MATIU 22

1Wɛn Jizɔs de tɔk to di pipul dɛn, i pul wan pare bul fɔ dɛn, i se, 2“Gɔd in rul tan lɛkɛ we wan king mek mared pati fɔ in bɔy pikin. 3I sɛn in bɔy dɛn fɔ go kɔl di pipul dɛn we i bin dɔn kɔl fɔ kam na di pati, bɔt dɛn nɔ gri kam. 4So i sɛn sɔm ɔda bɔy dɛn to di pipul dɛn. I se, ‘Una tɛl dɛn se, a dɔn rɛdi ɔltin fɔ di pati; dɛn dɔn kil ɛn bucha dɛn man kaw ɛn dɛn fat kaw, ɔltin dɔn rɛdi. Una kam na di mared pati!’ 5Bɔt di pipul dɛn we dɛn kɔl fɔ kam na di pati nɔ tek am siryɔs; sɔm go na dɛn fam, sɔm ɔda wan dɛn go na dɛn shap. 6Sɔm kech di bɔy dɛn we di king sɛn, disgres dɛn ɛn kil dɛn. 7Di king vɛks bad wan, so i sɛn in soja man dɛn fɔ go kil di pipul dɛn we kil in bɔy dɛn ɛn bɔn dɛn tɔng. 8I kɔl in ɔda bɔy dɛn ɛn tɛl dɛn se, ‘Di mared pati dɔn rɛdi, bɔt di pipul dɛn we a bin kɔl fɔ kam na di pati nɔ fit fɔ kam de. 9So una go na dɛn big trit ɛn kɔl ɔl dɛn pipul we una ebul gɛt fɔ kam na di pati.’ 10So di bɔy dɛn go na trit ɛn gɛda ɔl di pipul dɛn we dɛn ebul gɛt fɔ kam na di pati. Dɛn kɔl gud pipul ɛn bad pipul. Di ples we dɛn mek di pati ful pim wit di pipul dɛn we dɛn kɔl fɔ kam it. 11“Di king go na di ples we dɛn mek di pati, i si wan man de we nɔ wɛr di klos we i fɔ wɛr na di mared pati. 12Di king aks di man se, ‘Padi, aw yu manej kam insay ya ɛn yu nɔ wɛr di klos we yu fɔ wɛr na mared pati?’ Bɔt di man nɔ tɔk natin. 13Di king tɛl in bɔy dɛn se, ‘Una tay dis man in an ɛn fut, ɛn trowe am na da dak ples we i go kray bita wan ɛn bɛt in tɔng!’ ” 14Jizɔs se, “Gɔd kɔl plɛnti pipul fɔ kam ɔnda in rul, bɔt plɛnti nɔ de kam ɔnda in rul.” 15Di Faresi dɛn go ɛng ed fɔ kam aks Jizɔs kwɛshɔn, so dat dɛn go kech am pan wetin i tɔk. 16Dɛn sɛn sɔm pan dɛn yon lanin bɔy dɛn, ɛn sɔm pan di Ju pipul dɛn we bin jɔyn Ɛrɔd in pati, fɔ go aks Jizɔs se, “Ticha, wi no se yu de tɔk tru ɛn yu de lan pipul wetin Gɔd want mɔta lman fɔ du, fɔ tru, ɛn yu nɔ bisin bɔt wetin dɛn de tink, yu nɔ kia if pɔsin po ɔ jɛntri. 17Wɛl, tɛl wi wetin yu tink, i rayt fɔ lɛ wi pe taks to di king na Rom ɔ i nɔ rayt?” 18Jizɔs bin no di bad tin we dɛn plan, so i se, “Una na ipo krit, wetin mek una de tray fɔ tek wetin a tɔk kech mi? 19Una sho mi di Roman kɔpɔ we una de tek pe taks.” Dɛn go bring di Roman kɔpɔ kam. 20I aks dɛn se, “Udat in pikchɔ ɛn nem de pan dis kɔpɔ?” 21Dɛn se, “Na di king na Rom in yon.” Na in Jizɔs se, “Una gi di king na