MATIU 16

1Sɔm Faresi ɛn sɔm Sadyusi dɛn bin kam fɔ tray Jizɔs, so dɛn aks am fɔ du wɔnda ful wok we go sho se in na di Mɛsaya. 2Bɔt Jizɔs tɛl dɛn se, “Ivintɛm, una kin se, ‘Tumara go fayn bikɔs di klawd rɛd.’ 3Wɛn do klin, una kin se, ‘Ren go kam bikɔs di klawd rɛd ɛn dak.’ Wɛn una luk di klawd, una kin ebul no aw di wɛda go tan, bɔt una nɔ ebul no wetin dɛn tin we de bi naw, min. 4Dɛn tide pipul dɛn bad ɛn dɛn nɔ de fred Gɔd! Una de aks mi fɔ du wɔnda ful tin, bɔt a nɔ go du am. Una nɔ go si ɛni wɔnda ful tin pas di wan we bin dɔn bi to prɔfɛt Jona.” So Jizɔs lɛf di pipul dɛn ɛn go. 5Jizɔs ɛn in lanin bɔy dɛn tek bot krɔs oba Lek Galili go na di ɔda sho, bɔt di lanin bɔy dɛn fɔgɛt fɔ kɛr bred wɛn dɛn de go. 6Jizɔs tɔk to dɛn, i se, “Una tek tɛm wit di yist we di Faresi dɛn ɛn di Sad yusi dɛn de yus.” 7Di lanin bɔy dɛn bigin tɔk to dɛn kɔmpin se, “I tɔk dat bikɔs wi nɔ bring bred kam.” 8Jizɔs bin no wetin di lanin bɔy dɛn bin de tɔk, so i se, “Una nɔ biliv mi! Wetin mek una de wɔri bikɔs una nɔ bring bred? 9Una nɔ ɔnda stand yet? Una nɔ mɛmba wɛn a bin tek fayv lof bred fid fayv tawzin man dɛn? Ɔmɔs blay bred una bin gɛda wɛn ɔlman dɔn it dɔn? 10Ɛn una nɔ mɛmba we a bin tek sɛvin lof bred fid fo tawzin man dɛn? Ɔmɔs blay bred una bin gɛda wɛn ɔlman dɔn it dɔn? 11Wetin mek una nɔ ɔnda stand se nɔto bɔt bred a bin de tɔk? A bin de tɛl una se, una fɔ tek tɛm wit di yist we di Faresi ɛn di Sadyusi dɛn de yus.” 12Da tɛm de in lanin bɔy dɛn ɔnda stand se, Jizɔs nɔ bin de wɔn dɛn fɔ tek tɛm wit di yist we dɛn de put pan bred, bɔt i bin min se dɛn fɔ tek tɛm wit wetin di Faresi ɛn di Sadyusi dɛn de lan pipul. 13Jizɔs go na wan ples we de klos Siza ria Fili pay, i aks in lanin bɔy dɛn se, “Udat pipul de se Mɔta lman Pikin bi?” 14Di lanin bɔy dɛn se, “Sɔm pipul se na Jɔn we bin de baptayz, ɔda pipul se na Ila yja, ɛn sɔm se na Jɛri maya ɔ wan pan di ɔda prɔfɛt dɛn.” 15Jizɔs aks dɛn igen se, “Wetin una se? Udat una se a bi?” 16Saymɔn Pita ansa se, “Yu na di Mɛsaya, Gɔd we go de sote go, in Pikin!” 17Jizɔs se, “Yu du wɛl, Saymɔn, Jɔn in pikin. Nɔto mɔta lman lan yu dis tru tin we yu tɔk so, na mi Papa we de na ɛvin sho yu. 18Ɛn Pita, a de tɛl yu se: yu na rɔk, ɛn na pan dis rɔk ya a go bil mi chɔch, ɛn day sɛf nɔ go ebul am. 19A go gi yu di ki dɛn fɔ di ples we Gɔd de rul. Ɛni tin we yu nɔ gri fɔ na dis wɔl, Gɔd nɔ go gri fɔ am na ɛvin; ɛni tin we yu gri fɔ na dis wɔl, Gɔd go gri fɔ am na ɛvin.” 20Jizɔs tɛl di lanin bɔy dɛn se dɛn nɔ fɔ tɛl ɛnibɔdi se in na di Mɛsaya. 21Frɔm dat tɛm de, Jizɔs bigin tɛl in lanin bɔy dɛn plen wan se, in gɛt fɔ go Jerusɛlɛm, ɛn di bigman dɛn we de mek sakri fays fɔ pipul sin, di ɔda Ju bigman dɛn, ɛn di Ju Lɔ ticha dɛn go mek i sɔfa plɛnti. Dɛn go mek pipul kil am, bɔt in go rayz frɔm di grev di de we mek tri. 22Pita kɔl Jizɔs na kɔna, i tɛl am nɔ fɔ tɔk so, i se, “Masta, lɛ Gɔd nɔ mek dat bi. Dat nɔ fɔ bi to yu!” 23Jizɔs tɔn ɛn tɛl am se, “Pita, kɔmɔt biɛn mi, na Setan in wok yu de du so. Yu de blɔk mi we, bikɔs yu nɔ de tink aw Gɔd de tink, yu de tink aw mɔta lman de tink.” 24Dɔn Jizɔs tɛl in lanin bɔy dɛn se, “If ɛnibɔdi want bi mi lanin bɔy, di pɔsin nɔ fɔ du wetin i want fɔ du nɔmɔ, i fɔ rɛdi fɔ sɔfa ɛn day fɔseka mi, ɛn du wetin a de du. 25Ɛnibɔdi we de tray fɔ sev in layf go lɔs am; bɔt ɛnibɔdi we lɔs in layf fɔseka mi, go gɛt di tru layf. 26Wetin pɔsin go gen if i gɛt di ol wɔl, ɛn day go ɛl ɛn lɔs di tru layf? Natin! Natin nɔ de we pɔsin go gi fɔ gɛt in layf bak. 27Mɔta lman Pikin go kam wit Gɔd in enjɛl dɛn ɛn i go kam wit in Papa in wɔnda ful pawa; i go gi ɔlman dɛn pe fɔ wetin dɛn du. 28A de tɛl una se, sɔm pan di wan dɛn we tinap ya naw nɔ go day sote dɛn dɔn si Mɔta lman Pikin kam rul ɔl di wɔl.”

will be added

X\