GBOO DOMI KO A 2

1Mi kɔmpin Kristiɛn dɛn, una we de jɔj ɔda pipul, una nɔ go se una nɔ du bad wan de, ilɛk udat una bi. Wɛn una de jɔj ɔda pipul, una de kɔndɛm unasɛf, bikɔs una de du di sem tin we dɛn de du. 2Wi no se Gɔd de du di rayt tin wɛn i kɔndɛm dɛn pipul we de du dɛn bad tin ya. 3Bɔt mi kɔmpin Kristiɛn dɛn, unasɛf de du dɛn sem bad tin we una de jɔj ɔda pipul fɔ. Una tink se Gɔd nɔ go jɔj una? 4Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛni tin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am. 5Bɔt una tra nga yes ɛn una at tra nga, na dat mek Gɔd go pɔnish una mɔ di de we i go sho aw i vɛks pan mɔta lman ɛn we i go jɔj dɛn lɛkɛ aw i fɔ jɔj dɛn. 6Gɔd go gi ɔlman di pe fɔ wetin i du. 7Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go. 8Bɔt ɔda pipul jɛs liv fɔ dɛnsɛf ɛn dɛn nɔ de gri fɔ du wetin dɛn fɔ du, dɛn de du wetin dɛn nɔ fɔ du; Gɔd go vɛks pan dɛn ɛn pɔnish dɛn. 9Gɔd go mek ɔlman we de du bad, sɔfa ɔl kayn sɔfa, di Ju pipul ɛn dɛn pipul we nɔto Ju, dɛn ɔl go sɔfa if dɛn du bad. 10Bɔt Gɔd go mek dɛn pipul we de du gud, dɛn Ju pipul ɛn dɛn wan we nɔto Ju, gɛt prez, ɔna, ɛn kol at. 11Gɔd go jɔj ɔlman di sem we. 12Ɛnibɔdi we nɔ bin de ɔnda di Lɔ we Gɔd gi Mozis, we sin, go go ɛl, pan ɔl we i nɔ bin de ɔnda di Lɔ; ɛn ɛnibɔdi we bin de ɔnda di Lɔ we Gɔd gi Mozis, we sin, na di Lɔ Gɔd go tek jɔj am. 13Nɔto we pɔsin yɛri wetin di Lɔ se de mek Gɔd padin am ɛn bring am kam bak to insɛf, bɔt na we i du wetin di Lɔ se. 14Dɛn pipul we nɔto Ju nɔ no di Lɔ we Gɔd gi Mozis, bɔt ɛnitɛm we dɛn du sɔntin we dɛn at tɛl dɛn fɔ du ɛn dat na tin we di Lɔ se, dɛn sho se dɛn no wetin fɔ du ɛn wetin nɔ fɔ du, pan ɔl we dɛn nɔ no di Lɔ we Gɔd gi Mozis. 15Wetin dɛn de du sho se di Lɔ de na dɛn at. Semwe so, wetin dɛn de tink sho se di Lɔ de na dɛn at, bikɔs sɔntɛm dɛn kin tink se, dɛn dɔn du bad, ɛn sɔntɛm dɛn kin tink se, dɛn dɔn du gud. 16So, lɛkɛ aw di Gud Nyus we a de tɛl pipul se, ɔl dɛn tin ya go bi di De we Gɔd go mek Jizɔs Krays jɔj dɛn sikrit tin we mɔta lman de tink. 17As fɔ una we na Ju: una kɔl unasɛf Ju pipul; una abop pan di Lɔ, ɛn una de bost se una na di pipul we Gɔd dɔn pik. 18Una no wetin Gɔd want fɔ du, ɛn di Lɔ dɔn lan una wetin rayt ɛn wetin nɔ rayt fɔ du; 19una shɔ se una kin lid dɛn blɛnyay pipul, ɛn na una na layt fɔ dɛn pipul we de na dak, 20una shɔ se na una fɔ lan dɛn pipul we nɔ gɛt bɛtɛ sɛns ɛn dɛn wan we nɔ bigin lan ɛni tin yet. Una shɔ se di Lɔ we Gɔd gi Mozis mek una no ɔl wetin una fɔ no ɛn ɔl wetin tru. 21Una de lan ɔda pipul, wetin mek una nɔ de lan unasɛf? Una de tɛl ɔda pipul se, dɛn nɔ fɔ tif, bɔt unasɛf de tif. 22Una de tɛl ɔda pipul se, dɛn nɔ fɔ tek ɔda pipul wɛf ɔ man, bɔt unasɛf de du dat. Una de tɔk se dɛn tin we pipul de mek fɔ pre to, bad, bɔt una de pwɛl dɛn ples we dɛn de pre bay wetin una de du. 23Una de bost se una no di Lɔ we Gɔd gi Mozis, bɔt una de mek pipul nɔ rɛspɛkt Gɔd we una nɔ de kip di Lɔ. 24Gɔd in Buk se, “Na una dɛn Ju pipul de mek dɛn pipul we nɔto Ju tɔk bad bɔt Gɔd.” 25If una de du wetin di Lɔ se, di sakɔmsayz we una sakɔmsayz min sɔntin; bɔt if una nɔ de du wetin di Lɔ se, i jɛs tan lɛkɛ se una nɔ sakɔmsayz atɔl. 26If pɔsin we nɔ sakɔmsayz, de du wetin di Lɔ we Gɔd gi Mozis se, Gɔd nɔ go tek am lɛkɛ pɔsin we dɔn sakɔmsayz? 27So dɛn pipul we nɔto Ju go jɔj una bikɔs, pan ɔl we dɛn nɔ sakɔmsayz, dɛn de du wetin di Lɔ se, bɔt una we sakɔmsayz ɛn we gɛt di Lɔ we dɛn rayt, nɔ de du wetin di Lɔ se. 28Udat na di tru Ju we sakɔmsayz fɔ tru? Nɔto man we sakɔmsayz, we ɔlman no se na Ju. 29Di tru Ju na pɔsin we dɔn gi Gɔd in at, dat na pɔsin we in at sakɔmsayz, dat min se Gɔd dɔn put in mak pan am. Na Gɔd in Spirit de mek dat bi, nɔto di Lɔ we dɛn rayt. Na Gɔd de prez pɔsin lɛkɛ dat, nɔto mɔta lman.

will be added

X\