KO Ɔ NUNDENƐ 8

1Wɛn di Ship opin di say we mek sɛvin we di pepa we rol bin fasin, ɛvin kwayɛt fɔ af awa. 2Na de a si di sɛvin enjɛl dɛn we tinap bifo Gɔd. Sɔmbɔdi kam gi dɛn sɛvin trɔmpɛt. 3Wan ɔda enjɛl kam tinap klos di tebul we dɛn bin de mek sakri fays to Gɔd, i bin ol wan insɛns pɔt we dɛn mek wit gold ; sɔmbɔdi kam gi am plɛnti insɛns, i put am na di insɛns pɔt, dɛn i jɔyn am to di pre we Gɔd in pipul dɛn de pre; dɔn i put am na di gold tebul we dɛn bin de mek sakri fays to Gɔd, we de bifo di ay chia we Gɔd sidɔm pan. 4We di enjɛl ol di insɛns pɔt bifo Gɔd, wɛn di insɛns de bɔn, di smok bin de go ɔp to Gɔd wit di pre we Gɔd in pipul dɛn bin de pre. 5Dɛn di enjɛl tek di insɛns pɔt, i tek faya na di tebul we dɛn bin de mek sakri fays to Gɔd, put am insay di insɛns pɔt, dɔn i trowe am pan di wɔl. Na de tɛnda bigin krak, laytin bigin kɔt, big big nɔys bigin mek ɛn di grɔn bigin tri mbul. 6Dɛn di sɛvin enjɛl dɛn we bin ol di sɛvin trɔmpɛt dɛn, bin de rɛdi fɔ blo dɛn. 7Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn. 8Dɛn di sɛkɛn enjɛl blo in trɔmpɛt. Na de dɛn tek sɔntin lɛkɛ ay il we faya de bɔn ib am insay di wata. Wɛn di wata sheb tri, wan pan di tri pat tɔn blɔd, 9pan ɔl di tin dɛn we bin gɛt layf na di wata, wan pan tri day; pan ɔl di bot dɛn we bin de na dis wɔl, wan pan tri pwɛl. 10Dɛn di enjɛl we mek tri blo in trɔmpɛt. Na de wan big sta we faya de kɔmɔt pan fɔdɔm kɔmɔt na di klawd pan wan pat pan dɛn riva ɛn wan pat pan dɛn wata we bɔs na grɔn, wɛn pɔsin sheb dɛn tri tri say. 11Di sta nem Bita. Wan pan tri pat na di wata we di sta bin fɔdɔm pan bita wantɛm, ɛn plɛnti pipul we drink am day, bikɔs i bin bita. 12Di enjɛl we mek fo blo in trɔmpɛt. Sɔntin nak wan pan tri pat pan di san we mek da pat de dak; sɔntin nak wan pan di tri pat pan di mun we mek da pat de dak; sɔntin nak wan pat pan di tri say we di sta dɛn de we mek dɛn dak; so dat mek, wan pat pan tri pat na de tɛm dak, ɛn na semwe so i bin bi na nɛt. 13A luk bak, na de a yɛri wan igul we de flay tɔk lawd wan se, “Woyo, woy! Big big waala gɛt fɔ fɔdɔm pan dɛn pipul we de na wɔl wɛn di tri enjɛl dɛn we lɛf, blo di trɔmpɛt dɛn we dɛn fɔ blo!”

will be added

X\