer tisi m. 8Amaa m na kpelim be Efesus teŋin n paae Pentekost daar. 9Suer yo'og kpela tisi m, ka m na tum Wina'am tuuma kane mor nyood, amaa dataas la zu'eya. 10Timoti ya'a keenn ya sa'an na, yanam on di'em o ka o be ya sa'an, ka da ke ka o sunf sa'am. Bozugo o tumne Zugsob la tuuma wenne man tum si'em la. 11So' da ne'es oo, ka lee suŋimin o, ka o gaadi keŋ ne sumalisim n nyaŋe lebi m sa'an na. M ten'esid ye on ne ti ba'abiis bama la na leb na. 12Ti ba'abiig Apollos yela. M kpe'eŋid o saŋa wusa ye on ne ba'abiis bama la kena kaae ya. Ka o kudim pu bood ye o kenn nannanna naa. O ya'a paam suer, o na kena. 13Gu'usimi, ka zi'e kiŋ kiŋ ka da bas ya yadda niŋir Wina'am nii. More sukpi'euŋ ne paŋ. 14Tumini ya tuuma wusa ne noŋilim. 15Ya mi' Stefanas ne o yidim yela, bane deŋi niŋ yadda niŋidib Akaia teŋin yiiga. Ba zaŋi ba meŋ n tumi tisid Wina'am nidib. 16M belimi ya ne, ke ka ya beilim wenne nimbama, ne ya tumtum taaba wusa ne bane tum bedego suŋid Wina'am nidib la. 17M mor sumalisim Stefanas ne Fortunatus ne Akaikus ken la yela na. Bozugo ba daa suŋi m ne suŋir kan ka yanam pu nyaŋe suŋim la. 18Ba kpe'eŋ man ne yanam sunya. Na'asimi nimbane wenne bama. 19Wina'am nidib bane be Asia so'olim pu'usidi ya. Akuila ne Prisila ne Wina'am nidib bane la'asedi ba yin la pu'usidi ya su'uŋa, yaname wusa a yinni ne ti Zugsob la zug. 20Ba'abiis la wusa pu'usidi ya. Pu'usimi taaba ne noŋilim. 21Man meŋ nu'ug ka m sobid ne'eŋa, ye man Paul n pu'usidi ya. 22On mekama pu noŋ Zugsob la, kaanb be'ed be on sob zugin. Ti sosid ti Zugsob ye o kena. 23Ti Zugsob Yesu yelsum be ne ya. 24M noŋilim be ne ya wusa, tiname a yinni ne Kiristo Yesu la zug.

will be added

X\