MAKI 6

1Jizɔs kɔmɔt de ɛn go na in yon kɔntri, ɛn in lanin bɔy dɛn fala am go. 2Wɛn di de fɔ pre ɛn blo rich, Jizɔs go na di Ju mitin os ɛn bigin lan di pipul dɛn we bin lib de bɔt Gɔd. Plɛnti pipul we yɛri Jizɔs de lan dɛn bɔt Gɔd, se “Usay dis man pul dis sɛns; udat gi am dis sɛns ya? Luk we i de du big wok! 3Nɔto da kapi nta in pikin? Meri nɔto in mama? Nɔto Jems, Josis, Judas ɛn Saymɔn dɛn brɔda? Nɔto in sista dɛn de naya?” So di pipul dɛn nɔ bin want Jizɔs fɔ de wit dɛn. 4Jizɔs tɛl dɛn se, “Prɔfɛt nɔ gɛt rɛspɛkt na in yon tɔng ɛn in fambul dɛnsɛf nɔ rɛspɛkt am, bɔt i gɛt rɛspɛkt na ɔda tɔng.” 5Bikɔs di pipul dɛn na Nazarɛt nɔ bin biliv pan am, Jizɔs nɔ bin ebul du wɔnda ful wok de, pas nɔmɔ we i le an pan sɔm sik pipul dɛn ed, pre fɔ dɛn ɛn mek dɛn wɛl. 6Jizɔs wɔnda we di pipul dɛn nɔ biliv pan am. Jizɔs go na dɛn vilej we de klos Nazarɛt ɛn lan di pipul dɛn bɔt Gɔd. 7Jizɔs kɔl in twɛlv lanin bɔy dɛn ɛn i sɛn dɛn tu bay tu. I gi dɛn di pawa fɔ drɛb dɛbul. 8I tɛl dɛn mek dɛn nɔ tek natin we dɛn de go, pas wɔki nstik nɔmɔ; i tɛl dɛn mek dɛn nɔ kɛr tin fɔ it, mek dɛn nɔ kɛr bag, ɛn mek dɛn nɔ kɛr mɔni na dɛn pɔkit. 9I tɛl dɛn fɔ wɛr sus, bɔt dɛn nɔ fɔ kɛr ɔda klos. 10Jizɔs se, “Wɛn una go na ɛni tɔng, di fɔs os we una go we dɛn gri fɔ mek una tap, na de una fɔ tap sote una kɔmɔt na da tɔng de. 11If una go na ɛni tɔng we di pipul dɛn nɔ rɛspɛkt una ɛn dɛn nɔ gri yɛri wetin una de tɛl dɛn; bifo una kɔmɔt de, una fɔ shek di dɔti we de ɔnda una fut, fɔ sho se di pipul dɛn dɔn du bad.” 12Di lanin bɔy dɛn go ɔlɔbɔt de tɛl pipul fɔ lɛf fɔ du di bad tin dɛn we dɛn de du. 13Dɛn drɛb plɛnti dɛbul kɔmɔt insay pipul, dɛn rɔb ɔliv ɔyl pan sik pipul dɛn ed ɛn mɛn dɛn. 14Jizɔs in nem prɛd ɔlɔbɔt sote King Ɛrɔd we bin de rul na Galili yɛri bɔt am. Sɔm pipul se, “Dis man na Jɔn we bin de baptayz pipul, na in dɔn rayz frɔm in grev; na dat mek i gɛt pawa fɔ du dɛn wɔnda ful wok ya.” 15Sɔm ɔda pipul se, “Dis man na Ila yja.” Ɛn sɔm ɔda wan dɛn se, “Dis man na prɔfɛt lɛkɛ dɛn lɔntɛm prɔfɛt.” 