MAKI 15

1Wɛn do klin, di bigman dɛn we de mek sakri fays fɔ pipul sin, di ɔda Ju bigman dɛn, di Ju Lɔ ticha dɛn, ɛn ɔl di ɔda mɛmba dɛn na di Ju gran kot go ɛng ed. Dɛn mek dɛn tay Jizɔs ɛn kɛr am go bifo Paylet. 2Paylet aks Jizɔs se, “Na yu na di Ju pipul dɛn king?” Jizɔs ansa se, “Na so yu se!” 3Di bigman dɛn we bin de mek sakri fays fɔ pipul sin tɔk se Jizɔs du plɛnti bad tin, 4so Paylet aks Jizɔs igen se, “Yu nɔ gɛt natin fɔ se? Yɛri ɔl wetin dɛn tɔk se yu du!” 5Bɔt Jizɔs nɔ gri fɔ tɔk ɛni tin, so Paylet wɔnda. 6Wɛn di Pasova ɔlide kam, Paylet kin pul wan pɔsin we di Ju pipul dɛn want, kɔmɔt na jel. 7Dis tɛm ya, wan man we nem Bara bas bin de na jel wit sɔm ɔda pipul we dɛn ɔl bin mek plɛnti pipul fɛt na di kɔntri ɛn kil pɔsin. 8Plɛnti pipul go mit Paylet ɛn tɛl am mek i du lɛkɛ aw i kin du da Ju ɔlide de. 9Paylet aks dɛn se, “Una want fɔ mek a fri di Ju pipul dɛn king?” 10I bin no se di bigman dɛn we de mek sakri fays fɔ pipul sin and Jizɔs oba gi am bikɔs dɛn jɛlɔs Jizɔs. 11Dɛn tɛl di pipul dɛn fɔ tɛl Paylet se, na Bara bas i fɔ pul kɔmɔt na jel. 12Paylet aks dɛn se, “Wɛl, wetin a fɔ du di man we una de kɔl di Ju pipul dɛn king?” 13Dɛn ala big wan se, “Nel am pan di krɔs!” 14Paylet se, “Wetin du? Wetin i du we bad?” Na da tɛm de dɛn ala big big wan pas aw dɛn bin ala fɔs, se, “Nel am pan di krɔs!” 15So fɔ mek di pipul dɛn gladi, Paylet fri Barabas. I mek di soja man dɛn bit Jizɔs, dɔn i lɛf am gi dɛn fɔ mek dɛn nel am pan di krɔs. 16Di soja man dɛn kɛr Jizɔs go insay Paylet in os, dɔn dɛn gɛda di ɔda soja man dɛn. 17Dɛn drɛs Jizɔs wit dak rɛd klos, dɛn mek krawn wit chu kchuk ɛn wɛr am na in ed. 18Dɔn dɛn bigin fɔ makata am ɛn se, “Mek di Ju pipul dɛn King gɛt lɔng layf!” 19Dɛn bit am wit tik na in ed, dɛn pit pan am, dɔn dɛn nil dɔng bifo am lɛkɛ se dɛn de wɔship am. 20Wɛn dɛn dɔn makata am dɔn, dɛn pul di dak rɛd klos kɔmɔt pan am, ɛn wɛr in yon klos pan am bak; dɔn dɛn kɛr am go fɔ go nel am pan di krɔs. 21We dɛn de go, dɛn mit wan man we nem Saymɔn we bin kɔmɔt na wan vilej de go na di tɔng. Saymɔn na bin Alɛgza nda ɛn Rufɔs dɛn papa. I bin bɔn na Sayrini. Di soja man dɛn fos am fɔ tot di krɔs fɔ Jizɔs. 