DUKU 9

1Jizɔs kɔl in twɛlv lanin bɔy dɛn ɛn gi dɛn pawa fɔ drɛb dɛbul ɛn fɔ mɛn ɔl kayn sik. 2I sɛn dɛn go ɔlsay fɔ tɔk bɔt Gɔd in rul ɛn fɔ mɛn sik pipul. 3Jizɔs tɛl dɛn se, “We una de go so, una nɔ kɛr natin. Una nɔ kɛr wɔki nstik, bag, it, mɔni, ɛn ɔda klos. 4Ɛni os we dɛn gi una fɔ tap, na de una fɔ de sote una kɔmɔt na da tɔng de. 5If una go na ɛni tɔng we di pipul dɛn nɔ gri lisin to una, una kɔmɔt na da tɔng de, ɛn shek di dɔti we de ɔnda una fut fɔ mek dɛn no se dɛn dɔn du bad.” 6Di lanin bɔy dɛn lɛf Jizɔs go ɔlɔbɔt na dɛn vilej de tɛl pipul di Gud Nyus ɛn mɛn sik pipul. 7Wɛn Ɛrɔd we bin de rul na Galili yɛri ɔl wetin de bi, i kɔnfyus bikɔs pipul bin de tɔk se Jɔn we bin de baptayz we bin dɔn day, dɔn kam bak! 8Sɔm pipul se na Ila yja kam bak, ɔda wan dɛn se sɔntɛm na wan pan dɛn lɔntɛm prɔfɛt kam bak. 9Ɛrɔd se, “Amin a bin dɔn kil Jɔn, udat na dis pɔsin we a de yɛri bɔt so igen?” I tray fɔ si Jizɔs. 10Wɛn Jizɔs in lanin bɔy dɛn kam bak, dɛn tɛl am ɔl wetin dɛn du. Jizɔs kɛr dɛn go na wan tɔng we nem Bɛtsa yda fɔ mek dɛn go de to dɛnsɛf. 11Wɛn di pipul dɛn yɛri se Jizɔs ɛn in lanin bɔy dɛn de na Bɛtsa yda, dɛn go mit dɛn de. Jizɔs gladi fɔ si dɛn. I tɛl dɛn bɔt Gɔd in rul ɛn i mɛn dɛn pipul we sik. 12Wɛn di ples dɔn de dak, Jizɔs in lanin bɔy dɛn go mit am ɛn tɛl am se, “Masta, mek dɛn pipul ya go na dɛn vilej, ɛn dɛn fam we nɔ fa fɔ fɛn it ɛn ples fɔ slip bikɔs natin nɔ de naya fɔ it ɛn dis na ples we pipul nɔ tap.” 13Jizɔs se, “Una gi dɛn it.” Dɛn ansa Jizɔs se, “Wi nɔ gɛt pas fayv bred ɛn tu fish. Aw wi go manej bay it fɔ ɔl dɛn pipul ya?” 14Na fayv tawzin man dɛn bin lib de. Jizɔs tɛl in lanin bɔy dɛn se, “Una mek di pipul dɛn sidɔm fifti fifti.” 15Di lanin bɔy dɛn mek di pipul dɛn sidɔm lɛkɛ aw Jizɔs tɛl dɛn. 16Jizɔs tek di fayv bred ɛn di tu fish, i luk ɔp na ɛvin ɛn tɛl Gɔd tɛnki fɔ di bred ɛn di fish, dɔn i kɔt kɔt di bred ɛn di fish ɛn gi in lanin bɔy dɛn fɔ sheb dɛn gi di pipul dɛn. 17Dɛn ɔl it te dɛn bɛlful, dɔn di lanin bɔy dɛn gɛda twɛlv blay pan dɛn af af we lɛf. 18Wan de wɛn Jizɔs in wan bin de pre, in lanin bɔy dɛn bin de wit am. Jizɔs aks dɛn se, “Udat pipul dɛn se a bi?” 19Dɛn ansa am se, “Sɔm pipul se yu na Jɔn we bin de baptayz. Ɔda pipul de se yu na Ila yja, sɔm se yu na wan pan dɛn lɔntɛm prɔfɛt we bin dɔn day we dɔn kam bak.” 20Jizɔs aks dɛn bak se, “Wɛl, udat una se a bi?” Pita ansa se, “Yu na di Mɛsaya we Gɔd sɛn!” 21Jizɔs wɔn dɛn tra nga wan mek dɛn nɔ tɛl ɛnibɔdi udat i bi. 22I se, “Dɛn Ju bigman, dɛn bigman we de mek sakri fays fɔ pipul sin ɛn dɛn Ju Lɔ ticha go mek Gɔd in Pikin sɔfa plɛnti ɛn dɛn go mek lɛkɛ se dɛn nɔ sabi am sɛf. Dɛn go kil am ɛn bɛr am. Bɔt i go rayz frɔm di grev di de we mek tri.” 23Jizɔs tɛl dɛn se, “If ɛnibɔdi want bi mi lanin bɔy, da pɔsin de nɔ fɔ du wetin in want fɔ du nɔmɔ, i fɔ rɛdi fɔ sɔfa ɛn day fɔseka mi ɛvri de ɛn du ɔl wetin a de du. 24Ɛnibɔdi we de tray fɔ sev in layf, go lɔs am; bɔt ɛnibɔdi we lɔs in layf fɔseka mi, go gɛt di tru layf. 25Wetin pɔsin go gen, if i gɛt di ol wɔl ɛn day go ɛl ɛn lɔs di tru layf? 26If ɛnibɔdi de shem fɔ tɔk bɔt mi ɛn wetin a dɔn lan am, Mɔta lman Pikin go shem fɔ da pɔsin de wɛn i kam lɛkɛ King ɛn layt we kɔmɔt ɛvin de shayn pan am; di sem layt we de shayn pan in Papa Gɔd, ɛn pan di enjɛl dɛn. 27A de tɛl una se, sɔm pan di wan dɛn we tinap ya naw nɔ go day sote dɛn no se Gɔd de rul di wɔl, fɔ tru.” 28Wɛn wan wik dɔn pas afta Jizɔs tɔk dɛn wɔd ya, Jizɔs kɔl Pita, Jems ɛn Jɔn fɔ fala am go pre na wan ay il. 29Aw Jizɔs de pre, na in, wantɛm in fes chenj ɛn in klos in kɔla chenj to wayt, we wayt pas sha tin sɛf, ɛn i bin de shayn brayt. 30Aw dɛn de luk, wantɛm dɛn si Jizɔs ɛn tu man de tɔk. Dɛn man ya na bin Mozis ɛn Ila yja. 31Brayt layt bin de rawnd Mozis ɛn Ila yja dɛnsɛf; dɛn bin de tɔk bɔt di day we Jizɔs gɛt fɔ day se na Jerusɛlɛm i go bi. 32Slip bin dɔn kech Pita ɛn in kɔmpin dɛn, so dɛn slip, wɛn dɛn wek dɛn si di brayt layt rawnd Jizɔs ɛn di tu man dɛn we bin tinap wit am. 33Wɛn Mozis ɛn Ila yja want lɛf Jizɔs go, na in Pita se, “Masta, i gud we wi de naya. Lɛ wi bil tri bafa naya; wan fɔ yu, wan fɔ Mozis ɛn wan fɔ Ila yja.” Bɔt Pita nɔ bin tink bɔt wetin i de tɔk. 34Aw Pita de tɔk, na in, wantɛm klawd kam kɔba dɛn so di ples dak; di lanin bɔy dɛn fred. 35Na in dɛn yɛri vɔys de tɔk na di klawd se, “Dis na mi Pikin we a dɔn pik; una lisin wetin i de tɛl una!” 36Wɛn di vɔys dɔn tɔk dɔn, dɛn nɔ si di tu man dɛn igen; na Jizɔs in wan gren bin lɛf de. Di lanin bɔy dɛn kip ɔl dɛn tin ya we bi na dɛn at. Dɛn nɔ tɛl ɛnibɔdi wetin dɛn si, dɛn wet te sɔm tɛm dɔn pas. 37Di ɔda de, Jizɔs ɛn in lanin bɔy dɛn kɔmɔt ɔp di ay il go na di tɔng. Plɛnti pipul go mit am fɔ tɛl am, kabɔ. 38Wan pan di man dɛn we go mit Jizɔs bigin ala se, “Masta, a beg yu kam luk mi pikin, na in wan gren a gɛt! 39Dɛbul kin kam pan am ɛn i kin ala wantɛm. Di dɛbul kin mek di pikin gɛt fiks so i kin fɔdɔm ɛn frɔsh kin de kɔmɔt na in mɔt, dɔn i kin de fɛt fɛt na grɔn. I kin at fɔ mek di dɛbul lɛf am. 40A bin beg yu lanin bɔy dɛn fɔ drɛb di dɛbul we de ambɔg di bɔbɔ, bɔt dɛn nɔ bin ebul.” 41Jizɔs se, “Una dɛn tide pipul ya, una nɔ biliv ɛn una tra nga yes! Aw lɔng una want fɔ mek a de wit una ɛn bia wit una?” I tɛl di man mek i bring in pikin kam. 42As di pikin de kam to Jizɔs, na in di dɛbul wap di pikin dɔng na grɔn wit fiks. Jizɔs drɛb di dɛbul kɔmɔt pan am, i and am gi in papa bak. 43Ɔl di pipul dɛn we bin lib de, wɔnda pan Gɔd in pawa. Ɔl wetin Jizɔs du bin mek di pipul dɛn wɔnda, na in Jizɔs bigin tɔk to in lanin bɔy dɛn. I se, 44“A want mek una lisin gud wetin a de kam tɛl una. Una nɔ fɔgɛt am! Dɛn go and ova Mɔta lman Pikin gi sɔm pipul.” 