GBOO FIIPAI KO A 4

1Mi Kristiɛn brɔda dɛn we a lɛk ɛn we a angri fɔ si, una dɔn mek a gladi ɛn a de bost bɔt una ɔltɛm. Una fɔ tinap tra nga wan ɛn gɛt wanwɔd wit di Masta. 2Yuo dia ɛn Sintiki, a de beg una, duya, una fɔ gɛt wanwɔd lɛkɛ sista. Wetin du? Bikɔs una gɛt wanwɔd wit di Masta. 3Ɛn yu, we na mi tru wokmet, a want mek yu ɛp dɛn tu uman ya, bikɔs dɛn dɔn wok an to an wit mi tra nga wan fɔ prɛd di Gud Nyus ɔlɔbɔt. Dɛn wok wit mi lɛkɛ aw Klɛmɛnt ɛn sɔm ɔda pipul dɛn ɛp mi pan di wok, ɛn Gɔd dɔn rayt dɛn ɔl nem na di buk we dɛn pipul we gɛt layf sote go dɛn nem de. 4Una fɔ gladi ɔltɛm bikɔs una gɛt wanwɔd wit di Masta. A de tɛl una igen se una fɔ gladi! 5Mek ɔlman si se una ebul bia wit pipul. Una mɛmba se, i nɔ go te igen, di Masta go kam bak. 6Una nɔ fɔ mek ɛni tin wɔri una, bɔt una fɔ de pre bɔt ɔltin. Wɛn una de pre, una fɔ aks Gɔd fɔ ɛni tin we una want ɛn una fɔ tɛl am tɛnki. 7Gɔd go gi una kol at, we mɔta lman nɔ ebul ɔnda stand, we nɔ go mek ɛni tin wɔri una, bikɔs una gɛt wanwɔd wit Jizɔs Krays. 8Mi Kristiɛn brɔda dɛn, na di las tin dis we a want tɛl una na dis lɛta: dɛn tin we tru, dɛn tin we rayt na Gɔd yay, dɛn tin we gud we nɔ de mek pipul sin, dɛn tin we de mek pɔsin lɛk in kɔmpin mɔta lman, ɛn dɛn tin we ɔlman si se gud; na dɛn nɔmɔ una fɔ de mɛmba ɛn ɔl dɛn tin we pɔsin kin prez Gɔd fɔ. 9Una fɔ de du dɛn tin we a dɔn lan una. Una fɔ de du dɛn tin we a bin de tɔk se fɔ du ɛn dɛn tin we a bin de du. Ɛn Gɔd we de gi kol at go de wit una. 10Bikɔs a de waka wit di Masta, a gladi bad. I bin dɔn tek lɔng we una nɔ bin de ɛp mi igen, bɔt naw una dɔn gɛt chans fɔ bigin ɛp mi bak. A no se una nɔ bin jɛs tap fɔ ɛp mi nɔmɔ, bɔt na chans una nɔ bin gɛt fɔ stil de ɛp mi. 11A nɔ want mek una fil se a de grɔmbul bikɔs a want sɔntin bad wan, nɔto so i bi bikɔs a dɔn lan fɔ sati sfay wit wetin a gɛt. 12Tɛm de we mi an kin dray, tɛm de we ɔltin kin oba fɔ mi. Bɔt a dɔn no wan sikrit, dat na fɔ sati sfay ɔltɛm, wɛn a gɛt plɛnti tin fɔ it ɔ wɛn a nɔ gɛt natin fɔ it, wɛn a gɛt mɔni ɔ wɛn a nɔ gɛt. 13A ebul du ɔltin bikɔs Krays de mek a ebul. 14Na gud una bin de du we una bin de ɛp mi wɛn a bin de pan trɔbul. 15Una dɛn Kristiɛn dɛn na Fili pay, una no se frɔm di tɛm we a kɔmɔt Masi do nya, dɛn tɛm we a bin jɛs bigin tɛl pipul di Gud Nyus, nɔ ɔda chɔch nɔ gi mi natin pas una. 16Wɛn a bin de na Tɛsa lona yka sɛf, plɛnti tɛm we a kin want sɔntin bad bad, na una kin sɛn am fɔ mi. 17Nɔto fɔ se a jɛs want una fɔ gi mi tin dɛn, di tin we go mek a gladi mɔ na we una go gɛt di pe fɔ di gud we una de du. 18Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpa fro daytɔs fɔ kam gi mi di tin dɛn we a bin want bad wan, ɛn wetin una gi mi mek a sati sfay, i jɛs tan lɛkɛ sakri fays we una gi Gɔd we Gɔd gri fɔ ɛn we i gladi fɔ. 19Mi Gɔd we a de pre to, go gi una ɔl wetin una fɔ gɛt bikɔs na in gɛt ɔltin, ɛn na Jizɔs Krays, Gɔd go mek gi una ɔl wetin una fɔ gɛt. 20Wi fɔ prez ɛn ɔna wi Gɔd we na wi Papa sote go! Emɛn. 21A tɛl Gɔd in pipul dɛn we gɛt wanwɔd wit Jizɔs Krays, adu. Ɔl di Kristiɛn brɔda dɛn we de wit mi, de tɛl una adu. 22Ɔl dɛn ɔda Kristiɛn dɛn naya, pati kla dɛn pipul we de wok na di big Roman King in os, tɛl una adu. 23Mek Masta Jizɔs Krays sho una ɔl aw i gud ɔltɛm.

will be added

X\