22Dɛn kɛr Jizɔs go na wan ples we dɛn kɔl Gɔlgɔta, dat min “Ples we tan lɛkɛ mɔta lman ed.” 23Dɛn miks wayn wit wan bita mɛrɛsin we nem ma, ɛn gi Jizɔs fɔ drink, bɔt i nɔ drink am. 24Dɛn nel Jizɔs pan di krɔs, dɔn dɛn ib days fɔ sheb in klos dɛn. 25Na bin nayn oklɔk mɔnin dɛn nel Jizɔs pan di krɔs. 26Dɛn rayt di tin we mek dɛn kil am ɛn nel am oba Jizɔs in ed. Dɛn rayt “Di Ju Pipul Dɛn King.” 27Da sem tɛm de dɛn nel tu tifman pan tu krɔs, wan na Jizɔs in raytan, wan na in lɛfan. [ 28So di tin we dɛn rayt na Gɔd in Buk we se, “Pipul dɛn min se insɛf na wikɛd man,” kam bi tru.] 29Di pipul dɛn we bin de pas bin de shek dɛn ed ɛn ala pan Jizɔs. Dɛn se, “A min yu bin se yu go brok Gɔd in Os, ɛn yu go tek tri de fɔ bil am bak. 30Wɛl, sev yusɛf naw, kɔmɔt na di krɔs, kam dɔng!” 31Semwe so, dɛn bigman we de mek sakri fays fɔ pipul sin ɛn di Ju Lɔ ticha dɛn bigin jok bɔt Jizɔs to dɛnsɛf. Dɛn se, “I bin de sev ɔda pipul, bɔt i nɔ ebul sev insɛf! 32Mek di Mɛsaya, we na di Ju pipul dɛn king kɔmɔt na di krɔs kam dɔng, so dat wi go si ɛn biliv pan am!” Di tu ɔda pipul dɛn we bin nel pan dɛn krɔs klos Jizɔs, dɛnsɛf tɔk bad bɔt Jizɔs. 33Frɔm twɛlv oklɔk te tri oklɔk santɛm, di wan ol kɔntri dak. 34Shap tri, Jizɔs ala, i se, “Ilay, Ilay, lama saba ktani?” dat min, “Mi Gɔd, mi Gɔd, wetin du yu fɔsek mi?” 35Wɛn sɔm pan di pipul dɛn we bin tinap klos de yɛri wetin Jizɔs se, dɛn se, “I de kɔl Ila yja fɔ kam ɛp am.” 36Wan pan dɛn rɔn go sok spɔnj wit viniga ɛn tay di spɔnj pan lɔng tik, dɔn i es di tik fɔ mek Jizɔs sɔk di spɔnj. Di pɔsin se, “Una lɛ wi si if Ila yja go kam pul am kɔmɔt na di krɔs!” 37Jizɔs ala big wan, dɛn i day. 38Di tik tik kɔtin we bin ɛng na Gɔd in Os chɛr tu, frɔm ɔp sote kam dɔng. 39Wɛn di ami ɔfisa we bin tinap bifo di krɔs si se Jizɔs dɔn day, i se, “Dis man ya na bin Gɔd in Pikin, fɔ tru!” 40Sɔm uman dɛn bin tinap fawe de luk. Sɔm pan di wan dɛn we bin lib de na Meri we kɔmɔt Magdala, Meri we na smɔl Jems ɛn in brɔda Josis dɛn mama, ɛn Salomi. 41Wɛn Jizɔs bin de na Galili na dɛn uman ya bin de fala am go ɔlɔbɔt ɛn na dɛn bin de ɛp am. Plɛnti ɔda uman dɛn we bin fala Jizɔs kam na Jerusɛlɛm bin lib de. 42Di tɛm bin dɔn rich fɔ di Ju pipul dɛn fɔ rɛdi fɔ di de fɔ pre ɛn blo. So ivintɛm, Josɛf we kɔmɔt na wan tɔng we nem Ari ma tia, nɔ fred fɔ go aks Paylet fɔ gi am Jizɔs in bɔdi. Josɛf na bin bigman na di Ju gran kot ɛn di pipul dɛn bin rɛspɛkt am; insɛf bin de luk fɔ di tɛm we Gɔd go kam rul di wɔl. 44Paylet wɔnda if Jizɔs dɔn day kwik wan so, so i kɔl di soja ami ɔfisa ɛn aks am if i dɔn te we Jizɔs day. 45Wɛn di ami ɔfisa tɛl am se Jizɔs dɔn day, Paylet gi Josɛf di bɔdi. 46Josɛf go bay nyu linin klos, i pul Jizɔs in bɔdi pan di krɔs ɛn rap am, dɛn i go bɛr am insay wan ston grev we dɛn bin dig; dɔn i tek big ston kɔba di grev domɔt. 47Meri we kɔmɔt Magdala ɛn Meri we na Josis in mama bin de luk usay dɛn de bɛr Jizɔs.

will be added

X\