DUKU 3

1Di ia we mek fiftin we di king na Rom we nem King Taybiryɔs bin dɔn de na pawa, Pɔnchɔs Paylet na bin gɔvna na Judia ɛn Ɛrɔd bin de rul na Galili. Ɛrɔd in brɔda we nem Filip bin de rul na Itu riya ɛn Tra ko na ytis. Laysenyɔs bin de rul na Abi lini. 2Anas ɛn Kaye fas dɛn na bin di bigman dɛn we de mek sakri fays fɔ pipul sin. Da sem tɛm de, Gɔd gi Jɔn we na Zaka raya in pikin in mɛsej fɔ tɛl pipul. Wɛn dat bi, Jɔn bin tap na di dɛzat. 3Jɔn bigin waka go ɔlsay na dɛn ples we de klos Riva Jɔdan de tɛl pipul se, if dɛn lɛf fɔ du bad ɛn mek i baptayz dɛn, Gɔd go padin dɛn fɔ di bad we dɛn de du. 4Jɔn du jɛs lɛkɛ wetin di prɔfɛt we nem Ayzaya bin rayt na in buk, we i se: “Sɔmbɔdi de tɔk lawd na di dɛzat se, ‘Una klia di rod we di Masta go pas ɛn mek di rod tret fɔ am fɔ waka. 5Ɔl dɛn vali go ful kam ɔp te dɛn lɛvul, ɔl dɛn ay il ɛn smɔl il go tɔn flat grɔn. Dɛn bɛn rod go tret, dɛn stonston rod go lɛbul. 6Ɔlman na wɔl go si aw Gɔd de sev in pipul dɛn.’ ” 7Plɛnti pipul kam to Jɔn fɔ mek i baptayz dɛn. Jɔn tɔk pan dɛn, i se, “Una dɛn snek ya, we de pɔyzin di wɔl, udat tɛl una fɔ rɔn kɔmɔt pan di trɔbul ɛn waala we Gɔd want bring fɔ pɔnish una? 8Una fɔ lɛf fɔ du dɛn tin we nɔ rayt na Gɔd yay ɛn du dɛn tin we go sho se una dɔn lɛf fɔ du dɛn. Una lɛf fɔ se, ‘Wi na Ebraam in gra npi kin-pi kin dɛn.’ Dat nɔ go sev una. A de tɛl una se Gɔd ebul fɔ tek pan dɛn ston ya ɛn tɔn dɛn to Ebraam in gra npi kin-pi kin dɛn. 9Di aks we fɔ tek kɔt di tik dɛn rut dɔn rɛdi naw; ɔl dɛn tik we nɔ de bia gud tin fɔ it, dɛn go kɔt dɛn ɛn trowe dɛn na faya.” 10Di pipul dɛn se, “Wetin wi fɔ du naw?” 11Jɔn ansa dɛn se, “Ɛnibɔdi we gɛt tu klos, fɔ gi pɔsin we nɔ gɛt, wan. Semwe so, pɔsin we gɛt tin fɔ it, fɔ sheb am wit in kɔmpin we nɔ gɛt.” 12Sɔm pan dɛn pipul we de gɛda taks dɛnsɛf kam fɔ mek Jɔn baptayz dɛn. Dɛn aks Jɔn se, “Wetin wi fɔ du, sa, fɔ sho se wi dɔn lɛf fɔ du bad?” 13Jɔn ansa dɛn se, “Una nɔ fɔ tek pas wetin di Roman gɔvmɛnt tɛl una fɔ tek.” 14Dɛn soja man dɛnsɛf se, “We wi, wetin wi fɔ du, sa?” Jɔn ansa se, “Una nɔ fɔ fɛt pipul tek dɛn kɔpɔ, una nɔ fɔ lay pan pipul fɔ mek una gɛt mɔni. Una fɔ sati sfay wit di mɔni we dɛn pipul we una de wok fɔ de pe una.” 15Ɔlman bin de wet fɔ mek di Mɛsaya kam ɛn dɛn bin de wɔnda if Jɔn na di Mɛsaya. 16Jɔn se, “A de baptayz wit wata nɔmɔ, bɔt pɔsin we gɛt pawa pas mi de kam. A nɔ fit sɛf fɔ lus in sus. I go baptayz una wit Gɔd in Spirit ɛn wit faya. 17I ol tin lɛkɛ lɔng fɔk na in an fɔ tek pul di cha fchaf kɔmɔt pan di wit. I go gɛda in wit put am na sto, bɔt i go bɔn di cha fchaf na faya we nɔ de tap fɔ bɔn.” 18Jɔn lan dɛn plɛnti ɔda tin ɛn tɛl dɛn bɔt Jizɔs. 