MATIU 2

1Jizɔs bin bɔn na wan tɔng we nem Bɛtliɛm we de na Judia. Ɛrɔd na bin king da tɛm de. I nɔ tu te afta i bɔn, sɔm sɛnsman dɛn we no bɔt sta, we kɔmɔt na di ist, kam na Jerusɛlɛm. 2Dɛn bigin aks pipul se, “Usay da pikin we bɔn fɔ kam bi dɛn Ju pipul dɛn king, de? Wi dɔn si in sta na di ist ɛn wi kam fɔ pre to am.” 3Wɛn King Ɛrɔd yɛri dat, in at pwɛl, ɛn na semwe so ɔlman at pwɛl na Jerusɛlɛm. 4I kɔl di bigman we de mek sakri fays fɔ pipul sin ɛn ɔl di Ju Lɔ ticha dɛn, ɛn aks dɛn se, “Usay di Mɛsaya go bɔn?” 5Dɛn ansa King Ɛrɔd se, “Na Bɛtliɛm, da tɔng we de na Judia, i go bɔn. Bikɔs di prɔfɛt bin rayt se, Gɔd se, 6‘Bɛtliɛm we de na Judia, yu impɔtant lɛkɛ dɛn ɔda big tɔng dɛn na Judia; wan pan yu pipul dɛn go bi rula fɔ Izrɛl, mi pipul dɛn.’ ” 7So King Ɛrɔd sɛn kɔl di sɛnsman dɛn we kɔmɔt na di ist na wan sikrit mitin, ɛn aks dɛn fɔ tɛl am di tɛm we dɛn bin si di sta. So dɛn tɛl am di tɛm. 8Wɛn dɛn dɔn tɛl am, i sɛn dɛn go na Bɛtliɛm, i tɛl dɛn se, “Una go luk gud fashin fɔ di pikin; wɛn una si am una mɔs tɔn bak kam tɛl mi, so dat misɛf go go pre to am.” 9Wɛn di sɛnsman dɛn lɛf Ɛrɔd de go Bɛtliɛm, dɛn si di sem sta we dɛn bin dɔn si na di ist. Dɛn gladi bad wɛn dɛn si am! Di sta de bifo dɛn sote i rich usay di pikin bin de, na in di sta tap fɔ muf. 11Di sɛnsman dɛn go insay di os, ɛn wɛn dɛn si di pikin ɛn in mama, Meri, dɛn nil dɔng bifo di pikin ɛn pre to am. Dɛn bin kɛr gold, fra nkinsɛns ɛn ma go gi am. 12Gɔd wɔn di sɛnsman dɛn na drim mek dɛn nɔ tɔn bak go to King Ɛrɔd, so dɛn pas ɔda say go bak na di ples we dɛn bin kɔmɔt. 13Afta di sɛnsman dɛn dɔn go, Gɔd sɛn wan enjɛl na drim fɔ wɔn Josɛf. Di enjɛl se, “King Ɛrɔd de fɛn di pikin fɔ kil am, so grap tek di pikin ɛn in mama, rɔn go Ijipt wantɛm, ɛn lib de sote a tɛl yu fɔ kɔmɔt de.” 14Josɛf grap, i tek di pikin ɛn in mama; dɛn kɔmɔt na di tɔng na nɛt go Ijipt. 15I tap de sote King Ɛrɔd day. Ɔl dis bi fɔ mek wetin Gɔd bin dɔn tɛl di prɔfɛt fɔ tɔk, kam bi tru. I bin se, “A kɔl mi Bɔy Pikin fɔ kɔmɔt na Ijipt.” 16King Ɛrɔd bin vɛks bad wan wɛn i no se di tre nja dɛn we bin kɔmɔt na di ist mek am ful. I pas lɔ se, dɛn fɔ kil ɔl dɛn bɔy pikin we de na Bɛtliɛm ɛn di tɔng dɛn we de rawnd Bɛtliɛm. I se dɛn fɔ kil frɔm di wan dɛn we bin dɔn ol tu ia kam dɔng to di wan dɛn we bin jɛs bɔn. Di king du dat fɔseka di wɔd we di tre nja dɛn we bin kɔmɔt na di ist tɛl am bɔt Jizɔs, di tɛm we dɛn bin si di sta. 17Dis mek wetin di prɔfɛt we nem Jɛri maya bin tɔk kam bi tru. I bin se, 18“Dɛn yɛri kray na Rama, bita bita kray. Rechɛl de kray fɔ in pikin dɛn; i nɔ gri sɛt mɔt wɛn pipul de koks am, bikɔs ɔl in pikin dɛn dɔn day.” 19Afta King Ɛrɔd day, Gɔd sɛn enjɛl na drim to Josɛf wɛn i bin de na Ijipt. 20Di enjɛl tɛl Josɛf se, “Grap, tek di pikin ɛn in mama, ɛn tɔn bak go Izrɛl, bikɔs dɛn wan we bin de tray fɔ kil di pikin dɔn day.” 21So Josɛf grap, i tek di pikin ɛn di pikin in mama, ɛn dɛn tɔn bak go Izrɛl. 22Bɔt wɛn Josɛf yɛri se na Akileɔs tek in papa Ɛrɔd ples fɔ rul na Judia, i fred fɔ go de. Gɔd mek enjɛl tɛl Josɛf na drim wetin i fɔ du, so Josɛf go na Galili, 23i go tap na wan tɔng we nem Nazarɛt. So wetin di prɔfɛt dɛn bin dɔn tɔk bɔt Jizɔs kam bi tru. Dɛn bin se, “Dɛn go kɔl am pɔsin we kɔmɔt Nazarɛt.”

will be added

X\