DUKU 4

1Wɛn Jizɔs kɔmɔt insay Riva Jɔdan, Gɔd in Spirit bin de insay am, di Spirit kɛr am go na di dɛzat we de na Judia ɛn i de wit am fɔti de, ɔl di tɛm we 2Setan bin de tray fɔ mek Jizɔs du bad. Jizɔs bin angri bad we i dɔn de fɔti de, i nɔ it natin. 3Setan tɛl am se, “If yu na Gɔd in Pikin, mek dis ston ya tɔn bred.” 4Jizɔs ansa am se, “Dɛn rayt na Gɔd in Buk se nɔto tin fɔ it nɔmɔ de mek pɔsin liv.” 5Setan kɛr Jizɔs go ɔp wan ay il ɛn sho am ɔl dɛn kɔntri na di wɔl, i nɔ te lɔng sɛf. 6I se, “A go gi yu di rayt fɔ rul oba ɔl dɛn kɔntri ya ɛn mek yu ɛnjɔy ɔl dɛn gud tin we lib de we de mek pipul gladi. Dɛn tin ya dɔn kam na mi an naw ɛn a go pas am gi ɛnibɔdi we a lɛk. 7A go gi yu ɔl dɛn tin ya if yu go se mi na yu masta.” 8Jizɔs se, “Dɛn rayt na Gɔd in Buk se, ‘Pɔsin fɔ nil dɔng bifo Gɔd we na in Masta nɔmɔ ɛn pre to am, ɛn na in wan gren i fɔ wok fɔ.’ ” 9Setan kɛr Jizɔs go Jerusɛlɛm ɛn mek i tinap pantap di tawa we de na Gɔd in Os. I tɛl Jizɔs se, “If yu na Gɔd in Pikin, ib yusɛf dɔng. 10Dɛn rayt na Gɔd in Buk se, ‘Gɔd go mek in enjɛl dɛn gyad yu fɔ mek natin nɔ du yu,’ 11ɛn igen, ‘Yu go fɔdɔm insay dɛn an fɔ mek yu fut sɛf nɔ wund pan ston.’ ” 12Jizɔs ansa am se, “Dɛn rayt na Gɔd in Buk se, ‘Pɔsin nɔ fɔ tray fɔ mek Gɔd we na in Masta du wetin in want.’ ” 13Wɛn Setan dɔn tray fɔ mek Jizɔs du bad ɔl kayn we, ɛn i nɔ ebul, i lɛf Jizɔs lili bit fɔs. 14Jizɔs tɔn bak go Galili wit di pawa we Gɔd in Spirit gi am. Ɔlman bigin tɔk bɔt am ɔlsay na dɛn tɔng ɛn dɛn vilej we de klos Galili. 15Jizɔs bin de lan di pipul dɛn na di Ju mitin os ɛn dɛn ɔl prez am. 16Jizɔs go Nazarɛt. Na di tɔng dat we i de frɔm we i lili te i big. Wɛn di de fɔ pre ɛn blo, kam, i go na di Ju mitin os lɛkɛ aw i bin dɔn yus fɔ du. I tinap fɔ rid Gɔd in Buk to di pipul dɛn. 17Dɛn gi am Ayzaya we na bin prɔfɛt in buk fɔ rid. Jizɔs opin di buk na di ples we Ayzaya rayt se: 18“Gɔd in Spirit de wit mi, bikɔs Gɔd dɔn pik mi fɔ mek a tɛl dɛn po pipul di Gud Nyus. I sɛn mi fɔ mek a tɛl dɛn slev se dɛn go fri ɛn dɛn blɛnyay pipul se dɛn go si. I sɛn mi fɔ fri dɛn wan we de lɛkɛ slev, 19ɛn fɔ mek a tɛl ɔlman se di tɛm dɔn kam we Gɔd go sev in pipul dɛn.” 20Jizɔs lɔk di buk ɛn gi di man we de luk di ples; dɛn i sidɔm. Ɔlman we bin de na di Ju mitin os bin de luk Jizɔs gud, dɛn bin de lisin to am. 21I se, “Dis pat pan Gɔd in Buk we a rid, dɔn bi, fɔ tru, tide, jɛs lɛkɛ aw una dɔn yɛri.” 22Dɛn ɔl tɔk gud bɔt Jizɔs ɛn di fayn fayn wɔd dɛn we i tɔk mek dɛn wɔnda. Dɛn se, “Nɔto Josɛf in pikin dis?” 23Jizɔs se, “A shɔ se una go pul pare bul pan mi se, ‘Dɔkta, mɛn yusɛf!’ Una go want tɛl mi se mek a du ɔl dɛn wɔnda ful wok we una yɛri se a du na Kepanyɔm, na mi yon tɔng.” 24Jizɔs se, “A de tɛl una se prɔfɛt nɔ gɛt rɛspɛkt na di tɔng we i bɔn.” 25“Una lisin mi; di tɛm we Ila yja bin de na Izrɛl, ren nɔ kam fɔ tri ia ɛn siks mɔnt ɛn bad angri bin de na di kɔntri, ɛn plɛnti uman we dɛn man bin dɔn day bin de na Izrɛl. 26Gɔd nɔ sɛn Ila yja to ɛni wan pan dɛn uman ya, pas to Zare fat we bin de na Saydɔn. 27Da tɛm we Ila ysha bin de na Izrɛl, plɛnti pipul we bin gɛt bad sik na dɛn skin bin de na Izrɛl, bɔt nɔto dɛn ɔl i mɛn, na Neman nɔmɔ we kɔmɔt Sirya, i mɛn.” 28Wɛn di pipul dɛn we bin de na di Ju mitin os yɛri dat, dɛn ɔl vɛks. 29Dɛn grap ɛn drɛb Jizɔs kɔmɔt na di tɔng. Dɛn drɔ am go ɔp ɔp di il we dɛn tɔng bin de pan ɛn dɛn bin want push am mek i fɔdɔm go dɔng di il. 30Bɔt Jizɔs pas midul dɛn ɛn go. 31Jizɔs go Kepanyɔm we de na Galili. I bin de lan di pipul dɛn di de fɔ pre ɛn blo. 32Ɔl di pipul dɛn wɔnda bikɔs Jizɔs bin de lan dɛn lɛkɛ pɔsin we gɛt di rayt fɔ lan pipul dɛn tin ya. 33Wan man bin tap na di Ju mitin os we bin gɛt dɛbul insay am. I ala big wan se, 34“Jizɔs, we kɔmɔt Nazarɛt, us biznɛs yu gɛt wit wi? Yu kam ya fɔ kil wi? A no udat na yu, a no se yu kɔmɔt to Gɔd ɛn yu dɔn gi Gɔd yu layf fɔ tru.” 35Jizɔs tɔk pan di dɛbul. I se, “Lɛf fɔ tɔk ɛn kɔmɔt insay dis man!” Di dɛbul ib di man na grɔn bifo di pipul dɛn ɛn kɔmɔt insay am, bɔt i nɔ du di man natin. 36Dɛn ɔl wɔnda ɛn bigin tɔk se, “Uskayn wɔd dɛn wan ya? Dis man de tɔk lɛkɛ pɔsin we gɛt di rayt ɛn pawa fɔ tɛl di dɛbul dɛn wetin dɛn fɔ du ɛn dɛn de kɔmɔt wantɛm!” 37Pipul bigin tɔk ɔlɔbɔt na dɛn tɔng ɛn dɛn vilej we de klos da eria de bɔt di wɔnda ful wok we Jizɔs du. 38Jizɔs kɔmɔt na di Ju mitin os, i go na Saymɔn in os. Saymɔn in mɔdɛnlɔ bin gɛt ay fiva. Dɛn beg Jizɔs fɔ mɛn di sik uman. 39Jizɔs go tinap klos di bed ɛn tɛl di fiva mek i kɔmɔt pan di uman. Di fiva kɔmɔt pan am ɛn di uman grap wantɛm ɛn go fɛn sɔntin fɔ dɛn fɔ it. 40Da sem de de, ivintɛm, dɛn bin bring pipul we bin gɛt ɔl kayn sik kam to Jizɔs. I le in an pan ɔl di sik pipul dɛn ed, wan bay wan, ɛn dɛn ɔl wɛl. 41Dɛbul dɛn bin kɔmɔt pan plɛnti pipul ɛn ala se, “Fɔ tru, yu na Gɔd in Pikin.” Jizɔs tɔk pan di dɛbul dɛn fɔ mek dɛn sɛt mɔt ɛn i nɔ gri mek dɛn tɔk natin, bikɔs dɛn bin no se in na di Mɛsaya. 42Wɛn do klin, Jizɔs kɔmɔt na di tɔng go na wan ples we pipul nɔ de. Di pipul dɛn we i bin de wit bigin luk fɔ am ɔlɔbɔt. Wɛn dɛn si am, dɛn tɛl am mek i nɔ lɛf dɛn go igen. 43Bɔt Jizɔs tɛl dɛn se in fɔ go na dɛn ɔda tɔng fɔ tɛl dɛn ɔda pipul di Gud Nyus bɔt Gɔd in rul bikɔs na dat Gɔd sɛn am fɔ kam du na wɔl. 44Jizɔs bin de go na ɔl dɛn Ju mitin os, na Judia, de tɛl pipul di Gud Nyus.

will be added

X\