19Jɔn bin tɔk pan Ɛrɔd we bin de rul Galili bikɔs i bin mared Ɛro dias, we na bin in brɔda wɛf, ɛn fɔ ɔl di plɛnti bad tin dɛn we i bin de du. 20Pantap ɔl dɛn ɔda bad tin we Ɛrɔd bin de du, i mek dɛn ol Jɔn ɛn put am na jel! 21Wɛn Jɔn bin dɔn baptayz ɔl di pipul dɛn dɔn, na in i baptayz Jizɔs insɛf. Wɛn Jizɔs bin de pre, ɛvin opin 22ɛn Gɔd in Spirit tek dɔv shep kam dɔng pan am ɛn dɛn yɛri vɔys we kɔmɔt na ɛvin de tɔk se, “Yu na mi yon Pikin we a lɛk ɛn a gladi fɔ yu!” 23Jizɔs bin dɔn ol lɛkɛ tati ia so we i bigin fɔ du di wok we Gɔd sɛn am fɔ du na dis wɔl. Pipul bin tink se Josɛf na bin Jizɔs in papa. Josɛf in papa bin nem Ilay, Ilay in papa bin nem Matat, 24Matat in papa bin nem Livay, Livay in papa bin nem Mɛlkay, Mɛlkay in papa bin nem Jana, Jana in papa bin nem Josɛf, 25Josɛf in papa bin nem Mata ta yas, Mata ta yas in papa bin nem Emɔs, Emɔs in papa bin nem Neɔm, Neɔm in papa bin nem Ɛslay, Ɛslay in papa bin nem Nagay, 26Nagay in papa bin nem Meat, Meat in papa bin nem Mata ta yas, Mata ta yas in papa bin nem Sɛmɛin, Sɛmɛin in papa bin nem Josɛk, Josɛk in papa bin nem Joda, 27Joda in papa bin nem Joe nan, Joe nan in papa bin nem Resa, Resa in papa bin nem Zɛru babɛl, Zɛru babɛl in papa bin nem Shiɛltiɛl, Shiɛltiɛl in papa bin nem Niray, 28Niray in papa bin nem Mɛlkay, Mɛlkay in papa bin nem Aday, Aday in papa bin nem Kosam, Kosam in papa bin nem Ɛlmo dam, Ɛlmo dam in papa bin nem Ir, 29Ir in papa bin nem Jɔshwa, Jɔshwa in papa bin nem Ɛlie zir, Ɛlie zir in papa bin nem Jorim, Jorim in papa bin nem Matat, Matat in papa bin nem Livay, 30Livay in papa bin nem Simyɔn, Simyɔn in papa bin nem Juda, Juda in papa bin nem Josɛf, Josɛf in papa bin nem Jonam, Jonam in papa bin nem Ɛla ya kim, 31Ɛla ya kim in papa bin nem Milɛa, Milɛa in papa bin nem Mina, Mina in papa bin nem Matata, Matata in papa bin nem Netan, Netan in papa bin nem Devid, 32Devid in papa bin nem bin Jɛsi, Jɛsi in papa bin nem Obɛd, Obɛd in papa bin nem Boaz, Boaz in papa bin nem Salmɔn, Salmɔn in papa bin nem Nashɔn, 33Nashɔn in papa bin nem Ami na dab, Ami na dab in papa bin nem Admin, Admin in papa bin nem Ani, Ani in papa bin nem Ɛzrɔn, Ɛzrɔn in papa bin nem Pɛrɛz, Pɛrɛz in papa bin nem Juda, 34Juda in papa bin nem Jekɔb, Jekɔb in papa bin nem Ayzik, Ayzik in papa bin nem Ebraam, Ebraam in papa bin nem Tɛra, Tɛra in papa bin nem Naɔ, 35Naɔ in papa bin nem Serug, Serug in papa bin nem Ru, Ru in papa bin nem Peleg, Peleg in papa bin nem Ibɔ, Ibɔ in papa bin nem Shila, 36Shila in papa bin nem Kea ynan, Kea ynan in papa bin nem Afa ksad, Afa ksad in papa bin nem Shɛm, Shɛm in papa bin nem Noa, Noa in papa bin nem Lamɛk, 37Lamɛk in papa bin nem Metusɛla, Metusɛla in papa bin nem Inɔk, Inɔk in papa bin nem Jerɛd, Jerɛd in papa bin nem Maa la lil, Maa la lil in papa bin nem Kea ynan, 38Kea ynan in papa bin nem Inɔsh, Inɔsh in papa bin nem Sɛth, Sɛth in papa bin nem Adam, Adam in papa na Gɔd.

will be added

X\