MATIU 19

1Wɛn Jizɔs dɔn tɔk dɛn tin de, i kɔmɔt Galili go Judia, dɛn i krɔs Riva Jɔdan. 2Plɛnti pipul dɛn fala am go de, ɛn i mɛn ɔl di sik pipul dɛn. 3Sɔm Faresi dɛn kam fɔ tray Jizɔs, dɛn aks am se, “Di Ju Lɔ se ɛni man kin tɛl in wɛf se in nɔ want am fɔ bi in wɛf igen?” 4Jizɔs ansa di Faresi dɛn, i se, “Una nɔ rid da say na Gɔd in Buk we se, wɛn Gɔd mek di wɔl, i mek tu kayn pipul, man ɛn uman? 5Ɛn Gɔd se, ‘Na dat mek man go lɛf in papa ɛn mama, so dat in ɛn in wɛf go de wan ples, ɛn dɛn tu go de lɛkɛ se dɛn na wan pɔsin.’ 6So dɛn nɔto tu pipul igen, dɛn tu dɔn de lɛkɛ wan pɔsin. Mek nɔbɔdi nɔ pat man ɛn uman we Gɔd dɔn jɔyn lɛkɛ wan pɔsin.” 7Di Faresi dɛn aks am se, “Wɛl, wetin mek Mozis bin gi wi lɔ we alaw man fɔ gi in wɛf pepa we i want pat wit am?” 8Jizɔs ansa dɛn se, “Na bikɔs una at tra nga, mek Mozis bin gi una da lɔ de we se man kin pat wit in wɛf, bɔt nɔto so i bin de bi fɔs fɔs tɛm wɛn Gɔd jɛs mek man ɛn uman. 9A de tɛl una se: ɛni wan we pat wit in wɛf fɔ ɛni rizin pas we i nɔ tru to am, dɔn i mared ɔda uman, i dɔn brok di lɔ we tɔk bɔt mared.” 10Jizɔs in lanin bɔy dɛn se, “Wɛl, if na so mared tan, i go bɛtɛ nɔ fɔ mared.” 11Bɔt Jizɔs ansa dɛn se, “Nɔto ɔlman kin du wetin a lan una so, na di wan dɛn nɔmɔ we Gɔd dɔn mak kin du am. 12Difrɛn difrɛn rizin de we mek sɔm man nɔ ebul mared: sɔm man bɔn so; ɛn sɔm na dɛn kɔmpin mɔta lman mek dɛn so; ɛn sɔm ɔda man dɛn nɔ want mared bikɔs dɛn want gi Gɔd ɔl dɛn layf fɔ du in wok. So udat ebul tek wetin a jɛs tɔk so, fɔ du am.” 13Sɔm pipul kɛr pikin dɛn to Jizɔs, so dat i go put in an pan dɛn ɛn pre fɔ dɛn. Bɔt di lanin bɔy dɛn tɔk pan di pipul dɛn. 14Jizɔs se, “Una lɛf di pikin dɛn fɔ kam to mi; una nɔ tap dɛn, na pipul lɛkɛ dɛn pikin ya go kam ɔnda Gɔd in rul.” 15Jizɔs put in an pan dɛn ed, i blɛs dɛn, dɔn i lɛf dɛn go. 16Wans ɔf tɛm, wan man kam mit Jizɔs ɛn aks am se, “Ticha, wetin na di gud tin we a go du we go mek a gɛt layf we go de sote go?” 17Jizɔs aks am se, “Wetin du yu aks mi bɔt ɛni tin we gud? Na Gɔd wan gren gud, nɔbɔdi nɔ de igen we gud. Yu fɔ fala dɛn lɔ we Mozis bin gi, if yu want layf we go de sote go.” 18Di man aks Jizɔs se, “Uswan pan di lɔ dɛn a fɔ kip?” Jizɔs se, “Yu nɔ fɔ kil yu kɔmpin mɔta lman; mare dman nɔ fɔ lɛf in wɛf go kip ɔda uman ɛn mare du man nɔ fɔ lɛf in man go kip ɔda man; yu nɔ fɔ tif; yu nɔ fɔ lay pan yu kɔmpin; 19yu fɔ rɛspɛkt yu papa ɛn mama; yu fɔ lɛk yu kɔmpin lɛkɛ aw yu lɛk yusɛf.” 20Di yɔngman ansa Jizɔs se, “A dɔn kip ɔl dɛn lɔ ya. Wetin lɛf we a fɔ du?” 21Jizɔs se, “If yu want bi pɔsin we fit na Gɔd yay fɔ gɛt layf we go de sote go, yu fɔ sɛl ɔl wetin yu gɛt ɛn gi dɛn pipul we nɔ gɛt natin, di mɔni; if yu du so, yu go jɛntri na ɛvin. Wɛn yu dɔn du dat dɔn, kam bak ɛn bi mi lanin bɔy.” 22Wɛn di yɔngman yɛri wetin Jizɔs tɔk, in at pwɛl wɛn i lɛf Jizɔs de go, bikɔs i bin jɛntri bad. 23Wɛn i dɔn go, Jizɔs bigin tɔk to in lanin bɔy dɛn, i se, “A de tɛl una fɔ tru se, i go tra nga bad fɔ mek dɛn jɛntri pipul kam ɔnda Gɔd in rul. 24A de tɛl una igen se, i tra nga fɔ mek da big bif we nem kamɛl pas insay nidul yay, bɔt i tra nga pas dat fɔ mek jɛntri pɔsin kam ɔnda Gɔd in rul.” 25Wɛn di lanin bɔy dɛn yɛri wetin Jizɔs tɔk, dɛn wɔnda bad wan; dɛn aks am se, “If na so i bi, udat go sev?” 26Jizɔs luk dɛn gud ɛn se, “Mɔta lman nɔ ebul du dat, bɔt Gɔd ebul du ɔltin.” 27Na in Pita tɔk se, “Luk, wi dɔn lɛf ɔltin fɔ fala yu. Wetin Gɔd go gi wi?” 28Jizɔs se, “A de tɛl una se, nɛks wɔl wɛn Mɔta lman Pikin go sidɔm na in chia fɔ rul di wɔl wit in wɔnda ful pawa na ɛvin, una twɛlv we dɔn de wit mi, go sidɔm pan twɛlv chia fɔ rul di twɛlv neshɔn dɛn we de na Izrɛl. 29Ɛnibɔdi we lɛf os, ɔ brɔda, ɔ sista, ɔ papa, ɔ mama, ɔ pikin dɛn, ɔ prɔpati fɔ bi mi lanin bɔy, Gɔd go mek i gɛt bɔku pas wetin i lɛf ɛn i go gi am layf we go de sote go. 30Bɔt plɛnti pipul we de bifo dɛn kɔmpin naw, go de biɛn; ɛn plɛnti pipul we de biɛn naw, go go bifo.

will be added

X\