DUKU 8

1I nɔ tu te, Jizɔs ɛn in lanin bɔy dɛn go na dɛn tɔng ɛn dɛn vilej go tɛl di pipul dɛn di Gud Nyus bɔt Gɔd in rul. 2Sɔm uman dɛn bin de wit Jizɔs; na uman dɛn we Jizɔs bin dɔn mɛn, sɔm bin sik ɛn sɔm bin gɛt dɛbul. Sɔm pan dɛn uman ya na bin Meri we kɔmɔt Magdala, da uman we Jizɔs pul sɛvin dɛbul kɔmɔt pan; 3Joana, we in man we nem Chuza, bin de wok fɔ Ɛrɔd; wit Suzana ɛn plɛnti ɔda uman dɛn we bin de pul pan wetin dɛn gɛt gi Jizɔs ɛn in lanin bɔy dɛn. 4Bɔku pipul kɔmɔt na ɔl dɛn tɔng fɔ kam yɛri Jizɔs. Na de Jizɔs pul wan pare bul, i se: 5“Wan fama bin de plant sid. Wɛn i de skata di sid dɛn, sɔm fɔdɔm na di rod; pipul mas sɔm ɛn dɛn bɔd it sɔm. 6Sɔm fɔdɔm pan sto nston. Dɛn bɔs ɛn bigin fɔ gro bɔt dɛn wida ɛn day bikɔs di grɔn nɔ bin gɛt wata. 7Sɔm fɔdɔm pan chu kchuk bush. Di chu kchuk bush gro ɛn kɔba di tin we bɔs. 8Sɔm sid fɔdɔm na gud grɔn, dɛn gro ɛn bia plɛnti plɛnti.” Wɛn Jizɔs dɔn pul dis pare bul dɔn, i se, “Udat gɛt yes fɔ yɛri, mek i yɛri.” 9Jizɔs in lanin bɔy dɛn aks am wetin di pare bul we i pul, min. 10Jizɔs ansa dɛn se, “Gɔd dɔn gi una di chans fɔ no dɛn sikrit tin bɔt Gɔd in rul, bɔt fɔ dɛn ɔda pipul na pare bul a de pul, so dat dɛn go luk bɔt dɛn nɔ go si; dɛn go yɛri, bɔt dɛn nɔ go ɔnda stand. 11“Na di pare bul in minin dis: Di sid dɛn na Gɔd in wɔd. 12Dɛn sid we fɔdɔm na di rod na dɛn pipul we yɛri Gɔd in wɔd; Setan kam pul di wɔd kɔmɔt na dɛn at fɔ mek dɛn nɔ go biliv Gɔd we de sev dɛn. 13Dɛn sid we fɔdɔm pan sto nston na dɛn pipul we yɛri Gɔd in wɔd; dɛn gladi ɛn biliv am, bɔt dɛn tan lɛkɛ tin we fɔ gro bɔt we nɔ gɛt rut; dɛn kin biliv fɔs, bɔt wɛn Setan tray dɛn lili bit nɔmɔ, dɛn nɔba biliv igen. 14Dɛn wan we fɔdɔm pan chu kchuk bush na dɛn pipul we yɛri Gɔd in wɔd bɔt waala, jɛntri, ɛn ɛnjɔymɛnt na wɔl kil di wɔd na dɛn at ɛn mek dɛn nɔ ebul du plɛnti tin fɔ Gɔd. 15Dɛn sid we fɔdɔm na gud grɔn na dɛn pipul we yɛri Gɔd in wɔd; dɛn kip di wɔd na dɛn at ɛn du wetin Gɔd in wɔd se. Dɛn nɔ tap fɔ biliv pan ɔl we Setan tray dɛn ɛn dɛn mek plɛnti ɔda pipul biliv. 