1 KORINT DIM 13

1M ya'a pian'ad ninsaalib pian'ad buudi ne maleknam pian'ad, ka pu mor noŋilim, m kudum wenne lumir bee binnir bane vuudne. 2Ka m ya'a mor nodi'esug piini line ka Wina'am tisid ka nyaŋe baŋ yelsua'ada wusa, ka mor mi'ilim wusa, ka m yadda kpi'em Wina'am ni ka na nyaŋe yel zuer ka li viki toom, ka pu mor noŋilim, m ane zaalim. 3Ka m ya'a zaŋ man mor si'el wusa tis noŋdim, hale ka zaŋi m niŋgbiŋ n tis ka ba nyu'e ne bugum, ka pu mor noŋilim, m ka' nyoode. 4Nimbane mor noŋilim, me mor suguru, ka suŋid nidib, ka pu mor fufum bee du'osi meŋa. 5Ba ka' nyeesim bee tita'alim bee boodi o meŋ suŋir ma'ane bee so' ya'a maal o be'ed o pu tiend li o suunrine. 6Noŋilim pu mor sumalisim ne tuumbe'ede, amaa li mor sumalisim ne bunsuma. 7Noŋilim dit suguru ne si'el wusa. Ka yadda ne ti'ir ne modigir ka' siere. 8Noŋilim pu naae da. Nodi'esug ne pian'azuna ne mi'ilim na gaad. 9Ti mi'ilim ne ti nodi'esug pu paae Wina'am mi' si'em la. 10Ka Kiristo one sia'al ameŋa la ya'a ti paae na, line ka'a ameŋa la na gaad. 11Man daa a biig la, m daa pian'ad ka ten'esidi wenne biig ne, ka gban'adi wenne biig. Ka man yu'un nobug la ka bas biilim tuuma. 12Tiname mi' si'el nannanna la ane bi'ela wenne tiname gosid gotiŋin ka li a zibisug si'em la. Amaa saŋkan la ti na nye si'el wusa nyain. Man mi' si'el nan ane bi'ela. Amaa m na ti baŋi li su'uŋa nyain wenne Wina'am mi' man nyain si'em la. 13Yadda ne ti'ir ne noŋilim, bunama atan' nwa, na be saŋa wusa. Amaa noŋilim gati ba wusa.

will be added

X\