DUKU 19

1Wɛn Jizɔs bin pas na Jɛriko, i bin mit wan man we nem Zakiɔs. 2Zakiɔs na bin di edman fɔ dɛn pipul we bin de gɛda taks ɛn na bin jɛntri man. 3I tray fɔ si Jizɔs bɔt i nɔ bin ebul si am bikɔs pipul bin plɛnti rawnd Jizɔs, ɛn i bin shɔt. 4So i rɔn go bifo say na di rod we Jizɔs fɔ pas ɛn klem pan wan big tik. 5Wɛn Jizɔs rich nia di tik we Zakiɔs bin de, i luk ɔp di tik ɛn se, “Zakiɔs, kam dɔng wantɛm bikɔs a mɔs slip na yu os.” 6So Zakiɔs kam dɔng kwik, i gladi fɔ kɛr Jizɔs go na in os. 7Wɛn di pipul dɛn si wetin bi, dɛn bigin grɔmbul se, “Jizɔs dɔn go slip na man we de pan sin, in os.” 8Zakiɔs tɛl Jizɔs bifo ɔlman se, “Masta, a go sheb mi prɔpati tu ɛn gi dɛn po pipul wan pat, ɛn ɛni tin we a bin tek na pɔsin an we a nɔ bin fɔ tek a go gi di pɔsin fo tɛm pas wetin a bin tek na in an.” 9Jizɔs tɛl am se, “Frɔm tide, Gɔd dɔn sev yu ɛn yu fambul dɛn bikɔs yusɛf na wan pan Ebraam in gra npi kin-pi kin dɛn. 10Mɔta lman Pikin dɔn kam fɔ luk fɔ dɛn pipul we dɔn lɔs dɛn we, ɛn sev dɛn.” 11As di pipul dɛn de bin de lisin, Jizɔs pul wan ɔda pare bul bikɔs i bin de klos Jerusɛlɛm ɛn di pipul dɛn bin min se Gɔd go kam dɔng kam rul wantɛm. 12Jizɔs tɛl dɛn se, “Wan man we fambul to sɔm king dɛn bin go na wan fawe kɔntri fɔ mek dɛn go gi am di pawa fɔ bi king na in kɔntri; dɔn i go go bak na in kɔntri. 13Di man kɔl in tɛn wokman dɛn ɛn gi dɛn ɔl wan, wan gold kɔpɔ. I se, ‘Una tek dis kɔpɔ ɛn du biznɛs wit am sote a kam bak.’ 14Bɔt di pipul dɛn na di kɔntri nɔ bin lɛk di man, so dɛn sɛn mɛse nja go na di ɔda kɔntri we di man go fɔ go tɛl di wan we de rul de se dɛn nɔ want di man fɔ rul dɛn. 15“Wɛn di man tɔn bak kam na in kɔntri afta dɛn dɔn gi am di pawa fɔ bi king, i sɛn kɔl in wokman dɛn we i bin gi kɔpɔ fɔ mek dɛn kam tɛl am ɔmɔs dɛn dɔn gen. 16Wɛn di fɔs wokman kam, i se, ‘Masta, a dɔn gen tɛn gold kɔpɔ pantap da wan we yu bin gi mi.’ 17In masta tɛl am se, ‘Yu du wɛl, yu na gud wokman! Bikɔs a ebul trɔs yu pan smɔl tin, a go mek yu rul oba tɛn tɔng.’ 18Wɛn di sɛkɛn wokman kam, i se, ‘Masta, a dɔn gen fayv gold kɔpɔ pantap da wan we yu bin gi mi.’ 19In masta tɛl am se, ‘Yu go rul oba fayv tɔng.’ 20“Wan ɔda wokman kam tɛl di masta se, ‘Masta, ya da wan gold kɔpɔ we yu bin gi mi, a bin tay am ɛn kip am. 21A bin de fred yu bikɔs yu gɛt na an. Yu lɛk fɔ tek wetin nɔto yu yon ɛn yu lɛk fɔ pik wetin yu nɔ plant!’ 