MATIU 17

1Afta siks de pas, Jizɔs tek Pita, Jems ɛn in brɔda Jɔn go na wan ay il, na dɛn nɔmɔ bin lib de. 2Aw dɛn de luk, na in Jizɔs chenj na dɛn yay, in fes bigin shayn lɛkɛ di san, ɛn in klos bin wayt lɛkɛ brayt layt. 3Di tri lanin bɔy dɛn si Mozis ɛn Ila yja de tɔk wit Jizɔs. 4So Pita bigin tɔk to Jizɔs, i se, “Masta, i gud we wi de naya! If yu lɛk, a go bil tri bafa naya, wan fɔ yu, wan fɔ Mozis ɛn wan fɔ Ilayja.” 5Wɛn Pita dɔn tɔk dɔn, wan klawd we bin de shayn, kɔba dɛn, dɔn dɛn yɛri wan vɔys de tɔk na di klawd se, “Dis na mi Pikin we a lɛk bad, a gladi fɔ am, una lisin wetin i de tɛl una.” 6Wɛn di lanin bɔy dɛn yɛri di vɔys, dɛn fred sote dɛn fɔdɔm wit dɛn fes na grɔn. 7Jizɔs kam tɔch dɛn, ɛn se, “Una grap, una nɔ fred!” 8So dɛn luk ɔp, bɔt dɛn nɔ si nɔbɔdi igen, pas Jizɔs. 9Wɛn dɛn de kam dɔng di il, Jizɔs se, “Una nɔ tɛl ɛnibɔdi bɔt wetin una si jisnɔ, una wet sote di tɛm we Mɔta lman Pikin go rayz frɔm di grev.” 10Di lanin bɔy dɛn aks Jizɔs se, “Wetin mek di Ju Lɔ ticha dɛn se Ila yja gɛt fɔ tɔn bak kam na wɔl bifo dɛn tin ya go bi?” 11Jizɔs ansa se, “Dɛn rayt na Gɔd in Buk se Ila yja go kam bak fɔ rɛdi ɔltin. 12Bɔt a de tɛl una fɔ tru se, Ila yja bin dɔn kam, bɔt pipul dɛn nɔ bin no am, dɛn bin du am wetin dɛn lɛk. Semwe so dɛn go mek Mɔta lman Pikin sɔfa.” 13Na da tɛm de di lanin bɔy dɛn no se Jizɔs bin de tɔk bɔt Jɔn we bin de baptayz pipul. 14Wɛn Jizɔs ɛn in lanin bɔy dɛn kam mit di pipul dɛn wan man kam nil dɔng bifo Jizɔs ɛn se, 15“Masta, duya, sɔri fɔ mi pikin we gɛt fiks, i so bad pan am dat i kin de fɔdɔm na faya ɛn wata. 16A bring di pikin kam to yu lanin bɔy dɛn, bɔt dɛn nɔ ebul mɛn am.” 17Jizɔs se, “Una dɛn tide pipul ya nɔ biliv mi ɛn una tra nga yes. Aw lɔng a go de wit una? Aw lɔng a fɔ bia wit una? Bring di pikin kam to mi.” 18Jizɔs tɔk pan di dɛbul we bin de tɔmɛnt di bɔbɔ, so di dɛbul lɛf di bɔbɔ. Da sem tɛm de di bɔbɔ wɛl. 19Afta dat, di lanin bɔy dɛn go to Jizɔs na kɔna ɛn aks am se, “Wetin du wi nɔ ebul drɛb di dɛbul?” 20Jizɔs ansa dɛn se, “Na we una nɔ biliv Gɔd gud wan. A de tɛl una se, if una biliv, ilɛk di biliv we una biliv smɔl lɛkɛ mɔstad sid, una kin tɛl dis mawnten se, ‘Kɔmɔt naya, go yanda!’ ɛn i go bi. Ɛn natin nɔ de we una nɔ go ebul du! [ 21Bɔt una nɔ go ebul du dis kayn wok if una nɔ fast ɛn pre.]” 22Wɛn ɔl di lanin bɔy dɛn mit na Galili, Jizɔs tɛl dɛn se, “I dɔn de rich tɛm we dɛn go and ova Mɔta lman Pikin gi pipul. 23Di pipul dɛn go kil am, dɔn i go rayz frɔm di grev di de we mek tri.” Di lanin bɔy dɛn sɔri bad bad. 24Wɛn Jizɔs ɛn in lanin bɔy dɛn rich Kepanyɔm, di pipul dɛn we de gɛda taks fɔ pe fɔ di ɛkspɛnsis na Gɔd in Os kam mit Pita ɛn aks am se, “Una ticha de pe di taks we dɛn Ju pipul de pe fɔ di ɛkspɛnsis na Gɔd in Os?” 25Pita se, “Yɛs!” Wɛn Pita rich na os, Jizɔs fɔs tɔk to am, i se, “Saymɔn, wetin yu tink, udat fɔ pe di difrɛn taks dɛn to di rula dɛn na dis wɔl, di pipul dɛn we gɛt di kɔntri ɔ di tre nja dɛn?” 26Pita ansa se, “Na di tre nja dɛn fɔ pe di difrɛn taks dɛn.” Jizɔs se, “So di pipul dɛn we gɛt di kɔntri nɔ fɔ pe. 27Bɔt fɔ mek dɛn pipul ya nɔ vɛks pan wi, tek yu uk go fishin na Lek Galili. Di fɔs fish we yu kech, opin in mɔt, yu go si wan silva kɔpɔ we go du fɔ pe ɔl wi difrɛn taks dɛn na Gɔd in Os. Yu tek am pe fɔ wi tu.”

will be added

X\