16Wɛn King Ɛrɔd yɛri ɔl wetin Jizɔs bin de du, i se, “Na Jɔn we bin de baptayz! A bin dɔn mek dɛn kɔt in ed kɔmɔt, bɔt naw i dɔn rayz frɔm in grev!” 17King Ɛrɔd tɔk dat bikɔs i bin mek dɛn ol Jɔn ɛn put am na jel, fɔseka Ɛro dias we i mared; Ɛro dias na bin in brɔda Filip in wɛf. 18Jɔn bin tɛl Ɛrɔd se i nɔ rayt fɔ mek i mared in brɔda Filip in wɛf. 19Dat mek Ɛro dias mɛmba bad fɔ Jɔn ɛn i bin want mek dɛn kil am, bɔt i nɔ bin ebul du ɛni tin bikɔs Ɛrɔd nɔ bin gri fɔ kil am. 20King Ɛrɔd bin fred Jɔn bikɔs i bin no se Jɔn de waka tret ɛn i nɔ de du bad, so i du ɔl wetin i ebul fɔ mek natin nɔ du Jɔn. Ɛnitɛm we King Ɛrɔd kin yɛri wetin Jɔn de tɛl pipul bɔt Gɔd, dat kin mek i wɔri, bɔt pan ɔl dat i kin gladi fɔ yɛri am. 21Di tɛm rich we Ɛro dias gɛt chans fɔ du wetin i want du Jɔn. Wan de, King Ɛrɔd bin mek pati fɔ in batde. Di king kɔl dɛn bigman we de wok na dɛn gɔvmɛnt ɔfis, dɛn ami ɔfisa ɛn dɛn bigman na di kɔntri fɔ go di pati. 22Wɛn Ɛro dias in gyal pikin dans na di pati, i so dans fayn dat King Ɛrɔd ɛn di pipul dɛn we go di pati gladi fɔ am. So King Ɛrɔd tɛl am se, mek i aks am fɔ ɛni tin we i want, in go gi am. 23Di king swɛ se in go gi am ɛni tin we i aks fɔ, ɛn if i want sɛf, in go sheb di kɔntri we i de rul ɛn gi am wan pat. 24Di gyal go aks in mama na do wetin in fɔ aks Ɛrɔd fɔ gi am. In mama se, “Tɛl am fɔ gi yu Jɔn we bin de baptayz pipul, in ed.” 25Di gyal tɔn bak wantɛm go tɛl King Ɛrɔd se in want mek i gi am Jɔn we bin de baptayz pipul, in ed na plet wantɛm. 26Di king in at pwɛl, bɔt i nɔ bin want fɔ brok di prɔmis we i bin dɔn mek, bikɔs i bin dɔn swɛ ɛn di pipul dɛn na di pati bin dɔn yɛri wetin i tɔk. 27Di king sɛn soja man fɔ go kɔt Jɔn in ed kɔmɔt ɛn bring am kam. Di soja man go na di jel we Jɔn bin de, ɛn kɔt in ed kɔmɔt. 28I put di ed na plet, bring am kam gi Ɛro dias in pikin; di pikin tek am gi in mama. 29Wɛn Jɔn in lanin bɔy dɛn yɛri wetin bi, dɛn go tek di bɔdi bɛr am. 30Di apɔsul dɛn tɔn bak go mit Jizɔs; dɛn tɛl am ɔl wetin dɛn du ɛn ɔl wetin dɛn lan pipul. 31Jizɔs se, “Una lɛ wi go blo na ples we pipul nɔ de.” Plɛnti pipul bin de kam ɛn go so Jizɔs ɛn in lanin bɔy dɛn nɔ bin gɛt chans sɛf fɔ it. 32So dɛn tek bot go na ples we pipul nɔ tap. 33Bɔt plɛnti pipul we no dɛn, si dɛn wɛn dɛn de go, so pipul dɛn ɔlɔbɔt na di tɔng rɔn go na di ples we Jizɔs ɛn in lanin bɔy dɛn bin de go bifo dɛn rich de. 34Wɛn Jizɔs kɔmɔt insay di bot, i mit bɔku pipul de wet fɔ am; Jizɔs sɔri fɔ dɛn, bikɔs dɛn bin jɛs de lɛkɛ ship