Rom wetin blant am, ɛn gi Gɔd wetin blant Gɔd.” 22Wɛn dɛn yɛri wetin Jizɔs tɔk, dɛn wɔnda, dɛn go. 23Da sem de de, sɔm Sadyusi dɛn kam to Jizɔs. Di Sadyusi dɛn na pipul we se pipul we dɔn day nɔ go rayz frɔm dɛn grev. 24Dɛn se, “Ticha, Mozis bin se, ‘If man nɔ bɔn pikin wit in wɛf bifo i day, di man in brɔda fɔ mared di uman, so dat dɛn go bɔn pikin fɔ di brɔda we dɔn day.’ 25Sɛvin brɔda bin de na wɔl; di fɔs wan mared, i day, bɔt in wɛf nɔ bɔn pikin. So i lɛf in wɛf gi di brɔda we i kɔl biɛn. 26Di sem tin bi to di sɛkɛn ɛn di tɔd brɔda dɛn, ɔl di sɛvin brɔda dɛn mared di wan uman bifo dɛn day. 27Na di uman las day. 28Wɛl, di tɛm we dɛn pipul we dɔn day go rayz frɔm dɛn grev, uswan pan dɛn sɛvin brɔda de go gɛt di uman fɔ in wɛf, we i bi se dɛn ɔl sɛvin bin dɔn mared am?” 29Jizɔs ansa dɛn se, “Una dɔn mistek bad, bikɔs una nɔ no wetin rayt na Gɔd in Buk, ɛn una nɔ no Gɔd in pawa. 30Di tɛm we dɛn pipul we dɔn day go rayz frɔm dɛn grev, dɛn go tan lɛkɛ di enjɛl dɛn na ɛvin, dɛn nɔ go de mared. 31Una nɔ rid yet wetin Gɔd tɔk na in Buk bɔt pipul we go rayz frɔm dɛn grev? Gɔd se, 32‘Mi na Gɔd fɔ Ebraam, Ayzik ɛn Jekɔb.’ If Gɔd na Gɔd fɔ wan pɔsin dat min se da pɔsin de nɔto pɔsin we day, bɔt na pɔsin we gɛt layf.” 33Di tin dɛn we Jizɔs bin de lan pipul mek dɛn wɔnda. 34Wɛn di Faresi dɛn yɛri se Jizɔs mek di Sadyusi dɛn nɔ ebul tɔk natin, sɔm pan dɛn mit, dɔn dɛn go to Jizɔs. 35Wan pan dɛn we na Ju Lɔ ticha, aks Jizɔs kwɛshɔn fɔ kech am. 36I aks am, se “Ticha, us lɔ pas ɔl di ɔda lɔ dɛn?” 37Jizɔs se, “ ‘Yu fɔ lɛk di Masta we na yu Gɔd wit ɔl yu at, wit ɔl yu layf ɛn wit ɔl yu maynd.’ 38Dis na di lɔ we pas ɔl di ɔda wan dɛn. 39Di ɔda lɔ we impɔtant na in dis: ‘Yu fɔ lɛk yu kɔmpin mɔta lman lɛkɛ aw yu lɛk yusɛf.’ 40Ɔl di lɔ dɛn we Gɔd gi Mozis ɛn ɔl wetin Gɔd mek di prɔfɛt dɛn lan pipul, de insay dɛn tu lɔ ya.” 41Wɛn di Faresi dɛn gɛda, Jizɔs aks dɛn wan kwɛshɔn, 42i se, “Wetin una tink bɔt di Mɛsaya? Udat gra npi kin-pi kin in bi?” Dɛn se, “Na Devid in gra npi kin-pi kin.” 43Jizɔs se, “Wɛl, wetin bin mek Gɔd in Spirit mek Devid kɔl am ‘Masta?’ Devid se, 44‘Gɔd tɛl mi Masta se: Sidɔm na mi raytan sote a mek yu mas dɛn pipul we nɔ lɛk yu.’ 45If Devid kɔl am ‘Masta,’ aw di Mɛsaya go bi Devid in gra npi kin-pi kin?” 46Nɔbɔdi nɔ ebul ansa Jizɔs ɛn frɔm da tɛm de nɔbɔdi nɔ gɛt maynd fɔ aks Jizɔs ɛni kwɛshɔn.

will be added

X\