GBOO DOMI KO A 15

1Wi we biliv Gɔd gud gud fɔ ɛp dɛn wan we nɔ biliv bɛtɛ fɔ mek dɛn biliv mɔ ɛn mɔ se Gɔd go ɛp dɛn pan ɔl wetin de mɔna dɛn. Wi nɔ fɔ jɛs de du wetin wi want fɔ wisɛf. 2Wi ɔl fɔ de du wetin gud fɔ wi kɔmpin Kristiɛn dɛn we go mek dɛn gladi, so dat dɛn go biliv pan Krays gud. 3Krays nɔ bin du ɔl wetin i du fɔ pliz insɛf, bɔt dɛn rayt na Gɔd in Buk se, i se, “Wɛn pipul kɔs yu, na mi dɛn kɔs.” 4Ɔltin we rayt na Gɔd in Buk na fɔ lan wi sɔntin, so dat, we di tin we rayt de, de mek wi ebul bia ɛn mek wi gɛt kɔrej, wi go no se Gɔd nɔ go lɛf wi. 5Ɛn lɛ Gɔd we de mek pipul ebul bia ɛn gɛt kɔrej, mek una ɔl gri, bikɔs una de fala Jizɔs Krays in yon we, 6so dat una ɔl go prez Gɔd, we na wi Masta Jizɔs Krays in Papa, wit wan at. 7So una fɔ ol una kɔmpin lɛkɛ aw Krays ol una, so dat pipul go prez Gɔd. 8A de tɛl una se Krays kam fɔ ɛp di Ju pipul dɛn fɔ sho se Gɔd go du wetin i bin dɔn prɔmis Ebraam, Ayzik ɛn Jekɔb, 9ɛn igen, i kam fɔ mek dɛn pipul we nɔto Ju prez Gɔd fɔ we i sɔri fɔ dɛn ɛn bring dɛn kam to insɛf. Lɛkɛ aw dɛn rayt na Gɔd in Buk, we dɛn se, “So a go tɛl yu tɛnki wɛn a de wit dɛn pipul we nɔto Ju; a go sing ɛn prez yu nem.” 10Dɛn rayt igen na Gɔd in Buk se, “Una we nɔto Ju, una fɔ gladi wit dɛn pipul we Gɔd dɔn pik.” 11Ɛn igen, “Una we nɔto Ju, fɔ prez di Masta; ɔlman fɔ prez am!” 12Ayzaya tɔk igen se, “Wan pɔsin we go kɔmɔt na Jɛsi in fambul layn, go kam; Gɔd go mek i rul dɛn pipul we nɔto Ju, ɛn dɛn go abop pan am.” 13Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ. 14Mi kɔmpin Kristiɛn dɛn, a shɔ se una gud, una no ɔl wetin una fɔ du ɛn una ebul advays una kɔmpin dɛn. 15A nɔ ayd natin na dis lɛta, a mɛmba una bɔt sɔm tin dɛn we a bin dɔn tɛl una bɔt. A nɔ ayd natin bikɔs na Gɔd gi mi dis wɔnda ful wok fɔ du fɔ Jizɔs Krays fɔ ɛp dɛn pipul we nɔto Ju. Wɛn a de tɛl pipul di Gud Nyus we Gɔd gi wi, a de du di sem wok we dɛn man we de mek sakri fays fɔ pipul sin de du, so dat dɛn pipul we nɔto Ju go tan lɛkɛ sakri fays we go mek Gɔd gladi; we Gɔd in Spirit dɔn mek dɛn klin we mek Gɔd luk se dɛn fit fɔ bi in yon. 17Bikɔs a gɛt wanwɔd wit Jizɔs Krays, a kin fil prawd fɔseka di wok we a de du fɔ Gɔd. 18A nɔ go tɔk bɔt ɛni tin pas wetin Krays mek a ebul du fɔ mek dɛn pipul we nɔto Ju du wetin Gɔd tɛl dɛn fɔ du. Na di wɔd dɛn we a tɔk, di tin dɛn we a du, 19di wɔnda ful wok dɛn we sho se Gɔd gɛt pawa, ɛn di pawa we Gɔd in Spirit gɛt mek dɛn du wetin Gɔd bin want dɛn fɔ du. Ɛni say we a tap wɛn a bin kɔmɔt Jerusɛlɛm de go Ili ri kum, a tɛl pipul di Gud Nyus bɔt Krays. 