22In masta tɛl am se, ‘Yu na bad wokman! Na wetin yu yon mɔt tɔk, na in a de tek jɔj yu! Yu bin no se a gɛt na an; a kin tek wetin nɔto mi yon ɛn a kin pik wetin a nɔ plant, 23wetin du yu nɔ bin go put mi kɔpɔ na bank so dat bay di tɛm we a kam bak dɛn bin fɔ dɔn gi mi intrɛst pan am?’ 24“Na in di masta tɛl in savant dɛn we bin tinap de se, ‘Una tek di wan gold kɔpɔ na in an ɛn gi di man we gɛt tɛn gold kɔpɔ.’ 25In savant dɛn se, ‘Masta, di man gɛt tɛn gold kɔpɔ, yu de gi am mɔ?’ 26I se, ‘A de tɛl una se, pɔsin we gɛt sɔntin, Gɔd go gi am mɔ; bɔt pɔsin we nɔ gɛt, di lili bit sɛf we i gɛt, Gɔd go tek am na in an. 27Dɛn pipul we nɔ lɛk mi, we nɔ want fɔ mek a rul dɛn, una bring dɛn kam na ya ɛn kil dɛn bifo mi.’ ” 28Wɛn Jizɔs dɔn tɔk dɔn, i kɔnti nyu fɔ waka go Jerusɛlɛm. 29Wɛn i rich klos Bɛtfej ɛn Bɛtani, we de na da big il we dɛn kɔl Mawnt Ɔliv, i kɔl tu pan in lanin bɔy dɛn kam fɔ sɛn dɛn; 30i se, “Una go na da vilej we de bifo wi so. Una go mit dɛn tay wan dɔnki pikin na di get, nɔbɔdi nɔ sidɔm pan am yet. Una lus am ɛn bring am kam to mi. 31If ɛnibɔdi aks una wetin mek una de lus am, una jɛs ansa se, ‘Wi Masta want am.’ ” 32Wɛn di lanin bɔy dɛn go na di vilej, dɛn mit ɔltin lɛkɛ aw Jizɔs tɛl dɛn. 33As dɛn de lus di dɔnki pikin, di pɔsin we gɛt am aks dɛn se, “Wetin mek una de lus am?” 34Dɛn ansa se, “Na wi Masta want am.” 35Di lanin bɔy dɛn kɛr di dɔnki pikin go to Jizɔs, dɛn prɛd dɛn klos pan di dɔnki pikin fɔ mek Jizɔs sidɔm pan am. 36As Jizɔs de rayd go Jerusɛlɛm, di pipul dɛn prɛd dɛn klos na di rod we i de pas. 37Wɛn Jizɔs kɔmɔt Mawnt Ɔliv de go dɔng di il, i kam klos Jerusɛlɛm ɛn ɔl dɛn pipul we bin de fala am bigin gladi ɛn ala prez Gɔd fɔ ɔl dɛn big wok we i du we dɛn si. 38Dɛn se, “Gɔd blɛs di King we i dɔn sɛn fɔ kam tinap fɔ am! Kol at de na ɛvin ɛn wi de prez Gɔd!” 39Sɔm pan dɛn Faresi we bin de na di krawd tɛl Jizɔs se, “Ticha, tɛl yu lanin bɔy dɛn mek dɛn sɛt dɛn mɔt.” 40Jizɔs ansa dɛn se, “A de tɛl una se, if dɛn pipul ya sɛt dɛn mɔt, dɛn ston ya go ala wantɛm!” 41Wɛn Jizɔs rich klos Jerusɛlɛm, as i si di tɔng so, i bigin kray fɔ am. 42I se, “Aya, if una we de na Jerusɛlɛm bin sabi naw sɛf dɛn tin we go gi una kol at bɔt una yay nɔ go si dɛn tin de naw. 43Tɛm de kam we dɛn wan we nɔ lɛk una go bil ston wɔl rawnd una tɔng, ɛn tinap rawnd am so dat una nɔ go gɛt ples fɔ pas kɔmɔt. 44Dɛn go ib una ɛn una pikin dɛn na grɔn ɔlɔbɔt ɛn dɛn nɔ go lɛf wan ston pan in kɔmpin insay una tɔng, bikɔs una nɔ bin no wɛn Gɔd bin kam fɔ sev una.” 45Jizɔs go insay Gɔd in Os ɛn bigin fɔ drɛb dɛn pipul we bin de bay ɛn sɛl insay de. 46I se, “Dɛn rayt na Gɔd in Buk se, Gɔd se, ‘Mi Os na ples fɔ pre,’ bɔt una dɔn tɔn am to ples we tifman de ayd!” 47Jizɔs bin de tich na Gɔd in Os ɛvri de. Dɛn edman fɔ dɛn man we de mek sakri fays fɔ pipul sin, dɛn Ju Lɔ ticha, ɛn di ɔda Ju bigman dɛn tray fɔ fɛn we fɔ kil Jizɔs, 48bɔt dɛn nɔ bin no wetin fɔ du bikɔs ɔl di pipul dɛn bin want yɛri wetin Jizɔs de tich, dɛn nɔ bin want mis wan wɔd sɛf.

will be added

X\