16“Nɔbɔdi nɔ de layt lamp ɛn kɔba am ɔ put am ɔnda tebul. I de put am pantap tebul fɔ mek ɔlman we de kam insay di os go si. 17“Natin nɔ de we ayd we pɔsin nɔ go no bɔt ɛn natin nɔ de we pɔsin du na dak, we nɔ go kɔmɔt na layt. 18“Una tek tɛm lisin. Ɛnibɔdi we gɛt sɔntin, Gɔd go gi am mɔ; bɔt pɔsin we nɔ gɛt, di lili bit sɛf we i tink se in gɛt, Gɔd go tek am.” 19Jizɔs in mama ɛn in brɔda dɛn kam to am bɔt dɛn nɔ bin ebul go klos am bikɔs pipul bin plɛnti rawnd am. 20Sɔmbɔdi tɛl Jizɔs se, “Yu mama ɛn yu brɔda dɛn de na do, dɛn want si yu.” 21Jizɔs ansa dɛn se, “Na dɛn wan we yɛri Gɔd in wɔd ɛn du wetin i tɛl dɛn fɔ du, na dɛn na mi mama ɛn mi brɔda dɛn.” 22Wan de, Jizɔs go insay wan bot wit in lanin bɔy dɛn. I tɛl dɛn mek dɛn krɔs di wata go oba say. 23Wɛn di bot de go, Jizɔs bin de slip insay di bot. Wantɛm, big briz bigin blo we mek wata ful insay di bot te i want sink. 24Na in di lanin bɔy dɛn go wek Jizɔs. Dɛn ala se, “Masta, Masta, na day wi de day so!” Jizɔs grap, i tɛl di big briz ɛn di swɛlin dɛn fɔ stɛdi; na de di briz tap fɔ blo wantɛm ɛn di swɛlin dɛn go dɔng. 25Jizɔs aks in lanin bɔy dɛn se, “Wetin mek una nɔ biliv pan Gɔd?” Ɔl di lanin bɔy dɛn wɔnda, dɛn fred, dɛn bigin tɔk saful se, “Uskayn man dis? I de tɛl briz ɛn wata wetin dɛn fɔ du ɛn dɛn de du am!” 26Jizɔs ɛn in lanin bɔy dɛn tek bot krɔs go oba na wan kɔntri we dɛn Gara zi nis pipul bin de. Dis kɔntri ya fesin Galili. 27Wɛn dɛn rich de, wan man we kɔmɔt na di tɔng kam mit Jizɔs. Di man bin gɛt dɛbul insay am. I bin dɔn te we i nɔ wɛr klos. I nɔ bin de na os, na bɛri ngrɔn i bin de slip. 28As di man si Jizɔs, i ala big wan ɛn fɔdɔm na Jizɔs in fut. I ala se, “Jizɔs, yu we na Gɔd we pas ɔl, in Pikin, wetin yu want du mi? A de beg yu, duya, nɔ mek a sɔfa!” 29Di man tɔk so bikɔs Jizɔs bin dɔn tɛl di dɛbul we bin de insay am fɔ kɔmɔt insay am. Plɛnti tɛm di dɛbul kin fos di man fɔ rɔnawe go na ples we pipul nɔ de. Ilɛk aw dɛn tay in fut ɛn in an dɛn wit ayɛn chen ɛn gyad am, i kin kɔt di chen dɛn ɛn di dɛbul kin mek i rɔnawe. 30Jizɔs aks am se, “Wetin na yu nem?” I ansa Jizɔs se, “A nem Plɛnti, Plɛnti Soja man;” i tɔk dat bikɔs plɛnti dɛbul bin de insay am. 31Di dɛbul dɛn beg Jizɔs fɔ mek i nɔ drɛb dɛn go na di Big Ol. 32Plɛnti ɔg dɛn bin de it na wan il, di dɛbul dɛn beg Jizɔs fɔ mek i sɛn dɛn go insay di ɔg dɛn; Jizɔs gri. 33Di dɛbul dɛn kɔmɔt insay di man ɛn rɔn go insay di ɔg dɛn. Di ɔg dɛn tek spid rɔn dɔng di il go fɔdɔm insay di wata ɛn drawn. 34Wɛn dɛn pipul we bin de mɛn di ɔg dɛn si wetin bi, dɛn rɔn go tɛl ɔlman na di kɔntri. 