20Di tin we a want du na layf, na fɔ tɛl pipul we nɔ yɛri bɔt Krays yet di Gud Nyus, so dat a nɔ go du wok we ɔda pɔsin bin dɔn bigin du. 21Lɛkɛ aw dɛn rayt na Gɔd in Buk, we dɛn se, “Dɛn pipul we dɛn nɔ bin tɛl bɔt Krays go luk ɔp to am, ɛn dɛn wan we nɔ yɛri bɔt am yet go sabi bɔt am.” 22Na dat mek, plɛnti tɛm we a kin want kam fɛn una, sɔntin kin bi we kin mek a nɔ ebul kam. 23Bɔt naw a dɔn du ɔl wetin a fɔ du na dɛn ples ya we dɛn nɔ bin yɛri bɔt Krays yet, ɛn we a bin dɔn want fɔ kam fɛn una lɔntɛm, 24a go lɛk fɔ pas to una naw we a de go Spen, ɛn afta a go dɔn de wit una fɔ sɔm tɛm, a go want mek una gi mi sɔm mɔni we go ɛp mi fɔ pe go de. 25Bɔt naw a de kɛr sɔm mɔni go Jerusɛlɛm fɔ ɛp Gɔd in pipul dɛn de. 26Bikɔs di chɔch mɛmba dɛn na Masi do nya ɛn Gris dɔn mekɔp fɔ gi dɛn Kristiɛn we nɔ gɛt natin na Jerusɛlɛm sɔm mɔni. 27Na di mɛmba dɛnsɛf mekɔp fɔ du dat. Ɛn, fɔ tru, dɛn fɔ ɛp dɛn Kristiɛn pipul we nɔ gɛt natin na Jerusɛlɛm. Di Ju dɛn bin dɔn gi dɛn pipul we nɔto Ju pan Gɔd in blɛsin we dɛn mek dɛn yɛri di Gud Nyus bɔt Krays, so dɛn Kristiɛn we nɔto Ju, dɛnsɛf fɔ ɛp dɛn Ju Kristiɛn wit dɛn tin lɛkɛ mɔni so. 28Wɛn a dɔn gi ɔl di kɔpɔ we di pipul dɛn na Masi do nya ɛn Gris dɔn gɛda fɔ dɛn, a go kɔmɔt de ɛn a go pas to una wɛn a de go Spen. 29Wɛn a kam to una, a go kam wit ɔl di blɛsin we Krays gi mi fɔ gi una. 30Mi kɔmpin Kristiɛn dɛn, fɔseka di biliv we wi biliv pan wi Masta Jizɔs Krays, ɛn di lɛk we Gɔd in Spirit put na wi at, a de beg una mek una pre fɔ mi wit ɔl una at lɛkɛ aw misɛf de pre fɔ misɛf. 31Una pre mek dɛn pipul na Judia we nɔ biliv pan Jizɔs Krays nɔ du mi bad, ɛn mek Gɔd in pipul dɛn na Jerusɛlɛm gladi fɔ wetin a de go du fɔ dɛn. 32So if Gɔd gri, a go kam to una wit gladi na mi at, ɛn a go ɛnjɔy di tɛm we a go de to una, bikɔs a go blo ɛn wi go de kɔrej wi kɔmpin. 33Mek Gɔd, we de gi kol at, de wit una ɔl! Emɛn.

will be added

X\