DUKU 20

1Wan ɔda de, we Jizɔs bin de lan pipul ɛn tɛl dɛn di Gud Nyus na Gɔd in Os, na in dɛn edman fɔ dɛn man we de mek sakri fays fɔ pipul sin, dɛn Ju Lɔ ticha, ɛn di ɔda Ju bigman dɛn kam mit am 2ɛn se, “Tɛl wi, us rayt yu gɛt fɔ du dɛn tin ya ɛn udat gi yu di rayt fɔ du dɛn?” 3Jizɔs ansa dɛn se, “Mek misɛf aks una wan kwɛshɔn; una tɛl mi, 4udat bin sɛn Jɔn fɔ baptayz pipul, na Gɔd ɔ na mɔta lman?” 5Dɛn se, “If wi ansa se, ‘Na Gɔd sɛn am,’ Jizɔs go se, ‘Wɛl, wetin mek una nɔ bin biliv am?’ 6If wi se, ‘Na mɔta lman sɛn am’ ɔl di pipul dɛn go ston wi bikɔs dɛn biliv se Jɔn na bin prɔfɛt.” 7So dɛn ansa Jizɔs se dɛn nɔ no udat sɛn Jɔn fɔ baptayz pipul. 8Jizɔs tɛl dɛn se, “Wɛl, misɛf nɔ go tɛl una udat gi mi di rayt fɔ du dɛn tin ya.” 9Jizɔs pul pare bul fɔ di pipul dɛn, i se: “Wan man plant gre pvayn na in gadin ɛn rɛnt am gi sɔm pipul, dɔn i go patrol na ɔda kɔntri. I lib de lɔng. 10Wɛn di tɛm rich fɔ pik di greps na in gadin, i sɛn in bɔy to di pipul dɛn we rɛnt di gadin fɔ aks dɛn fɔ gi am sɔm pan di greps, bɔt di pipul dɛn bit di bɔy we i sɛn, dɔn dɛn drɛb am kɔmɔt na di gadin, dɛn nɔ gi am natin. 11Di man sɛn ɔda bɔy; dɛn bit insɛf, disgres am, ɛn drɛb am. Dɛn nɔ gi insɛf natin. 12Di man sɛn ɔda bɔy igen, dɛn wund am ɛn drɛb am kɔmɔt na di gadin. 13Di man we gɛt di gadin se, ‘Wetin a fɔ du naw? A go sɛn mi bɔy pikin we a lɛk, sɔntɛm dɛn go rɛspɛkt am wɛn dɛn si se na mi pikin.’ 14Wɛn di pipul dɛn we rɛnt di gadin si di pikin, dɛn se, ‘Na dis pikin dis prɔpati ya go lɛf to. Lɛ wi kil am so dat di prɔpati go kam na wi an.’ 15Dɛn drɛb di man in pikin kɔmɔt na di gadin dɔn dɛn kil am.” So Jizɔs aks dɛn se, “Wetin una tink se di man we gɛt di gadin go du dɛn pipul ya? 16I go kam kil dɛn ɔl ɛn rɛnt di gadin gi ɔda pipul.” Wɛn di pipul dɛn yɛri wetin Jizɔs tɔk, dɛn se, “Lɛ Gɔd nɔ mek dat bi!” 17Bɔt Jizɔs luk dɛn ɛn aks dɛn se, “Aw una go ɛksplen wetin rayt na Gɔd in Buk we se, ‘Da ston we dɛn pipul we de bil nɔ tek mek natin, na in dɔn kam bi di wan we impɔtant pas ɔl di ɔda wan dɛn.’ 18Ɛnibɔdi we fɔdɔm pan dis ston ya go brok in bon dɛn ɛn if di ston fɔdɔm pan ɛnibɔdi, i go gren di pɔsin.” 19Da sem tɛm de, dɛn Ju Lɔ ticha ɛn dɛn bigman we de mek sakri fays fɔ pipul sin tray fɔ ol Jizɔs bikɔs dɛn kechɔp se na fɔ dɛn Jizɔs pul di pare bul, bɔt dɛn nɔ ol am bikɔs dɛn bin de fred di pipul dɛn we bin lib de. 20So dɛn bigin wach Jizɔs, ɛn dɛn sɛn ɔda pipul fɔ wach am. Dɛn tɛl di pipul dɛn we dɛn sɛn, fɔ mek lɛkɛ se dɛn na gud pipul, so dat dɛn go tek di wɔd dɛn we Jizɔs de tɔk kech am ɛn dɛn go kɛr am go bifo di bigman we de rul fɔ mek i go jɔj am. 21Di pipul dɛn we go fɔ wach Jizɔs tɛl am se, “Ticha, wi no se ɔl wetin yu de tɔk ɛn lan wi na tru ɛn yu nɔ tek ɛnibɔdi pas in kɔmpin. Wetin Gɔd want mɔta lman fɔ du, na in yu de lan wi, fɔ tru.” 22Dɛn aks am se, “I rayt fɔ mek wi pe taks to di king na Rom ɔ i nɔ rayt?” 23Bɔt Jizɔs bin no se na sɛns dɛn want pul pan am fɔ kech am, so i se, 24“Una go bring wan Roman kɔpɔ kam. Udat in pikchɔ de pan dis kɔpɔ ya ɛn udat in nem rayt de?” Dɛn se, “Na di king na Rom in yon.” 25Jizɔs se, “Una gi di king na Rom wetin blant am ɛn una gi Gɔd wetin blant Gɔd.” 26Dɛn nɔ ebul kech Jizɔs fɔ wetin i tɔk we di pipul dɛn bin de; di wɔd we Jizɔs tɔk mek dɛn wɔnda ɛn dɛn nɔ ebul tɔk natin igen. 27Sɔm Sadyusi dɛn kam mit Jizɔs; di Sadyusi dɛn bin biliv se pɔsin we dɔn day nɔ go rayz frɔm in grev. 28Dɛn aks Jizɔs se, “Ticha, Mozis bin rayt se, ‘If pɔsin in brɔda day ɛn lɛf wɛf we nɔ bɔn pikin, di man fɔ mared di uman fɔ mek dɛn bɔn pikin fɔ di brɔda we dɔn day.’ 29Sɛvin brɔda bin de, di fɔs wan mared, i day, i nɔ lɛf pikin. 30Di ɔda brɔda mared di wɛf we i day lɛf, insɛf day, i nɔ lɛf pikin. 31Di brɔda we mek tri insɛf mared di uman, insɛf day, na di sem tin bi wit ɔl di sɛvin brɔda dɛn. Dɛn ɔl mared di uman wan afta dɛn kɔmpin, dɛn ɔl day, dɛn nɔ lɛf pikin. 32Di uman insɛf kam day. 33Di tɛm we dɛn pipul we dɔn day go rayz frɔm dɛn grev, udat go gɛt di uman fɔ in wɛf we dɛn ɔl sɛvin bin dɔn mared am?” 34Jizɔs ansa dɛn se, “Dɛn pipul na dis wɔl de mared; 35bɔt dɛn pipul we Gɔd si se fit fɔ rayz frɔm dɛn grev go na ɛvin, nɔ de mared. 36Dɛn nɔ go day igen bikɔs dɛn tan lɛkɛ enjɛl naw ɛn dɛn na Gɔd in pikin dɛn bikɔs dɛn bin dɔn day, bɔt naw dɛn dɔn gɛt layf bak na ɛvin. 37Mozis insɛf sho se dɛn dayman de rayz frɔm dɛn grev go ɛvin bikɔs na da say we rayt na Gɔd in Buk bɔt da tɛm we i bin tinap bifo da smɔl tik we de bɔn, i bin se di Masta we na Gɔd, na Gɔd fɔ Ebraam, fɔ Ayzik, ɛn fɔ Jekɔb. 38If Gɔd na Gɔd fɔ wan pɔsin, dat min se da pɔsin de nɔto pɔsin we day bɔt na pɔsin we gɛt layf, ɛn di layf we wi gɛt we go de sote go na fɔ Gɔd.” 39Sɔm pan di Ju Lɔ ticha dɛn tɛl Jizɔs se, “Masta, yu ansa fayn.” 40Dɛn fred fɔ aks Jizɔs ɔda kwɛshɔn. 41Jizɔs aks dɛn se, “Aw dɛn pipul ya go se di Mɛsaya na wan pan Devid in gra npi kin-pi kin dɛn? 42Devid insɛf rayt na di Sambuk se, ‘Gɔd tɛl mi Masta se: Sidɔm na mi raytan 43sote a mek yu mas dɛn pipul we nɔ lɛk yu.’ 44If Devid kɔl am Masta, aw i go bi wan pan in gran pi kin-pi kin dɛn?” 45Jizɔs tinap bifo ɔl di pipul dɛn ɛn tɛl in lanin bɔy dɛn se, 46“Una fɔ tek tɛm wit dɛn Ju Lɔ ticha ya. Dɛn na pipul we lɛk fɔ wɛr dɛn lɔng gawn fɔ mek ɔlman no se dɛn na big man ɛn dɛn lɛk fɔ mek pipul tɛl dɛn adu na dɛn ples we plɛnti pipul gɛda. Wɛn dɛn go na di Ju mitin os, dɛn kin lɛk fɔ sidɔm na dɛn bɛnch we de bifo ɛn wɛn dɛn go pati, dɛn kin lɛk fɔ sidɔm na dɛn ples we dɛn bigman de sidɔm. 47Na dɛn pipul ya kin tek dɛn uman, we dɛn man dɔn day, dɛn prɔpati, ɛn dɛn kin tinap de pre lɔng lɔng lɛkɛ se dɛn na gud pipul. Gɔd go pɔnish dɛn pas aw i go pɔnish ɔda pipul.”

will be added

X\