KO Ɔ NUNDENƐ 9

1Di enjɛl we mek fayv blo in trɔmpɛt. Na de a si wan sta we bin dɔn fɔdɔm kɔmɔt na ɛvin kam pan di wɔl; dɛn bin gi am di ki fɔ tek opin di domɔt fɔ go insay di dip ol we nɔ gɛt bɔtɔm. 2Di sta opin di dip ol, na de plɛnti smok kɔmɔt insay de, lɛkɛ se na big big faya i de kɔmɔt; di san in layt nɔ shayn, bikɔs di smok mek di ples dak. 3Lokɔs bɔs kɔmɔt insay di smok kam kɔba di wɔl ɛn dɛn gi dɛn pawa fɔ du bad lɛkɛ kɔktel. 4Dɛn bin tɛl dɛn mek dɛn nɔ pwɛl di gras ɛn di tik dɛn ɔ ɛni tin we de gro; dɛn bin tɛl dɛn fɔ bring waala pan dɛn pipul nɔmɔ we nɔ bin gɛt Gɔd in stamp pan dɛn fɔrɛd. 5Dɛn nɔ bin gri mek dɛn lokɔs ya kil di pipul dɛn so, na sɔfa dɛn bin fɔ jɛs mek dɛn sɔfa bad fɔ fayv mɔnt. Di pen, we dɛn pipul we di lokɔs dɛn bin sting, bin gɛt fɔ bia, bin jɛs tan lɛkɛ wɛn kɔktel sting pɔsin. 6Da fayv mɔnt de, dɛn pipul ya go kɔl day so fɔ kam tek dɛn, bɔt i nɔ go kam; dɛn go want day so, bɔt day go rɔnawe go lɛf dɛn. 7Di lokɔs dɛn bin fiba dɛn ɔs we dɔn rɛdi fɔ go fɛt wa; tin dɛn we fiba gold krawn bin de na dɛn ed, dɛn fes bin fiba pɔsin fes. 8Dɛn ia bin fiba uman ia, dɛn tit bin fiba layɔn tit. 9Dɛn chɛst bin tan lɛkɛ ayɛn klos we dɛn de wɛr na wa, wɛn dɛn de flay di nɔys we dɛn fɛda bin de mek bin fiba lɛkɛ wɛn plɛnti ɔs de drɔ dɛn tin we dɛn kɔl chariɔt we gɛt ayɛn wil, go wa. 10Dɛn tel bin de sting lɛkɛ kɔktel, ɛn na dɛn tel ya dɛn bin de tek mek pipul sɔfa pen fɔ fayv mɔnt. 11Dɛn bin gɛt dɛn edman, dat na da enjɛl we de gyad da ol we nɔ gɛt bɔtɔm. Dɛn Ju pipul de kɔl am Abadɔn, dɛn Grik pipul de kɔl am Apolyɔn (dat min, “Di wan we de kil ɛn pwɛl”.) 12Di fɔs big waala dɔn dɔn; tu mɔ gɛt fɔ kam. 13Dɛn di enjɛl we mek siks blo in trɔmpɛt. Na de a yɛri vɔys de kɔmɔt na di fo kɔna dɛn na di gold tebul we de bifo Gɔd, da tebul we dɛn de mek sak ri fays to Gɔd. 14Di vɔys tɔk to di enjɛl we mek siks we bin ol di trɔmpɛt, i se, “Lus dɛn fo enjɛl we tay klos da riva we dɛn kɔl Yufre tis!” 15Di enjɛl we bin ol di trɔmpɛt lus di fo enjɛl dɛn; Gɔd bin dɔn put dɛn de rɛdi fɔ da sem ia de, da sem mɔnt de, da sem de de, ɛn da sem awa de fɔ mek dɛn kil wan pan ɛvri tri pɔsin. 16Plɛnti plɛnti soja man dɛn we bin de rayd ɔs bin lib de. Sɔmbɔdi tɛl mi ɔmɔs soja man dɛn bin lib de; na bin tu ɔndrɛd milyɔn. 17A si di ɔs dɛn ɛn di pipul dɛn we bin de rayd dɛn, klia wan: dɛn chɛst bin kɔba wit tin lɛkɛ ayɛn klos we pipul de wɛr na wa, di ayɛn bin rɛd lɛkɛ faya, blu lɛkɛ si wata, ɛn yala lɛkɛ sɔlfa. Di ɔs dɛn ed bin fiba layɔn ed, ɛn faya wit smok ɛn ɔt sɔlfa bin de kɔmɔt na dɛn mɔt. 18Dɛn tri bad bad tin ya: di faya, di smok ɛn di ɔt sɔlfa we bin de kɔmɔt na dɛn mɔt bin kil wan pan tri mɔta lman. 19Di pawa we dɛn ɔs ya bin gɛt, bin de na dɛn mɔt ɛn dɛn tel. Dɛn tel bin tan lɛkɛ snek we gɛt plɛnti ed, ɛn na in dɛn bin de tek wund pipul. 20Di ɔda mɔta lman dɛn we dɛn bad bad tin ya nɔ kil, nɔ bin tap fɔ pre to dɛn tin we dɛn bin mek fɔ dɛnsɛf. Dɛn nɔ bin tap fɔ pre to dɛn dɛbul ɛn dɛn tin we dɛn mek wit gold, silva, bras, ston ɔ wud, we nɔ de si, we nɔ de yɛri ɛn we nɔ de waka. 21Dɛn pipul ya nɔ bin sɔri fɔ wetin dɛn bin de du ɛn lɛf fɔ du dɛn, dat na di kil we dɛn bin de kil pipul, di wich we dɛn bin de wich, di fri layf we dɛn bin liv ɛn di tif we dɛn bin de tif.

will be added

X\