KO Ɔ NUNDENƐ 5

1A si di Pɔsin we sidɔm na di fɔs ay chia we king kin sidɔm, i ol wan big big pepa we rol, na in raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj. 2Dɛn a si wan enjɛl we gɛt pawa, i de tɔk lawd wan se, “Udat fit fɔ pul di tin dɛn we dɛn tek fasin dis pepa ya so dat i kin opin am?” 3Bɔt nɔbɔdi nɔ bin de na ɛvin ɔ dis wɔl ɔ na di ples we dɛn dayman de, we bin fit fɔ opin di pepa we rol, fɔ rid wetin rayt pan am. 4A kray bita wan bikɔs nɔbɔdi nɔ bin fit fɔ opin di pepa fɔ rid wetin rayt pan am. 5Wɛn wan pan di bigman dɛn si se a de kray, i se, “Lɛf fɔ kray; luk, da pɔsin we dɛn kɔl di Layɔn we kɔmɔt na Juda trayb, di wan we na wan pan Devid in gra npi kin-pi kin dɛn, dɔn win ɔlsay. I kin pul di tin dɛn we dɛn tek fasin di pepa sɛvin say ɛn opin am.” 6Dɛn a si wan Ship tinap klos di fɔs ay chia we king kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakri fays am. I bin gɛt sɛvin ɔn dɛn na in ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl. 7A si di Ship waka go tek di pepa we rol kɔmɔt na di Pɔsin we sidɔm pan di ay chia, in raytan. 8As i tek am so, di fo tin dɛn we gɛt layf ɛn di twɛnti-fo bigman dɛn fɔdɔm bifo di Ship. Dɛn ɔl bin gɛt wan wan tin fɔ ple myu zik we dɛn kɔl ap, ɛn gold besin dɛn we insɛns ful insay; dɛn insɛns ya na dɛn pre we Gɔd in pipul dɛn de pre. 9Dɛn bigin sing wan nyu sing we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn langwej, sɔm bin wayt, sɔm bin blak. 10Yu dɔn mek dɛn kam ɔnda Gɔd in rul ɛn bi pipul we de mek sakrifays to wi Gɔd, ɛn na dɛn go kam rul na dis wɔl.” 11As a es mi yay ɔp bak, na de a si enjɛl dɛn we bɔku lɛkɛ anch ɛn a yɛri dɛn vɔys! Dɛn tinap rawnd di fo tin dɛn we gɛt layf ɛn di twɛnti-fo bigman dɛn we bin de rawnd di ay chia we king kin sidɔm. 12Dɛn bigin sing lawd wan se, “Di Ship we dɛn bin kil, fit fɔ mek wi sho se i gɛt pawa, i jɛntri, i gɛt sɛns, i gɛt trɛnk, i gɛt ɔna, i wɔndaful, ɛn wi fɔ prez am.” 13Dɛn a yɛri ɔl dɛn tin we gɛt layf na ɛvin, na dis wɔl ɛn na di wɔl we de ɔnda dis wɔl, ɛn ɔltin we de na wata, dɛn ɔl de sing se, “Wi fɔ prez ɛn rɛspɛkt di wan we sidɔm pan di ay chia we king kin sidɔm pan ɛn di Ship, wi fɔ sho se dɛn wɔndaful ɛn dɛn gɛt pawa we go de sote go!” 14Di fo tin dɛn we gɛt layf ansa se, “Emɛn!” Dɔn di twɛnti-fo bigman dɛn ledɔm flat na grɔn ɛn prez di wan we sidɔm pan di ay chia we king kin sidɔm ɛn di Ship.

will be added

X\