35Plɛnti pipul rɔn go fɔ go luk. Dɛn mit di man we di dɛbul dɛn kɔmɔt insay sidɔm de lisin to Jizɔs. I wɛr klos ɛn i soba. We di pipul dɛn si dat, dɛn fred. 36Dɛn pipul we bin de we Jizɔs de drɛb di dɛbul dɛn kɔmɔt insay di man, tɛl di ɔda wan dɛn aw Jizɔs drɛb di dɛbul dɛn. 37Ɔl di pipul dɛn na Gara zi nis fred bad, so dɛn tɛl Jizɔs fɔ kɔmɔt na dɛn kɔntri. So Jizɔs go insay di bot ɛn go bak na di ples we i bin kɔmɔt. 38Di man we Jizɔs mɛn beg fɔ fala Jizɔs go. Jizɔs nɔ gri fɔ mek i fala am go. I tɛl am mek 39i go to in pipul dɛn ɛn tɛl dɛn wetin Gɔd dɔn du fɔ am. Di man go ɔlɔbɔt na di tɔng ɛn tɛl ɔlman wetin Jizɔs du fɔ am. 40Wɛn Jizɔs rich na di ɔda say, di pipul dɛn kam mit am wit gladi. Dɛn ɔl bin dɔn de wet fɔ mek i kam. 41Wan bigman na di Ju mitin os we nem Jayrɔs, kam fɔdɔm na Jizɔs in fut ɛn beg am fɔ fala am go na in os. 42Jayrɔs in wan gren gyal pikin we bin ol twɛlv ia, bin dɔn de day. Jizɔs fala Jayrɔs go. Wɛn Jizɔs de go, plɛnti pipul bin de rawnd am, dɛn ɔl bin de go wit am. 43Wan uman bin de na di krawd we bin de blid fɔ twɛlv ia ɛn nɔbɔdi nɔ bin ebul mɛn am. 44Di uman go biɛn Jizɔs ɛn tɔch di bɔtɔm pat pan in klos. Wantɛm, wantɛm so, di blid we i de blid, tap. 45Jizɔs aks di pipul dɛn se, “Udat tɔch mi klos?” Nɔbɔdi nɔ ansa am. Na in Pita tɔk se, “Masta, yusɛf si ɔl dɛn pipul ya we de klos yu de push, yu de aks u ol yu?” 46Bɔt Jizɔs se, “Sɔmbɔdi tɔch mi klos. A no dat bikɔs pawa dɔn kɔmɔt pan mi!” 47Di uman we tɔch Jizɔs si se Jizɔs no wetin i du. I bigin tri mbul ɛn kam fɔdɔm na Jizɔs in fut, ɛn tɔk bifo ɔlman wetin du i tɔch Jizɔs ɛn aw i wɛl as i tɔch Jizɔs so. 48Jizɔs tɛl di uman se, “Mi pikin, bikɔs yu biliv, yu dɔn wɛl. Go naw wit kol at, ya!” 49Wɛn Jizɔs bin de tɔk, Jayrɔs in bɔy kam mit Jayrɔs ɛn tɛl am se in pikin dɔn day so mek i nɔ wɔri Jizɔs igen. 50We Jizɔs yɛri se di pikin dɔn day, i se, “Jayrɔs, nɔ fred, yu jɛs biliv nɔmɔ, yu pikin go grap bak!” 51Wɛn dɛn rich na di os, Jizɔs nɔ gri fɔ mek ɔlman go insay; i kɔl Pita, Jɔn, Jems ɛn di pikin in mama ɛn in papa mek dɛn go insay di os wit am. 52Ɔl di pipul dɛn na di os bin de kray lawd wan fɔ di pikin. Jizɔs se, “Una nɔ kray, di pikin nɔ day, i jɛs de slip.” 53Di pipul dɛn laf Jizɔs bikɔs dɛn bin no se di pikin dɔn day. 54Jizɔs ol di pikin in an ɛn se, “Mi pikin, grap!” 55Wantɛm, wantɛm, layf kam insay di pikin bak ɛn i grap. Jizɔs tɛl dɛn fɔ gi di pikin it. 56Di pikin in mama ɛn in papa wɔnda! Jizɔs tɛl dɛn mek dɛn nɔ tɛl ɛnibɔdi wetin bi.

will be added

X\