we nɔ gɛt pɔsin fɔ mɛn dɛn, so i bigin fɔ lan dɛn plɛnti tin. 35Bay da tɛm de ivintɛm bin dɔn kam, Jizɔs in lanin bɔy dɛn go mit am ɛn se, “Masta, pipul nɔ tap na dis ples ya ɛn ivintɛm dɔn kam; 36mek di pipul dɛn go bay sɔntin fɔ it na dɛn vilej ɛn dɛn fam we de klos ya.” 37Jizɔs se, “Una gi dɛn sɔntin fɔ it.” Dɛn ansa se, “Yu want mek wi tek tu ɔndrɛd silva kɔpɔ bay bred gi di pipul dɛn?” 38Jizɔs se, “Una go luk ɔmɔs lof bred una gɛt.” Wɛn dɛn go luk, dɛn kam tɛl am se dɛn gɛt fayv lof bred ɛn tu fish. 39Jizɔs tɛl dɛn ɔl fɔ sidɔm bay grup pan di gras. 40Dɛn ɔl sidɔm bay grup: ɔndrɛd-ɔndrɛd ɔ fifti-fi fti. 41Jizɔs tek di fayv bred ɛn di tu fish, i luk ɔp ɛn tɛl Gɔd tɛnki fɔ di fish ɛn bred, dɔn i kɔt kɔt di bred ɛn di fish ɛn gi in lanin bɔy dɛn fɔ sheb gi di pipul dɛn. 42Ɔlman it te dɛn bɛlful. 43Wɛn dɛn dɔn gɛda wetin lɛf, i ful twɛlv blay. 44Pan ɔl di pipul dɛn we it, di man dɛn nɔmɔ na bin fayv tawzin. 45Jizɔs mek in lanin bɔy dɛn tek bot krɔs go oba na Bɛtsa yda, in lɛf biɛn fɔ tɛl di pipul dɛn fɔ tɔn bak go na dɛn os. 46Afta i dɔn tɛl dɛn fɔ go, i go ɔp wan il fɔ pre. 47Da ivintɛm de, di lanin bɔy dɛn bin de insay di bot midul wata ɛn Jizɔs bin de na di bich. 48Di briz bin tra nga fɔ di lanin bɔy dɛn, ɛn Jizɔs si se i bin tra nga fɔ dɛn fɔ padul. So midul nɛt bay tri oklɔk, Jizɔs go to dɛn, i bin de waka pantap di wata. I bin dɔn de pas dɛn, 49na in dɛn si am de waka pantap di wata, dɛn min se na gost de kam mit dɛn, so dɛn ala big wan! 50Dɛn ɔl bin fred. So Jizɔs tɔk to dɛn wantɛm. I se, “Una tek kɔrej, una nɔ fred, na mi dis!” 51Jizɔs go mit dɛn insay di bot, na in di big briz tap fɔ blo. Di lanin bɔy dɛn wɔnda. 52Dɛn nɔ bin ɔnda stand sɛf wɛn Jizɔs tek fayv lof bred fid fayv tawzin pipul. Dɛn at nɔ bin opin. 53Jizɔs ɛn in lanin bɔy dɛn krɔs go oba na Gɛnɛzarɛt, dɛn tay di bot na di sho. 54As dɛn kɔmɔt insay di bot so, di pipul dɛn tɔk wantɛm se na Jizɔs. 55So dɛn rɔn go ɔlɔbɔt na di tɔng dɛn na da eria de, dɛn put dɛn sik pipul pan mata ɛn kɛr dɛn go ɛni say we dɛn yɛri se Jizɔs de. 56Ɛni say we Jizɔs go, tɔng ɔ vilej, dɛn kin kɛr sik pipul go le dɛn na di ples we pipul de mit, ɛn dɛn kin beg Jizɔs fɔ mek dɛn tɔch di bɔtɔm pat sɛf pan in klos; ɛnibɔdi we tɔch in klos, kin wɛl.

will be added

X\