45Di lanin bɔy dɛn nɔ bin ɔnda stand wetin Jizɔs min bikɔs Gɔd bin ayd di minin frɔm dɛn mek dɛn nɔ no yet wetin go bi. Di lanin bɔy dɛn bin fred fɔ aks Jizɔs wetin di wɔd we i tɛl dɛn min. 46Di lanin bɔy dɛn bigin fɔ agyu bɔt uswan pan dɛn impɔtant pas dɛn ɔl. 47Jizɔs bin no wetin dɛn de tink, so i tek wan pikin put am klos insɛf. 48I tɛl in lanin bɔy dɛn se, “Ɛnibɔdi we tɛl lili pikin lɛkɛ dis wan ya fɔ kam na in os fɔseka mi, na mi da pɔsin de dɔn tɛl fɔ kam na in os; ɛnibɔdi we tɛl mi fɔ kam na in os, dɔn tɛl di Wan we sɛn mi fɔ kam na in os. Di pɔsin we una nɔ tek bɛtɛ yay luk, na in go bi impɔtant pas una ɔl.” 49Jɔn go tɔk to Jizɔs. I se, “Masta, wi si wan man de tek yu nem drɛb dɛbul. Wi tɛl di man mek i nɔ du dat bikɔs i nɔ de wit wi.” 50Jizɔs se, “Una nɔ tɛl di man fɔ tap igen bikɔs pɔsin we nɔ de mekɔp bad fɔ wi, de fɔ wi.” 51Wɛn di tɛm we Gɔd bin dɔn plan fɔ tek Jizɔs go ɛvin bin dɔn de rich, Jizɔs mekɔp fɔ go Jerusɛlɛm. 52Jizɔs sɛn mɛse nja dɛn fɔ go bifo insɛf lɛf fɔ go. Di mɛse nja dɛn go na wan vilej na Same ria ɛn du ɔltin we Jizɔs tɛl dɛn fɔ du fɔ mek dɛn fɛn ples fɔ am fɔ slip. 53Di pipul dɛn na Same ria nɔ gri fɔ mek Jizɔs tap na Same ria bikɔs dɛn bin no se na Jerusɛlɛm Jizɔs de go. 54Wɛn in lanin bɔy dɛn, dat na Jems ɛn Jɔn, si se di pipul dɛn na Same ria nɔ gri fɔ mek Jizɔs tap de, dɛn go mit Jizɔs ɛn aks am se, “Masta, yu want fɔ lɛ wi mek Gɔd sɛn faya kɔmɔt ɛvin kam dɔng kam bɔn dɛn pipul ya [lɛkɛ aw Ila yja bin du?]” 55Jizɔs tɔn rawnd ɛn tɔk pan Jems ɛn Jɔn. [I se, “Una nɔ no wetin de na una at. Mɔta lman Pikin nɔ kam fɔ pwɛl pipul dɛn layf, i kam fɔ sev pipul.”] 56Jizɔs ɛn in lanin bɔy dɛn kɔmɔt Sama ria go na ɔda tɔng. 57As dɛn de go, wan man kam mit Jizɔs ɛn se, “A go fala yu go ɛni say we yu de go, sa!” 58Jizɔs ansa am se, “Padi, dɛn bush kyat gɛt ples fɔ tap ɛn dɛn bɔd gɛt say fɔ tap, bɔt Mɔta lman Pikin nɔ gɛt ples fɔ le in ed sɛf.” 59Jizɔs tɛl wan ɔda man se, “Kam fala mi!” Di man ansa am se, “Masta, mek a go bɛr mi papa fɔs.” 60Jizɔs se, “Lɛf dɛn pipul we nɔ gɛt di layf we Gɔd de gi fɔ bɛr dɛn fambul we dɔn day, yu fɔ go tɛl ɔda pipul bɔt Gɔd in rul.” 61Wan ɔda man tɛl Jizɔs se, “Masta, a go fala yu, bɔt duya, wet mek a go tɛl mi pipul dɛn na mi os se a de go.” 62Jizɔs se, “Pɔsin we de dig ol fɔ plant sid ɛn de tɔn luk biɛn am, tan lɛkɛ pɔsin we de wok we lɛf am af we; i nɔ fit fɔ de ɔnda Gɔd in rul.”

will be added

X\