MATIU 18

1I nɔ tu te, di lanin bɔy dɛn kam aks Jizɔs se, “Udat impɔtant pas ɔl in kɔmpin dɛn pan ɔl dɛn wan we Gɔd de rul?” 2So Jizɔs kɔl wan pikin, i mek di pikin tinap bifo dɛn; 3dɛn Jizɔs se, “A de tɛl una se, pas una chenj una we ɛn tan lɛkɛ lili pikin, Gɔd nɔ go rul una. 4Di pɔsin we go put in yay dɔng ɛn tan lɛkɛ dis pikin, na da pɔsin de go bi impɔtant pas ɔl di wan dɛn we Gɔd de rul. 5Ɛnibɔdi we gladi fɔ tek pikin lɛkɛ dis, fɔseka mi, na mi di pɔsin gladi fɔ tek. 6“Ɛnibɔdi we mek wan pan dɛn lili pikin lɛkɛ dis we biliv pan mi, sin, i go bɛtɛ fɔ da pɔsin de if dɛn ɛng big ston na in nɛk, ɛn ib am na dip wata. 7I bad fɔ ɔlman bikɔs tin dɛn de na di wɔl we de mek pipul dɛn nɔ biliv pan mi. Dɛn tin ya mɔs bi, bɔt i go bad fɔ di pɔsin we mek dɛn bi. 8“If yu an ɔ fut mek yu sin, kɔt am kɔmɔt ɛn trowe am. I go bɛtɛ if yu gɛt wan fut ɔ wan an ɛn gɛt layf we go de sote go na ɛvin, pas if yu gɛt tu fut ɛn tu an ɛn go na ɛl faya we nɔ de ɔt. 9Ɛn if yu yay mek yu sin, pul am kɔmɔt ɛn trowe am. I go bɛtɛ fɔ lɛ yu gɛt wan yay ɛn gɛt layf we go de sote go na ɛvin, pas if yu gɛt tu yay ɛn go na ɛl faya. 10“Una fɔ mek shɔ se una nɔ luk se ɛni wan pan dɛn lili wan ya nɔ bɛtɛ. A de tɛl una se, dɛn lili wan ya, dɛn yon enjɛl dɛn we de na ɛvin de luk mi Papa in fes ɔltɛm! [ 11Mɔta lman Pikin kam fɔ sev dɛn pipul we dɔn lɔs dɛn we.] 12“Una tɛl mi, if wan man gɛt wan ɔndrɛd ship, ɛn wan pan di ship dɛn lɔs, di man nɔ go lɛf di naynti-nayn ship na di il, ɛn tɔn bak go luk fɔ di wan ship we lɔs? 13We di man fɛn di ship, a de tɛl una se, i go gladi fɔ am pas aw i gladi fɔ di naynti-nayn ship we nɔ lɔs wande. 14Semwe so, una Papa we de na ɛvin nɔ want mek ɛni wan pan dɛn lili pikin we biliv pan Jizɔs, lɔs. 15“If yu kɔmpin Kristiɛn du yu bad, yu fɔ go mit am mek una tu tɔk di wɔd. If i gri se in du bad, da tɛm de una tu dɔn bi brɔda bak. 16Bɔt if i nɔ gri se in du bad, kɛr wan ɔ tu Kristiɛn dɛn go mit am, so dat tu ɔ tri witnɛs go de fɔ no wetin yu tɛl am. 17If di pɔsin nɔ tek wetin di tu ɔ tri witnɛs tɛl am, yu fɔ tɔk wetin di pɔsin du yu na di chɔch mek ɔlman yɛri. Bɔt if di pɔsin nɔ gri tek wetin di chɔch pipul dɛn tɛl am, da tɛm de yu fɔ tek am lɛkɛ pɔsin we nɔ biliv pan Gɔd ɛn pɔsin we nɔ gri fɔ lɛf di bad we i de du. 18“A de tɛl una se, ɛni tin we una nɔ gri fɔ na dis wɔl, Gɔd nɔ go gri fɔ am na ɛvin, bɔt ɛni tin we una gri fɔ na dis wɔl, Gɔd go gri fɔ am na ɛvin. 19“A de tɛl una igen se, if tu pan una gri fɔ aks Gɔd fɔ du sɔntin na dis wɔl, mi Papa we de na ɛvin go du di tin fɔ una. 20Bikɔs ɛni say we tu ɔ tri Kristiɛn gɛda fɔ pre to mi ɛn ɔna mi, a go de wit dɛn.” 21Afta dat, Pita kam mit Jizɔs ɛn aks am se, “Masta, ɔmɔs tɛm a fɔ padin mi kɔmpin Kristiɛn we de du mi bad ɔltɛm? A fɔ padin am te i rich sɛvin tɛm?” 22Jizɔs se, “Nɔ, o, nɔto sɛvin tɛm nɔmɔ, yu fɔ padin am pas sɛvi nti-sɛvin tɛm sɛf. 23Bikɔs Gɔd in rul tan lɛkɛ dis: Wan king bin de lɔntɛm; i bin gɛt plɛnti ɔfisa dɛn we bin gɛt fɔ pe am. Di king tɛl dɛn se in wan luk di buk we i bin de rayt ɔmɔs dɛn gɛt fɔ pe am. 24Wɛn di king bigin luk di buk, na in, wan in ɔfisa kɛr in kɔmpin ɔfisa we bin gɛt fɔ pe di king mɔni we rich wan milyɔn, go bifo am. 25Di ɔfisa nɔ bin gɛt kɔpɔ fɔ pe di dɛt, so di king se mek dɛn sɛl di ɔfisa wit in wɛf ɛn in pikin dɛn lɛkɛ slev, ɛn sɛl ɔl di prɔpati we i gɛt, fɔ mek i go pe di dɛt. 26So di ɔfisa nil dɔng ɛn beg di king. I se, ‘Masta, duya, bia wit mi, a go pe yu ɔltin.’ 27Di king sɔri fɔ am, i lɛf di mɔni gi am ɛn mek i go fri. 28“Bɔt wɛn di ɔfisa we di king sɔri fɔ dɔn go, i mit wan in kɔmpin ɔfisa we bin gɛt fɔ pe am kɔpɔ we nɔ plɛnti. I skɔla am na in trot ɛn se, ‘Pe mi ɔl wetin yu gɛt fɔ pe mi!’ 29In kɔmpin ɔfisa nil dɔng ɛn beg am, i se, ‘Duya, bia wit mi, a go pe yu.’ 30Bɔt di ɔfisa nɔ gri tek beg, i mek dɛn ol in kɔmpin ɛn put am na jel sote i pe ɔl di dɛt. 31Wɛn in kɔmpin ɔfisa dɛn yɛri wetin bi, dɛn at pwɛl, so dɛn go tɛl di king ɔl wetin bi. 32So di king mek dɛn kɔl di ɔfisa we bin gɛt fɔ pe am, i se, ‘Yu wikɛd ɔfisa! A nɔ bin mek yu pe di mɔni we yu bin gɛt fɔ pe mi, bikɔs yu beg mi. 33Yusɛf bin fɔ sɔri fɔ yu kɔmpin we bin gɛt fɔ pe yu, lɛkɛ aw a bin sɔri fɔ yu.’ 34Di king bin vɛks bad, so i mek dɛn sɛn di ɔfisa go jel sote i pe ɔl di dɛt.” 35So Jizɔs se, “Na so Gɔd we na mi Papa we de na ɛvin go du ɛni wan pan una, if una nɔ padin una kɔmpin we du una bad, wit ɔl una at.”

will be added

X\