KO Ɔ NUNDENƐ 2

1“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta na in raytan ɛn we de waka midul dɛn sɛvin gold lampo lda, sɛn: 2A no ɔl di tin dɛn we una dɔn du, a no se una dɔn wok tra nga ɛn a no aw una kin bia wɛn waala kam. A no se una nɔ de gri mek bad pipul de wit una; una dɔn luk dɛn pipul we se dɛn na apɔsul ɛn una dɔn si se na lay dɛn de lay. 3Pan ɔl we una dɔn sɔfa plɛnti bikɔs una de fala mi, una de bia ɛn una nɔ lɛf fɔ fala mi. 4Bɔt na wan tin una de du we a nɔ lɛk, una nɔ lɛk mi lɛkɛ aw una bin lɛk mi fɔstɛm; 5so una mɛmba di we we una bin lɛk mi bifo una tap, ɛn una bigin fɔ lɛk mi bak lɛkɛ aw una bin lɛk mi di fɔs tɛm we una bigin waka wit mi. If una nɔ gri fɔ sɔri fɔ wetin una du so ɛn chenj, a go kam mit una, a go pul una lampo lda kɔmɔt di say we i de; 6bɔt na wan tin a prez una fɔ, una nɔ lɛk dɛn bad tin we dɛn pipul, we de fala Niko las, de du, jɛs lɛkɛ aw misɛf nɔ lɛk dɛn. 7“Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap tra nga afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek. 8“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; na in bin day, ɛn i bin rayz frɔm di grev: 9A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala. 10Una nɔ fred ɛni tin we una de kam sɔfa. Una lisin! Setan go tray una fɔ si if una biliv Gɔd fɔ tru, i go put una na jel. Na tɛn de nɔmɔ una go sɔfa da sɔfa de. Una nɔ lɛf fɔ biliv pan mi, if dat min sɛf se una go day fɔ mi sek, a go gi una layf we go de sote go, ɛn una go gɛt ɔna sote go na ɛvin. 11“Ɛnibɔdi we gɛt yes mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Ɛnibɔdi we stil tinap tra nga afta Setan dɔn tray am, di sɛkɛn day nɔ go mit am. 12“Rayt dis mɛsej ya sɛn am go to di enjɛl we de gyad di Kristiɛn dɛn na Pagamɔm: “Na di pɔsin we gɛt da sɔd we shap tu say, na in sɛn dis mɛsej ya go to di Kristiɛn dɛn na Pagamɔm: 13A no usay una de, una de na di say we Setan de rul. A no se wande una nɔ dinay se mi na una Masta. Di tɛm sɛf we dɛn kil Anti pas we bin biliv pan mi wit ɔl in at bikɔs i tɔk opin wan se in biliv pan mi, pan ɔl we dɛn kil am da say de we una de, ɛn we Setan insɛf de, dat nɔ mek una dinay se unasɛf biliv pan mi. 14Bɔt sɔm tin dɛn de we a blem una fɔ, sɔm pan una de du dɛn tin we Belam bin tɛl pipul fɔ du; na Belam bin sho Belak aw fɔ trap di Izrɛl pipul dɛn mek dɛn sin. I bin mek dɛn it it we dɛn bin dɔn gi dɛn tin we mɔta lman mek fɔ pre to ɛn i mek dɛn wan we bin dɔn mared liv fri layf. 15Semwe so, sɔm pan una de du dɛn sem kayn tin we dɛn pipul we de fala Niko las de du. 16So una fɔ lɛf fɔ du dɛn bad tin ya, if nɔ so, i nɔ go te igen, a go kam mit una, a go tek dis sɔd we de na mi mɔt fɛt di pipul dɛn we de du dɛn bad tin ya. 17“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap tra nga afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem. 18“Rayt dis mɛsej ya sɛn am go to di enjɛl we de gyad di Kristiɛn dɛn na Taya tira: “Na di mɛsej dis we Gɔd in Pikin sɛn; in yay dɛn rɛd lɛkɛ faya ɛn in fut dɛn de shayn lɛkɛ bras we dɛn bɔn na faya, dɔn dɛn shayn am: 19A no di tin dɛn we una de du, a no se una lɛk pipul ɛn una nɔ lɛf fɔ biliv pan mi, una de wok wit ɔl una at ɛn una de bia insay di waala we de mit una. Ɛn a no se dɛn tin we una de du naw bɛtɛ pas di tin dɛn we una bin de du fɔstɛm. 20Bɔt na wan tin a de blem una fɔ, una de gri mek da uman we dɛn kɔl Jɛzibɛl sidɔm wit una. I de se na Gɔd in pawa in de tek tɔk di wɔd dɛn we i de tɔk, bɔt na lay i de lay gi mi pipul dɛn; i de mek dɛn ful ɛn dat go mek dɛn wan we dɔn mared, liv fri layf; ɛn mek pipul it it we dɛn bin dɔn gi dɛn tin we mɔta lman de pre to. 21A bin lɛf am lili bit mek i go gɛt chans fɔ lɛf fɔ sin, bɔt i nɔ gri lɛf. 22A go mek i sik ledɔm na bed, ɛn a go mek in ɛn dɛn pipul we liv fri layf sɔfa plɛnti if dɛn nɔ lɛf fɔ du dɛn bad tin we dɛn de du. 23A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du. 24“Bɔt, sɔm pan una de na Taya tira, we nɔ gri fɔ du dɛn bad tin we dɛn pipul we lib de, de lan ɔda pipul fɔ du; una nɔ lan dɛn bad tin we pipul se na Setan in sikrit. A nɔ gɛt ɛni ɔda tin fɔ tɛl una fɔ du, 25pas fɔ se mek una biliv gud dɛn tin we una dɔn lan, te a kam bak. 26Dɛn pipul we stil tinap tra nga afta Setan dɔn tray dɛn, ɛn we stil de du dɛn tin we a tɛl dɛn fɔ du, te a kam bak, a go gi dɛn pawa oba ɔl dɛn neshɔn na dis wɔl, 27jɛs lɛkɛ we mi Papa dɔn gi misɛf pawa oba dɛn. Dɛn go tek lɔng ayɛn lɛkɛ di wan we chif de ol, rul oba dɛn neshɔn ya ɛn dɛn go skata dɛn pispis lɛkɛ kɔntri pɔt we pɔsin ib dɔng. 28Dɛn a go gi dɛn di mɔnin sta. 29“Ɛnibɔdi we gɛt yes, mek i lisin dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.

will be added

X\