MAKI 4

1Jizɔs bigin lan di pipul dɛn bak wɛn dɛn sidɔm na di bich klos Lek Galili. Di krawd we gɛda rawnd am bin tu big, so i go sidɔm insay wan bot na di wata, klos di bich. 2Na pare bul i pul fɔ lan dɛn plɛnti tin; wan pan di pare bul dɛn na in dis: I se, 3“Wan fama bin de plant sid. 4Wɛn i de skata di sid dɛn, sɔm fɔdɔm na di rod, ɛn bɔd kam it dɛn. 5Sɔm fɔdɔm pan sto nston, we bɛtɛ dɔti nɔ de. Di lili dɔti we bin lib de mek di sid dɛn bɔs kwik, 6bɔt wɛn san ɔt, di yɔng plant dɛn wida ɛn day, bikɔs dɛn rut nɔ bin go dɔng na grɔn. 7Sɔm sid fɔdɔm na chu kchuk bush, di chu kchuk dɛn gro ɛn kɔba di plant dɛn so dɛn nɔ ebul bia. 8Sɔm sid fɔdɔm na gud grɔn, dɛn gro fayn ɛn bia plɛnti. Sɔm bia tati, sɔm siksti ɛn sɔm ɔndrɛd.” 9Jizɔs se, “Udat gɛt yes fɔ yɛri, mek i yɛri!” 10Wɛn di krawd dɔn go, sɔm pan di pipul dɛn we bin lɛf ɛn di twɛlv lanin bɔy dɛn aks Jizɔs wetin di pare bul dɛn we i pul, min. 11Jizɔs ansa dɛn se, “Na una gɛt di chans fɔ no di sikrit bɔt Gɔd in rul, bɔt dɛn pipul we nɔ de wit wi, na pare bul nɔmɔ dɛn de yɛri, 12so dat ‘Dɛn go luk gud, bɔt dɛn nɔ go si; dɛn go yɛri, bɔt dɛn nɔ go ɔndastand. If nɔto dat, dɛn bin fɔ tɔn to Gɔd, dɛn layf bin fɔ chenj ɛn Gɔd bin go padin dɛn.’ ” 13Jizɔs aks dɛn se, “If una nɔ ɔnda stand dis pare bul, aw una go ɔnda stand dɛn ɔda pare bul dɛn? 14Di fama we de plant di sid na di pɔsin we de go tɛl ɔda pipul di Gud Nyus. 15Di sid dɛn we fɔdɔm na di rod na pipul we yɛri di Gud Nyus; as dɛn yɛri am so, Setan kam pul am kɔmɔt na dɛn at. 16Dɛn sid we fɔdɔm na grɔn we gɛt sto nston, na dɛn pipul we yɛri di Gud Nyus ɛn biliv am wantɛm ɛn gladi. 17Bɔt di wɔd nɔ sidɔm gud na dɛn at; dɛn tan lɛkɛ plant we nɔ gɛt rut. Wɛn trɔbul mit dɛn, ɔ pipul ambɔg dɛn bikɔs dɛn biliv di Gud Nyus, dɛn kin kɔmɔt na di rayt rod. 18Dɛn sid we fɔdɔm na chu kchuk bush na dɛn pipul we yɛri di Gud Nyus, 19bɔt di tin dɛn na dis wɔl we dɛn want du, di jɛntri we dɛn want, ɛn di ɔda tin dɛn we dɛn want mek di Gud Nyus nɔ gɛt ples fɔ prɛd na dɛn at lɛkɛ wɛn plant de bia. 20Bɔt dɛn sid we fɔdɔm na gud grɔn na dɛn pipul we yɛri di Gud Nyus ɛn biliv am gud; dɛn tan lɛkɛ plant we bia: sɔm bia tati, sɔm siksti, ɛn sɔm ɔndrɛd.” 21Jizɔs aks dɛn se, “If pɔsin gɛt lamp, i go kɔba am wit kitul, ɔ put am ɔnda tebul? I nɔ go put am pantap tebul? 22Natin nɔ de we ayd we nɔ go kɔmɔt na do. Natin nɔ de we na sikrit we pɔsin nɔ go no. 23Udat gɛt yes fɔ yɛri, mek i yɛri!” 24Jizɔs se, “Una lisin mi gud; di lɔ we una de tek jɔj una kɔmpin mɔta lman, na di sem lɔ Gɔd go tek jɔj una. Gɔd go jɔj una tra nga pas aw una de jɔj una kɔmpin mɔta lman. 25Pɔsin we gɛt sɔntin, Gɔd go gi am mɔ, bɔt pɔsin we nɔ gɛt natin, di lili bit sɛf we i gɛt, Gɔd go tek am.” 26Jizɔs tɛl dɛn igen se, “Gɔd in rul jɛs tan lɛkɛ we wan pɔsin skata sid na fam fɔ plant am. 27De ɛn nɛt, if i wek ɔ if i de slip, di sid dɛn de gro, bɔt insɛf nɔ no aw dɛn de gro. 28Na di grɔn de mek sid dɛn gro. Wɛn sid dɛn de gro, na di pat we bɔs fɔs yu kin si fɔs, dɛn yu go si di ɔda pat, dɛn yu go si di tin dɛn we i bia, las. 29Wɛn di plant dɔn big du, di fama go tek wan kayn nɛf we dɛn kɔl sikul fɔ kɔt am, bikɔs i dɔn rich tɛm fɔ kɔt ɔl wetin i bin plant.” 30Jizɔs aks dɛn se, “Aw Gɔd in rul tan? Us pare bul wi go pul bɔt Gɔd in rul? 31Gɔd in rul tan lɛkɛ mɔstad sid we dɛn plant we smɔl pas ɔl dɛn ɔda sid dɛn. 32Bɔt wɛn i gro, i kin gro big pas ɔl di ɔda smɔl tik dɛn, ɛn i kin gɛt plɛnti an we bɔd kin bil os pan.” 33Na plɛnti dɛn kayn pare bul ya Jizɔs bin de tek lan di pipul dɛn di Gud Nyus, mek dɛn go ɔnda stand wetin i de tɔk. 34Na pare bul dɛn nɔmɔ i bin de pul fɔ di pipul dɛn, bɔt wɛn in ɛn in lanin bɔy dɛn lɛf, i kin tɛl dɛn wetin di pare bul dɛn min. 35Da sem ivintɛm de, Jizɔs tɛl in lanin bɔy dɛn se, “Una lɛ wi krɔs di wata go oba say.” 36Di lanin bɔy dɛn lɛf di pipul dɛn ɛn go insay di bot we Jizɔs sidɔm, dɔn dɛn tek di bot go. Ɔda bot dɛn fala dɛn go. 37Wɛn dɛn de go, big briz bigin blo, swɛlin bigin shek di bot ɛn wata kam ful insay di bot. 38Jizɔs bin de na di bak pat na di bot de slip; i bin le in ed pan pila. Dɛn go wek am, dɛn se, “Yu nɔ bisin if wi day?” 39Jizɔs grap. I tɛl di briz fɔ tap ɛn di wata fɔ stɛdi. Di briz tap fɔ blo ɛn di swɛlin go dɔng. 40Jizɔs tɔn to in lanin bɔy dɛn, i se, “Wetin mek una de fred, una nɔ biliv pan Gɔd?” 41Dɛn ɔl wɔnda ɛn bigin aks dɛn kɔmpin se, “Uskayn man dis we de tɛl di briz ɛn di wata wetin dɛn fɔ du ɛn de du wetin i tɛl dɛn?”

will be added

X\